راح الم جسمي كله مضفر جان مبلغ اخوتي بكل شي بس مكايلين شي لجلال اللي جان يوميه يمر
جلال- جنت واثق انه هي يم واحد من اخوتها البره من عيون ضافر وبروده اعصابه مشتاقلها والجهال لحد هسه يسالون صار شهرين متفاركين
ميس- كملت فترت نقاهتي جنت مقرره ارجع واداوم بالوضيفه مالتي
وره اسبوع رجعت وودعت مضفر خطيه ضل يبجي هو وزوجته تعلمو عليه وتعلمت عليهم
رجعت لبيتي جنت محاجيه ضافر يكول للمؤجرين هذا اخر شهر الحمد لله البيت ممسويله شي من طبيت بقيت ابجي تذكرت كل لحضه حلوه وكل احساس ميار ومرى جلال المذله كمت على حيلي رجعت هدومي اجوي اخوتي وضافر الحقير يصيح مبروك ولك اسكت خرب ببليسك فضحتني
جعفر خربان ضحك
خويه حبيبي خوما متأذايه
لاحبيبي طبت
لعد سوينا عشه اليوم بايتين يمج بهوستنا
كامو نسوانهم ويايه ساعدوني ترست المسبح الجهال تونسو بيه طلعت بالطرمه منصيه عالبوري اسده شفت رجل كدامي رفعت راسي شوي شوي جلال دموعي نزلت بدون ماحس
جلال - اتصل بيه ضافر
حبيبي مرتك ببيتها واحنا كلنا يمها تجي عجبها تبقى على ذمتك بقت معجبها تره تطلك واحنا كلنا بضهرها لان احنا نعرف اختنا ونعرف تربايتنا ونعرف قابليتها للتحمل مو من النوع اللي راسن تتعب وتكول اتطلك مثل بنات هالوكت
جلال- صح اي جاي كلبي ركض كبلي واخذت الجهال ويايه وسيلتي الوحيده التاثر عليها
باوعتلها وكفت مااعرف شسوي بس دموعي تجري رفعت راسها شافتني راسن دموعها نزلت تمسح بيها وتباوعلي ميار ومرى مجلبين برجلي مرى تباوعلها تكولها ماحبج عفتينا وميار يكولها انتي متحبينا
ميس- ضميت راسي بحضني وكعدت ابجي تقرب مني خايف تلمس شعري باسني من راسي
جلال- اسف من كل كلبي وكياني وفقداني الج وعذابي بغيابج
ميس- فتحت ايدي للجهال حضنتهم ضلو يبجون بحضني هو مقرفص كدامي واني هم كاعده بالكع مبيه اوكف بقيت على هالحاله نبجي كلنا ربع ساعه
ضافر- كافي يمعودين لو فلم الرساله هم جان خلص لو دعاء الكروان هم جان خلص دكافي عاد يمعودي سدي المي بدربج الجهال حيغركون منا المي مال صونده منا دموعكم شسالفه كافي عاد
ميس- باوعتله اضحك
ضافر- مو كافي تقربت منها اني خابرته
ميس- ادري هو اكو غيرك
ضافر- كوم جلال خزيتنا كاعد بالكع
جلال- هه والنبي خوش تطبيك
ضافر- شغل ايدك بعد دكوم شوف جهالنا شسوو بالمسبح حتى الفرفوري شلعوو
جلال- ميتشلع لو تطلع نخله براسك شغل العماله مالتي هذا
كمنا فتنا واباوعلها خايف بعدين من يروحون تكلب
كملنا عشا واخوتها كلمن راح لبيته
جعفر- يابه انتو اكعدو اخذو راحتكم احجو وتناقشو وباجر جايين اني وضافر
ضافر- نتغده هناااا
جعفر- انلصم ابو بطن نجي هنا ونشوف اي شي عدكم هاي راي شي احنا موجودين باوعت لجلال احنا مو بس اخوتها احنا اخوتك هم وللعلم لحد هسه مااعرف شنو الصار بيناتكم بس اني ثقتي باختي فوق متتصور اعرف طاقتها ابتسمت لميس وادري بيها اللي تحبه متعوفه بسهوله
ميس- متحملت بجيت وحضنته قوي شفت بي ابويه بكلامه وعيونه ابتسامته الي الواثقه بيه حضنني قوي خويه اني معايفج وياج بكل حركاتج تره من تطلكتي دائما اني اشوفج وجنت اشوفج من تطبين وتطلعين واثق منج لان تربايه اخوتج انتي وهذا المايع انتي ربيتي شفتي تربيتج
ضافر- اني مو مايع والله
جعفر- يله يابه نترخص
ضافر- شراح تغدينا باجر
جعفر- لك العشا لحك ينهضم امشي امشي اني متاكد بيك شي كائن فضائي بداخلك ياكل وياك
ميس- راحو كلهم واخذو مرى وميار وياهم
كعدت ويا نص ساعه كلشي منحجي بس واحد يباوع بوجه اللاخ معاتب بالعيون كلسا عيننا تدمع ونمسحها ونرجع واحد عينه بعين الثاني
جلال- احبج همست
ميس- سكتت مجاوبته
لحد هسه ميدري بيه مسويه عمليه
جلال- رحت لطبيب نفسي كلتها واني منصي
ميس- باوعتله ساكته ردت يكمل
جلال- وتعالجت مده شهرين بجلسات واكو شي بيه تغير اني مريض بالشك الحمد لله هسه احسن بدليل من رحتي لحد هسه مشاك بيك دتسوين شي غلط
ميس- فرحت بهالشي هالبعد جان مطلوب
جلال-تاذيت ببعدج تدمرت
ميس- نصيت من عيونه ماريد احرجه من يبجي
دموعي ضلت تجري
دك تلفوني
الو ها حبيبي اي الحمد لله وصلت وجوي تغدو يمي بجيت مكانك خالي مو كافي غربه وانته وذاك اللاخ
اي انشاء الله اكولك راح ارجع لحبيبي باوعت لجلال
جلال- رفعت راسي ابتسمت بست ايدها
ميس- احبه ومااكدر دونه الله لايحرمني منكم الله وياك سلم على زوجتك
سديت التلفونً باوعتله
ميس- عدي شروط
جلال- كلها منفذه
ميس- لازم تسمعني
جلال- ماشي
ميس- دوامي ماعوفه واطلع بالسياره واي شك اعوفك تره مااتحمل اهانه بعد
جلال- خليت ايدي على حلكها لتكولين اعوفك
ميس- هزيت راسي اشتاقيتلك
جلال- قربتها لحضني وحضنتها قوي اتنهد بكد مابيه من نفس واتذكر ايام بعدها
ميس- بحضنه ودموعي تجري حضنته قوي اتنفس عطره اتذكر عذابي واشمشم بهدومه اللي اخذتها ويايه ردت اي شي من ريحته باوعت بعينه احبك
جلال- احس جسمي تعبان بس شلتها ووديتها لفراشنا القديم جانت مستغربه مني كلش
واني هم بس كسرت الحاجز وبستها اويلي على طعم شفتج دمعت عيونة دمرتيني ببعدج
نزعتها برقه انتبعت اكو مكان شك جوه بطنها
هاي شنو
ميس- باوعتني ماكو شي
جلال- هذا الشك باوعتلها حاير شمسويه تره كلبي ميتحمل والله
ميس- زرعت مبيض
جلال- فتحت عيني كلها صدك صارلج شكد
ميس- 50يوم
جلال- حضنتها نمت وياها بكل لهفه طلعت اشتياقي وعذابي ببعدها
كملنا باوعتلها تره اني الدشنتج هههه
ميس- ممم اي اعرف حضني قوي ونمنا وكلسا يكعد يبوس بيه ويرجع ينام قررت ماذب نفسي عليه بعد اتصرف بثكل
رجعو الجهال ورجعت حياتي وصارت اجمل وكمت اطلع اتسوك ويا وصار هو الذاب روحه عليه وهو اللي يحضن ويسمعني حجي حلو كلسا اغنيه كلسا غراميات الحمد لله كدرنا نعالج اغلاطنا وره شهر كمت اتخربط
جلال- حبيبي شبيج غير افهم
ميس- ماادري والله
ضافر- لج هاي شبيج ميار يكول حتموتين
جلال- ضافر لتشاقى هيج شقه كلبي يوجعني ومحمد
ضافر- اووي عيني
جلال- لج هذا اخوج صدك لو كال جعفر عليه مايع هي هاي تربيتج
ميس- هههه دطلعو خل ابدل اريد اروح للدكتوره
جلال- صار ست
ضافر- بربك جلال مفد يوم ضربتك عبالها طلابها
جلال- لا بس هواي اكل رزايل
ضافر- ههههههه هذا الياخذ مدرسه
ميس- رحت للدكتوره فحصتني واخذت سونر كلتلي مبروك حامل ب3اسابيع ردت اموت من الفرحه
طلعت بجي لجلال
جلال-حضني فرحت لفرحتها والعالم تباوع تضحك علينه من دخلنا البيت جعفر ذبح ذبيحه حضنها يبجي مبروك حبيبتي الله ميعوف اخد الله يتممها عليج وعلينا
انصل مضفر وكتله احاجي وابجي وهو هم يبجي وره 4ساعات صار يمنا اجه من اربيل متحمل حضني ويبجي
تعرف على جلال
سمعت عنك احلى كلام
جلال- باوعت لميس رغم كل هذا محجت عليه بقو التلاثه يمي لل2تونسنا كلش وجلال كلش حبه لمضفر وقوت علاقته بضافر وجعفر وعرف تربيتي شنو من الشي
راجعت الدكتوره وكتلها بالنسبه لعمليتي كلتلي تعوفين الدوام لازم كلشي متسوين مجهود فتره الحمل الحمد لله كضت وخطيه مرت ضافر دارتني بقت يمي يوميه يجيبها ضافر ويرجع بليل ياخذها
جلال- عشت برعب طول فتره حملها خايف عليها تتاذه اذا راح الطفل لحد ماالله سهلها وجابت بالسابع الحمد لله سبيعي جابت ولد وسميناه ايوب عالصبر الصبرته الحمد لله اباوعلها ترضعه وتبجي
جلال ممصدكه
لا حبيبي هذا اليصبر على حكم الله تتذكرين من جننا طالعين وكتيلي ليش هيج الله حرمني استغرفتي وكلتي لا اعتراض على حكمك ربي
اي اي الحمد لله ربي احبك جلال من عرفتك الدنيا ضحكتلي
ابتسمت اموت عليج
عاشو عيشه سعيده كملت قصتنا على خير وسلامه
العبره منها انه مهما حبيتي لتهون عليج نفسج لان الرجل الشرقي حتى لو حبج راح ينضرلج باسترخاص وانج يوما ما هانت عليج تربيه اهلج
والعبره الثانيه انه منكطع الامل مهما جرى لانه لاحياه مع الياس ولا ياس مع الحياه
الف تحيه وسلام
بقلمي انا مريم السعدي
