جلال- رجعت للبيت تمددت صفنت هاي شنو عبالي بس اني ممرتاح لزمت التلفون اتصلت بيها
الو
الوميس شونج
الحمد لله
خومابعدج تبجين
لا الحمد لله بس احسن شي سويته تدري لو عايفه المول وطالعه جان هسه داابجي لان مقهوره بس اني دااحس روحي منتصره لان هو هم انصدم ههه
اي طبعا ليش كتلج لعد خوش لعد يله نامي ارتاحي وراج دوام
اي والله تصبح على خير شكرا على كلشي
هلاو الله وياج
ثاني يوم كالعاده رحت للموقع مال عمل ومناك رحت للمكتب
ميس- داومت ومن رجعت حضرت غده للعمال وحضرتله اله هم حسيته صاحب فضل عليه ب12رحت موقع العمل نزلت ملكيته نطيتهم حصتهم للعمال ورحت للمكتب شفته توه ديعزل
استاذ جلال وين رايح التفت عليه
هلاو ست ميس والله اودي غده العمال
ههههه تعال اني وديتلهم وهذا غداك
والله دتحرجيني هواي
ميخالف اعتبرني صديقتك
اوكي رجعت فتحت المكتب فاتت ورجعت عزلته علينا
ميس- ليش سديته
جلال- مو دنتغده خاف احد يجي اولا يوكفنا هن الاكل ثانيا اتفضل مااتفضل لغوه تصير خل ناكل براحتنا باوعت بعينها ابتسمت عيونها تباوع عالباب مال مكتب
جلال- شنو ممامنه بيه نضرتلها قاطب حاجبي
ميس- لا مو هيج بس التفتت عليه شفته ديباوعلي قاطب حاجبه هذا بس لا زعل
جلال- اذا تحبين نطلع بره ناكل كلتها ببرود
ميس- لا عادي كعدت وفرشت الاكل
جلال- صفنت وي روحي عليها حقها متامن بيه بنيه حلوه وتغري ومطلقه تجيها حجايه من جوه الكع رحت للباب فتحتها
ميس- ابتسمت ها شو فتحت
جلال- لا مو اخاف تجيج حجايه
ميس- ابتسمت باوعتله شكرا
كعدنا ناكل ونسولف ونضحك
جلال- تره اكلج رهيب
ميس - الف عافيه ابتسمت
جلال- تشربين جاي
ميس- ياريت
جلال- عبالج اسوي جاي يخبل اني خدرت الجاي عالهيتر العدي وصبيتلها
ميس- تره صدك يخبل جايك
جلال- لعد شعبالج اغشج اني
ميس- يله عيني الكعده حلوه وياك
جلال- يابه باجر الغده عليه
ميس- لاعفيه
جلال- شنو ازعل والله
ميس/ اوكي هاهي لعد شراح تغدينا
جلال- براحتج
ميس- شعاجبك تاكل
جلال- تاكلين باجه هههههههه
ميس- يله هاهي
جلال- شنو صدك تحبيها لا تشاقين
ميس- ليش يعني
جلال _شو البنات دائما ميحبوها ويتنعوصن وايع ومدري شنو
ميس- ليش يابه حصري بس للرياجيل لا عيني اني مابقي بيها لا كرشه لا لسان
جلال- جيبببببببببه
ميس- هههههه حتكابل وياك باجر عليها وياك راس بصل احمر
جلال- لج هاي شنو طلعتي بطله خرب ببليسج صدمتيني كل هالرقه طلعتي زلمه خشنه
ميس- يابه تربيه 5رياجيل شتريدني اطلع
جلال- قنعتيني هههههه صح سكتنا تاملت عيونها اللي التقت بعيوني ابتسمت همزين تعرفت عليج
ميس- اني هم مكيفه بصداقتك يله اترخص
جلال- الله وياج هاها تلفونج لتنسي
ميس- لتخاف ماانساه باوعتله بمكر
جلال- كملت شغل ورجعت للبيت من وكت ماعدي افه تاكل بكلبي اشتاقيت لمرى وميار خابرت ناز كتلها راح اخذهم
مريت عليهم اخذتهم كيفو رجعنا للبيت
لعبت وياهم تذكرت ميس
اتصل بيها اروح وياها للمول اشتري للجهال ملابس ضليت حاير اتصل واجرب قبلت كان بها مقبلت هاهي
اتصلت
الو
الو هلو جلال
هلو ميس باعي من الاخير الجهال يمي واريد اتسوكلهم ملابس من المول الج خلك تجين ويايه لو مالج خلك
ميس- والله اجي اني ضايجه واريد اشوف جهالك ههه
جلال- يله حمر عليج ميحتاج بسيارتج
ميس- ماشي بدلت وتمكيجت خفيف وانتضرته اجه وطلعت
هلو جهال اوي فدوه يخبلون
جلال- هاي مرى وذا ميار
ميس- مرى تعاي بحضني صدقه ولك يخبلون حضنتها عيونها وساع ملونه وضحكتها تجنن
ميار انت هم تخبل عبالك رجال صغير
اني اسمي ميس صديقه بابا وصديقتكم ماشي
جانو صافنين ويتبسمون وصلنا المول نزلنا
جلال - مرى بابا كودي ميس
تعال ميار
مرى- انتي حتزوجين بابا
ميس- ههههه لا حبيبتي انتي عدج اصدقاء
مرى- لا اي عدي الن خالو احمد
ميس- اي بابا هم صديقي
مرى- ها ماما هم عدها صديق
ميس- اششش يسمعج بابا اسكتي
مرى- اي ههههه
ميس- وصلنا محلات اطفال راد يشتري قطع بس موحلوات
هاي صدك حتشتري هذا
جلال- ليش شبي موحلو
ميس- لا يخزي باوع هذا احلى ارقى
جلال- اني حكعد وانتي اختاري شكو جايبج لعد
ميس- لا بله
جلال- اي شنو جايبج ومطلعج ومول وكذا تكعدين تصنفين روحي شوفي شغلج تره اني ماعدي ذوق
ميس- لا عيني واضح ذوقك من اختيارك البلوز وجه العرب
جلال- كعدت وهي كعدت تقيس وترهم وكانت فرحانه وتبوس بالجهال خطيه محرومه منهالنعمه
صفنت عليها تناسبني حيل بس اني مستحيل ارتبط بعد ماورط روحي
كملت واخيرا اشتريت هواي شغلات للجهال احتياجات موسميه
ميس- انت متشتري الك
جلال- اي والله محتاج بلوزات وبناطيرً بس خليها غير مره
ميس- تعال نشوف المحل هذا احنا جايين جايين
جلال- ها ديله لعد دخلت قبلي اختارت بلوز لونه شبابي وبنطرون وياه
تره اني استحي البس هذا اللون
ميس- ليش
جلال- شبابي
ميس- ليش شكد عمرك 60سنه كول ياالله
جلال- ها خاف عيب
ميس- لا والاه حلو وانت جسمك مرتب مو كرش وهاي يكعد حلو
جلال- باوعتها رافع حاجبي يعجبج
ميس- لا يله امشي شكد بله معنى هههه
جلال-والنبي استحي اطلع بي
ميس- ازعل والله
جلال- اذا ضحكو عليه تنبسطين والله
ميس- ميخالف عمي
جلال- انتي متشترين شي التفتت عليها شوكت تنزعين الاسود
ميس- من تطلع السنه مال ابويه
جلال- شوكت
ميس- بعد شهر
جلال- خوش منا لشهر الله كريم
يله خل اوديهم ملاعيب فوك
ميس- يله عادي باوعت للجهال فرحانين يلعبون نسيت نفسي تقرب مني جلال
جلال- عيونها من تتامل الاطفال توجع تقربت
شاورتها الجهال حبوج
ميس- التفتت عليه ابتسمت متت عليهم اني بقت عيوننا متلاكيه
جلال- عيونج حلوه ابتسمت
ميس- شكرا داد اشتغل الغزل
جلال- بربج شتغزل بوحده باجر تتعارك ويايه على راس باجه وفحل بصل
ميس- ههههههه بعدك مشايف جعفر اللي بداخلي غير من اصير عصبيه اخوف ههههه
جلال- الستار الله يله اني متت جوع
ميس- لا مو مال عشه
جلال- ها تعشينا ببيتج ماعدي اعتراض
ميس- هله بيكم والله صفنت تعال ببيتي الجهال وياك مووحدك متجي حجايه
جلال- حسب العشا شراح تعشينا
ميس/ بله خل افكر ها اوك مرلي عالكصاب واعشيك عشا مصاير مصري
حلال- شنو كشري
ميس- لالا بس امشي
جلال- تره ساعه ب9
ميس- الحك عشر دقايق ميطول
جلال- يله امشي متفقين
ميس- بضرف اسبوعين صارت علاقتنا قويه اني مكيفه بهالصداقه منسيتي احمد واشتياقي اله وحبه ملتهيه بسوالفه التضحك بالتصنيف
جلال- اخذنا اللحم المثروم ورحنا لشقتها مرتبه وصغيره وكلها ملاعيب الجهال حارو بيش يلعبون
كعدو بابا لتعلب ميار مرى حتكسريها
ميس- لخاطر الكعبه شكد مزعج عوفهم حتسوي بيهم عوق من كد مترزل
جلال- ها يله لعد فلشو للبيت
ميس- ههههه تعال عوفهم روحو لعبو فدوه لالله
جلال تجي ويايه
جلال- شحتسوين سولفيلي
ميس- محاشي مثل العرايس
جلال- لا يا الله مااحبهن هاي ساحلتني مناك لهنا عالعرايس ماريد
عدج بيض
ميس- هسه دوكف وين ماكلهل
جلال- بمطعم بالمنصور تصير زفره كوه اكلتها
ميس- زين مقترح اسوي واذا معجبتك نسوي بيض هههه
جلال- متفقين يله شسوي بيش اساعدج
ميس- انت جمر الفحم بالبلكونه هاك النفط
جلال- خوش
ميس-حضرت العرايس وخليتها بالشوايه خبزه رطبتها بمي وزيت برشت البصل والطماطا والفلفل واللحم خليتها وخليت خبزه لخ فوكاها وخليتها بالشبكه مال سمج
جلال- هاي شنو سهله اذا صار ت طيبه اكوم اسوي بالبيت
ميس- ماشي هاك اشوي كلسا اكلبها
جلال- خوش
10دقايق وصار الاكل رشت الحامض وقطعت واني جعت وسطرتني الريحه
ميس- يله جهال
مرى- ميس ميخالف اخذ هاي اللعابه
ميس- فتحت عيني باعي انطيج غيرها بس هاي مالتي احضنها وانام انطيج وحده احلى منها
مرى- ايييي شكرا
جلال- هاي جابها الج احمد
ميس- اي باوعت للعابه خليتها فوك الكاونتر
جلال- شوكت يطلع حبه من كلبج
ميس- من اموت كلتها ببرود عفته وقسمت العرايس للجهال وكعدو ياكلون
جلال- صفنت عليها ميووس منها
ميس- يله اكل
جلال- تره طيبه واو طيبه والله
ميس- ذوله مسويها بلحم من تكمل اكلك لحم شنو
جلال- دك تلفوني
الو
هلو ناز لا هسه اجيبهم فد ساعه ماشي الله وياج
ميس- زوجتك
جلال- اي تسال عالجهال
ميس- حبيتها
جلال- ههههههاي اسكتي احسن
ميس- نصيت
جلال- خليها ببالج الميخليني تاج على راسه ماخلي حذاء برجلي اشرت على راسي ورجلي
ميس- سكتت نصيت
جلال- يله يابه تعبناج مشكوره يله جهال حنروح
ميس- مرى دقيقه تعاي طيتها لعابه جديده وبستها
مرى- شكرا ميس باي
جلال- في امان الله باجر ملتقانا هالمره ببيتي
ميس- لا يابه
جلال- اجيب الجهال
ميس- مم موافقه
جلال- شكرا عالعرايس طيبه مكتيلي مال مطعم لحم شنو
ميس- لحم حمار هههههه ومنتهي فلمه هم
جلال- دروحي خرب ببليسج لعبتي نفسي
ميس- حتى متاكل من اي مطعم بعد
جلال- لا عمي التوبه طلعت افتح الباب لاكيت شاب توه يدكها
انته منو
انته المنو
ميس- هلو ضافر شونك حبيبي ركضت عليه بسته
جلال- ابتسمت اخوج
ميس- ضافر اعرفك جلال صديق وهذوله اطفاله الحلوين
ضافر- اهلا وسهلا تصافحت وياه
جلال-سلمت عليهم وطلعت
ميس- شعجب شعتب مشتاقتلكم والله
ضافر- والله اني هم مشتاقلج تره جعفر ماله خلك كام ميروح للمهندس مال بيتج
ميس- ولك هو هذا المهندس
ضافر- ميس ديربالج مو كل الناس مثلج نيتهم صافيه
ميس- ولك لا والله حباب حاير بجهاله خطيه مطلق وماعدي شي مجرد صداقه اني بعد كلبي خلص
ضافر- يجوز الله ضاملج الاحسن
ميس- زين انت شبيك وجهك تعبان وشبي جعفر اسم الله
ضافر- عيني جعفر بي تيفو واني حطلك رند
ميس- شنوووو شو موده صايره الطلاك
ضافر- مو تتني موتتني التلفون بيدها اربع وعشرين ساعه اريد احاجيها ماكو كمت احاجيها هالفايبر وهي بصفي وشنسوي تكول لامها لعبت روحي
ميس- هاهي عبالي فد شي لك بابا هاي شغلات تافهه كبر عقلك حرامات رند ورده وانت مصارلكم من تزوجتو
ضافر- صار سنه وشهر قبل وفاه ابويه بشهر طلابه متعلمت عليه
ميس- حبيبي حب اربع سنين بشهرين ضاع انت شدتحجي حاول تتمسك بحبك بايدك وكلبك وسنونك
ضافر- نصيت هي الطلبت تتطلك
ميس- ليش
ضافر- تكولي مداارتاح وياك
ميس- الموضوع جبير مبين خويه
ضافر- اي نصيت
ميس- حاجي وي غيرها
ضافر- هزيت راسي
ميس- عزه بعينك
ضافر- هيج صداقه ومصار شهر ويايه بالوضيفه
ميس- كتلها
ضافر- اي تكولي اني مصدكت طلعت منك مو مني اني مداطيقك
ميس- هذا حجي فارغ مال حركان دم عوفها فتره تبرد اعصابها وراها روح شوفها وتوسل بيها توسل
ضافر- ماشي واذا خابرت
ميس- جاوب وكولها بعدين فد اسبوع موتها للسالفه
خرب ببليسك هي مال علاقات وعوفها للجديده متدري بيك متزوج يمه من بنات هالوكت
ضافر- ولج والله بس صداقه سوالف وضحك بس اذا هي وياي متسولف ويامن اسولف تدرين بيه شكد احب الغي كعدت اسولف وي الموضفه وصرنا اصدقاء هي تسولف عن حبيبها واني اسولفلها عالعله
ميس- لتكول عليها عله جوعان لو متعشي
ضافر- جوعان ميت جوع
ميس- دتعال هاي عدي عرايس
ضافر- الللله فدوه لاختي
ميس- والله انت فد واحد باوع حروح انام وين تنام داافرشلك
ضافر - كيفج بس اريد تلفزيون
ميس- هسه افرشلك بالهول
ضافر - عاشت ايدج باجر عدي دوام كعديني وياج
ميس- ماشي يله تصبح على خير
