من بعد ماكملو الدريات الدراما سلمات عليهم هند و قطعات مشاو للمطار بغا ايمن يقطع البيي لفرنسا مي مخلاتوش قالت ليه الطيارة اللي غنلقاوها غنركبو فيها لقاو وحدة كتدي لكندا ركبو فيها شدات هند فيد ايمن و هو فهمها و تفكرات اول مرة اتركب فالطيارة مع عمران حيدات دوك الافكار من راسها و نعسات فاقت على شي واحد كيفيقها
هند : عمران بلاتي شوية عافااك
ايمن : اشمن عمران نوضي تكعدي
هند : هااء ااووووف مبغاش يتنسا ليا
ايمن : صافي بيبي انا معاك
هند (عنقاتو ) : عارفا يا احلى اخ 😚
ايمن : وا نوضي تكعدي غنبقاو هنا
هند : هاهيا نايضا تفوو
مشاو و ديك الساعة دارو دير سلم عليه زرب عليه مشاو شراو فيلا خطييييرة واخا صغيرة جات فحي راقي دازت سيمانه و هوما فالأوطيل و كيجريو على الدار باش يصلحوها المهم نوصفها ليكم فيها كوزينة. محلولة على بيت آخر فيه صال أمونجي و بركة بالفوتوي و صالون شوية تقليدي و شوية عصري و ب حتى نوصفو ليكم و دروج جاو على الباب إيلا طلعتي ليهم كتلقا جوج غرف كباااااار و فكل غرفة فيها غرفة للنعاس و غرفة للبس و غرفه ديال الدوش و غرفة فيها مكتب
هند دارت الغرفة ديالها على الون البيض دارتو فالنص الفوقاني ديال الحيط و الغوز البارد دارتو فالنص التحتاني دالحيط و دوزات خط رقيق بالذهبي
اما ايمن دارها بطريييييقة رجووولية الحمام بالبيض و الكحل و باقي الغرف دارهم بالحمر و الكحل
الكوزينة داروها فالبيج و البلاكارات داروهم فصباغة دالخشب و دارو رخام بيض و دارو فالأرض زليج فيه البيض و البيج وقدامو صال آمونجي فيها الخشب كلاس و فوقها ناب حمر و كراسا ديال الخشب
والصالون فيه سدادر دايراهم بالبيج و الغوز باردين و و زربية تركية فيها نفس الألوان و الوسط جاو بحال كراسا ديال الفوتوي صغااار و معندهومش يدين و واحد الثرية هي جات شوية هابطا و فيها بحال سناسل هابطين كووول و بيضين
الصالون جا محلول على واحد الجردة كبيرة و فيها بيسين و جوج رولاكسات
المهم فيلا جات تحفة واخا صغيرة مي ديكورها رااااااقي و بزاااف
دازت شهر عليهم و هوما فيها هند بدات كتقرا هنا فكندا و ايمن خدام فالفرع دشركتو اللي هنا فهاد الشهر دازو بزاااف ديال الحوايج
هند عاودات للدريات شنو طاري و حلفاتهم باش ميقولوووش لشي واحد.فين كاينة
أنت تقرأ
الحب المر
Romanceسلام بنااات دونك ليوما جيت بقصة جديدة أولا بالتتمة ديال قصتي اللولة "احببت زوجي المزيف " بالطبع حياة هند مغاتساليش من بعد زواجها بالعكس تما غتبدا المعانات ديالها ! بلاما نحرقو المراحل المهم وجدو عويناتكم للبكى حيت غتكون فيها الدراما بنسبة كبيرة و...