حتى لو كان التعبير عن شعورك مؤلماً ،لكنه يبقى أفضل من التوتر الموجع الذي سيرافقك طيلة حياتك لأنك كتمته!
نعيشها رغم الآلام الب🌸ارت 3
صباحا
فتون: 💤💤💤
محمد: فتوووون يا فتتتتووووون
رنا:صباح الخير فوفو
فتون : صباحو رنو الساعه كم
رنا؛11:26 رقدناها رقدة صح
محمد : فتوووون يا حمااااره فتوووون
فتون: هاا شن تبي صبح
محمد: صبح عينك قايله
رنا: هههههه والله انت خوك جو كيييخ
فتون: به شن تبي
محمد : بدلوا بنمشو للحوازه و فوتها الجامعه الْيَوْمَ
فتون: ايييي هي دقيقه و نطلعو
فتون: اي حاله هي بدلي نمشو للحوازه و فوتيها الجامعه الْيَوْمَ
رنا:مالا فكة اصلا عندنا اليوم الدكتور النفاخ فالح غير يوري في فلاحته ع البنوت
فتون : اي و المحاضره تَو ناخدوها من سيرين انا بنبدل هذا محمد كان عطلت عليه يمشي و يفوتني
رنا:لبست سروال اسود وفالينيا حمرا ووشاح اسود وسبيدرو نايك وكحلت عيونها ورفعت شنطة نايك صغيرة احمر في اسود
رنا:انا واتية
فتون لبست سروال ابيض و بلوزه زرقه و وشاح بيج و شنطه بيج و سبيدرو اديداس ابيض و ساعه زرقه دارت ميك اب خفيف ( بناتي) و طلعت طررررف
فتون: به هي
فتون : يا حليلها طالعه طرف مغبر معناها محمد الْيَوْمَ بيهبل
رنا:صحيتي لكن مش احلى منك
فتون : سلمهاااا
محمد: فتووون ساعه تبدل ( سكت لما شاف رنا كيف طالعه تهبللل) 😍😍
فتون: احححم اححم كح كح
محمد فهم عليها: هي اطلعو انتم معاي و الباقي مع علي
رنا:انا نمشي معاك ولا مع علي ؟
محمد: انت معاااي امالا كيف هي اركبو لسياره
رنا:باهي هي جيت
فتون: جوك رايق يا فرخ
محمد: ضمي فمك ان شاء الله ديما رايق
رنا: والله الباشا محمد ديما وهوا رايق ماعمري ماشفته الا والإبتسامة شاقه وجهه
فتون: هههههه اي يحب يضحك
محمد: صقع عليكم انا سيد مبتسم مش. نكد زي بعض الناس ( يقصد فتون)
فتون: اي تَو انا طلعت نكد
محمد: صاحب العله تنخصه سله😂
رنا:هههههه هي سلم خوي اتتبه ع الطريق لانرتشقوا في واحد من البالوات الي قدامنا
محمد تعفلق من كلمه خوي😡 : لا انا ما نرشقهاش نعلمك السواقه
فتون: لا لا يا مدرب انت علم روحك قبل ما ليكش أسبوع ملصق سياره بوك في الشجره
رنا:اسم الله شكله خديناك بالعين وليت متعصب
محمد تعفلق للأخير وقف السياره: لا مش معصب
فتون: خيرك وقفت السياره
محمد : بناخد كريب و نسكافي تبؤ
فتون: اي و جيبلي معاهم كيكه
محمد: به و انت وخيتي رنا
رنا اتضايقت وتسأل في نفسها شن الي ضايقها فجأه:لالا شبعانه شكرا
محمد: به على راحتك و خش لللقهوه
فتون: هذا خيره شن جاه
رنا: والله مافهمته قبل شوية كان جوه فوق الريح
رنا: والله مش عارفه علاش حسيت روحي كانه مضااايقه هلبا لما شفته هكي مش عوايده
فتون: اي اهاااا عرفت
رنا:شكلك تلمحي ع حاجة
فتون: وااضحه
فتون: هذا من لما قلتي وخيي رقاله تي يحبك وانت تحبيه لان لما تعفلق تضايقتي
رنا:انا نحب لالا مستحيل لللا
فتون: ما فيش شي مستحيل انا كنت مستحيل. نحب خش زياد الكلب لحياتي و خلاني نحبه الدنيا ما فيها شي اسمه مستحيل و مع الوقت تقولي فتون قالت ( تتكلم و دموعها يقطرو زي المطر 😭😭)
رنا: خلاص فوفو حبيبتي فوتيه البهيم والله مايستاهل تو يلقاه حسبي الله ونعم الوكيل
رنا:هيي امسحي دموعك بسرعه محمد جي
فتون مسحت دموعها : اي اشي كيف يضحك اشبح شن فيه
محمد : السلام
فتون: و عليكم السلام هات جاي
رنا: وعليك السلام
فتون : كنت متعفلق جيت تضحك شن في
محمد: شي
فتون: اكيده شفت طروف
محمد يبي يغيض رنا : اي و شقر. يهبلووو طرووف من الأخير
فتون فهمت انه يبي يغيض رنا : اشيه ما نحصلوش طرف
محمد : ضمي فمك طرف شن يلي تبيه
رنا من تشبح للروشن وطااايرتلها قريب تتفجر:ربي يبعتلك بنت الحلال ان شاء الله
محمد أتضايق مِن ردها : ان شاء الله
فتون : و مِن دعيسه الحظ هادي
محمد: مزال وقت باش تعرفيها
رنا شادة دموعها بالسيف:شني مازال ماوصلناش؟
محمد : قريب نوصلو
فتون: حمودي
محمد: مادما فيها حمودي معناها تبي حاجه خشي في الموضوع طول
فتون: من هيا دعيسه الحظ
محمد: امت يجي الوقت المناسب نقولك
فتون : تم منور يا قدر
محمد : هههه. بنورك
فتون : رنو حبي خيرك ساكته
رنا:لاشي غر مرات نتكلم تغار تعيسة الحظ او بمعنى اخر الطرف
رنا :........(حرجانة)
محمد : وصلنا انزلو
رنا: نزلت بدون ولا كلمة
فتون : حي حناي هنا ( حناهم جميله مراء طيبه تهبل)
محمد : اي
فتون : رنو تعالي سلمي على حناي
رنا؛به نمشي نساوي وشاحي ونجي
فتون : به و مشت لحناها
رنا مشت وهيا في الطريق تتلاقى مع محمد
محمد: رنا
رنا من غير ما تشبحله:نعم
محمد : فيك شي حسيتك مضايقه
رنا: لالا مافيا شي ترا شوية بنخطم
محمد حول : تفضلي ومشي في خاطره( انت هكي تبي بنخليك في حالك مع أني نحبك )
رنا: السلام عليكم كيف حالك حناي
جميله تعرف رنا و عيلتها : و عليكم السلام الحمد لله كيف حالك انت يا بنيتي
رنا: الحمدلله بخير مع عيلة عمي الناجي ماشاء الله عليهم
جميله : سلمها ربي يحفظك بنيتي
رنا:حناي انت تعرفي ماما وبابا صح؟
جميله: اي طبعا
رنا :ممكن تحكيلي عليهم لانهم توفوا وانا صغيرة ونحب نعرف كيف كانوا اهلي قبل لايموتوا
رنا:للاسف ماندكرش في شي يخصهم
فتون دمعوا عيونها
جميله : به و قعدت تحكيلها
و فتون تبكي
مساء
فتون : واااك كساد هي نديرو حاجه
محمد : نلعبو كوره
فتون: به فكره رنا شن رايك
رنا :تحاول تكون متماسكة لان من بعد ما سمعت ع امها وبوها وهيا حزينه ومتحسرة وماعندهاش نية تتكلم مع حد
رنا:فوفو ماعنديش خلوق للكورة خليها مرة تانية
فتون فهمت انها متضايقه: به تعالي نتمشو قبل لنروحو
محمد : انا بنمشي للولاد
فتون : به
رنا تحاول ماتحسسش فتون انها متضايقة:حوازتكم حلوة هلبا
فتون : اي سمعت من بابا ان عندكم حوش و حوازه
رنا؛ديما يقولوا بس عمري ماشفته اصلا بابا من لما توفى لحد الان ما حصلنا شي من حقنا
فتون : حقكم في الحفظ و الصون حوشكم واتي و يا سلام حوزاتكم جنبنا شركتكم يدير فيها محمد وبابا و علي و كل شي ماشي تمام تَو انتم جيتو بتاخدو كل حقكم
رنا :ايه بارك الله فيكم وقفتوا معانا هلبا حتى خوي ديما يشكر فيكم وفي اخلاقكم وتربيتكم
رنا:صوت حد ينادي فيك يافتون
فتون : فيك بارك الله
محمد : فتوووون فتونننن يا حماره هي بنروحو
فتون : هذا الفرخ محمد
رنا :شوفيه خيره
فتون: ها شن تبي
محمد : هي اركبو لسياره بنروحو انا و انت و رنا و الباقي بيباتو هنا
فتون : حتى انا نبي نقعد نبات
محمد : ضمي فمك غدوه عندك جامعه الْيَوْمَ غبتي مَش معناها كل يوم
فتون: واااك به هي رنو
رنا:هي جيت
في السياره كلهم ساكتين فتون تذكرت زياد فتحت الروشن بدت تبكي بدون صوت دموع بس : 😭😭😭😭
رنا حايرة تبي تتكلم تسال فتون وماتبيش تتكلم قدام محمد زعلانة منه
فتون: محمد امت بنوصلو
محمد : 5 دقايق نكونو في الحوش
وصلو خشت فتون لدار تمسح في دموعها
محمد فتح التلفزيون و قعد يتفرج
رنا: فوفو عارفاتك علاش تبكي بالله مش قتلك خلاص فوتيه هدا حيوان فوتييييييه أن شاء الله ربي ياخذ فيه الحق أن شاء الله يلقاه ف صحته
فتون : اااااه انا كل ما نقول معاش بنفكر فيه نتذكر كيف لعب بيا اااه يا ربي
رنا: حسبي الله ونعم الوكيل فيه
فتون تبي تغير جو رنا لانها عارفه انها متضايقه: هي ننزلو لوطا
رنا بتردد: به
نزلو لقو محمد بتفرج : فوفو تعالي انت و وخيتي رنا نتفرجو على الفيلم
فتون : به تعالي رنو
رنا:مانيش نازلة نبي نرقد
فتون: به على راحتك
فتون و محمد يتفرجو
محمد : فتون شوفي الطرف المغبر عاد هادم اجاانب
فتون:💤💤💤
محمد : اشي الحماره رقدت
قامها ومشي لدار نسي ان رنا ترقد مع فتون
محمد فتح الباب شاف رنا :😍😍😍 وخيتي بنحط فتون رقدت
رنا كانت تبكي ودارت روحها كانت راقدة قالت بصوت مخنوق : ماحدش يخش الدار من فضلكم
محمد زبطها من صوتها : به
ومشي حط فتون في داره
محمد يبي يدير اي شي لرنا يبي يعرف خيرها تعامل في هكي ما لقاش الا حل واحد : رناااااا يا رنااااااا تعالي شوفي فتونننن خيرها
رنا ناضت مخلوعة لبست وشاحها ونص شعرها طالع :خيرها فتوون شن صااار
محمد : 😍😍😍😍 فتون ما فيها شي انا جبتك هنا نبي نسئلك سؤال
رنا عيونها حمر واضح كانت تبكي:تو خلعتني قريب جلطتني وتقول بنسالك سؤال حرام عليك
محمد : عارف أسف لكن هذه ألطريقه الوحيدة يلي بتجي بيها انت علاش تعاملي فيا هكي💔 انا درت شي ضايقك
رنا: والله علاش ماتسالش تعيسة الحظ وعطت بظهرها تبيش تبينله انها تبكي
محمد : ههههه انت غر اعرفي من هيا تعيسه الحظ بعدين احكمي
محمد: و امتى نكلمك ماتعطينيش بظهرك
رنا: او الشقرا مافيش حد مايعرفهاش وانت ماشاء الله مالقيت الا بنات القهاوي بش تكحلهم ماشاء الله ما شاء الله
محمد : هيييي احترمي نفسك من هيا الشقرا و من هما بنات القهاوي امبكري يلي صار في السياره كله بصاره للعلم بس
رنا بضحكة مصطنعة:الناس يمشوا للمدارس والجامعات مش قهوة
محمد : هييييي انت زودتيها
رنا:ها قلت من هيا الشقرا دير روحك ماتعرفش تحسابني نسمعش فيكم في السيارة ولا كنا راكبة التالي معناته انطرشت
رنا: والله انت من قالك ناديني خليتني في حالي ماصارلكش هكي
محمد: اها و انا نقول من شن متضايقه صار من موضوع الشقرا ههههههههه ههههه هداكا. الوقت نبصرو في القهوه لقيت صاحبي و هدرزنا شويا غيرلي جوي يعني لا في شقرا و لا شي
محمد : انا ناديتك باش نعرف علاش متضايقه بس
رنا شادة دمعتها ماتبيش تبين ضعفها قدامه:انا توا بنمشي وعطاته بالظهر
محمد شدها من أيدها بشويا : مش انا قلت مادما انت في امانتي دموع ما فيش
رنا:محمد حول وخليني في حالي موضوعك انت مادخلنيش فيه باهي الغلط مني انا الي أدخلت انا مجرد ضيفه يومين تلاته وبنمشي ف حالي خلاص تم وجبدت يدها بقوه
محمد : انت كل موضوعي و مش يومين تلاته نوعدك تقعدي ديما هنا و معاش نبي دموع❤️😍
رنا قاعده تبكي؛محمد بالله حول من عليا خير بعد راهو والله والله نشنق روحي بالوشاح
محمد حول لانه خاف تشنق روحها : به هدي و اركبي ارقدي غدوه بنتفاهمو ما فيش هروب
رنا:وااك علاش هكي يصير فيا ديما شاقية ياريت نموت خودني يارب حياة بلا ام ولا اب
وبعدها انفجرت بالبكاء حتى بتمشي دارها ماقدرتش ماعندهاش قوة تمشي وتطيح
محمد: رناااااا رنااااااا يضرب فيها على الخفيف نوضي رناااا
رنا فاقت شوية : خليني يامحمد نموت خليني نلحق الاحباب نلحق الغاليين ،،........
محمد : رنا معاش تقولي هكي انت تبي تخليني بروحي
محمد : كان تموتي نموت وراك
رنابصوت واااااطي وخلاص معاش عندها طاقة:تو تقعد معاك تعيسة الحظ
محمد : تعرفي من هيا تعيسه الحظ انت تعيسه الحظ
رنا........
محمد قامها حطها في الدار جبلها اميه و سكر : هي تعيسه الحظ اشربي باش معاش تدوخي
رنا: يا محمد مش قلتلك خليني نموت خلاص خليني مانبيش نعيش عييت من هالعيشة خلاص معاش نقدر نتحمل اكتر من هكي
محمد : اس اس كان تقولي هكي مره تانيه نوريك تَو بتبدا عيشتك تهبل وعد مني و خوك عبد الرحمن أهو قريب يروح
رنا: محمد
محمد : عيون محمد
رنا:لو واحد ماشافش امه وابوه ليه 14سنة كيف يديييىر هااا
رنا بعبرة: والله ماحد حاس بشعور ي كيف امك وبوك ماتدكرش شكلهم الي مفروض اقرب الناس ليك
محمد: يتحمل و يَصْبر هذا قضاء ربي هذا ربي يمتحن فيك و في صبرك معناها لازم تكوني قويه و تواجهي كل المصاعب أهو معاك خوك و انا و فتون و كلنا معاك
رنا: كيف نصبر كيف تعرف انك عمرك 4سنين فقدت امك وبوك تعرف؟؟؟انا نتمنى نشوفهم حتى ثانيه بس نسمع صوتهم بس كيف تبيني نتحمل وانا أمي وبوي حتى نشووفهم في الحلم مانعرفهمش والله تعبت خلاص مستاحشتهم انت في نعمة ماحد حاس بيها نعمة أن لما اضيق بيك الدنيا تلقى لمن تحكي وتشكي ومن يوقف معاك ويساعدك بعد الله
محمد : رنا و الله حاس بيك لكن لآزم منه الصبر هدي و ارقدي و كان تبي تشكي لحد فتون موجودة انا موجود كلنا موجودين معاك
انتهـ الب🌸ارت نتمنى ينال إعجابكم لانه بصراحه متعب و كتبناه في الليل
المؤلفهـ : شهـد& ولاء(نور القمر)
