Soliloquy

siguro

Siguro tayo ay pinagtagpo,
Mga pusong saglit na pinagkaisa
Na sadyang naglaho
Dahil hindi itinadhana

Siguro tayo ay nagkakilala
Upang punan ang mga pagkukulang
Na hinding hindi natin kayang
Takpan mag-isa

Siguro tayo ay naglalakbay
Patungo sa daan kung saan tayo dapat
Ngunit dahil sa bagal ng panahon
At kay dali ng damdamin
Tayo ay nagkatagpo,
May iba't ibang hanap
Pero parehos ang sigaw ng mga puso

Siguro tayo ay mga mumunting
Piraso ng buhay
Pilit na idinudugtong
Kahit walang kasiguraduhan
Kung tayo'y bagay ba at wasto,
Pilit na ipinagtagpo
Para masaktan at masugatan
At unti unting ilalayo
Kung hindi na pwede

Siguro tayo ay pinagtagpo
Pero hindi itinadhana,
Mga pusong bulag at uhaw
Sa pagmamahal na panandaliang binuo
Pero hindi malaya.