نعيشها رغم الآلام🌸🌸
بارت2
"ومن البوح ما قتل"
وَفي الحناياضجيجٌ لستُ أنطقهُ
اُبقيه في الصدر مثل البحر يضطرمُ
أبقيه أخشاه فالأقوالُ قاتلةٌ
وَالصمتُ يُنجي وَبعضُ الصمت مُجترمُ
وصلوا للمحل
محمد:انزلوا وبننزل معاكم
فتون:واك به
رنا:ههههه هي صحيت
))وبمجرد مانزلوا من السيارة طول رنا ساخت)
محمد:رنننناااا رنناااا
فتون تبكي:رناااا حبيبتي نوضي
محمد قامها وطار بيها المستشفى
الدكتور: عندها فقر دم وشكلها مش واكلة شي من الصبح
فتون: هذا كله من جداها ربي ينتقم منها تي والله ماهي راجعتلها ليت يرجع خوها
محمد:اي تروح معانا تو نكلم بوي نحكيله
تلفون رنا يشرين
محمد : هذا من
فتون : هذا اكيده خوها عبد الرحمن هاك رد
محمد : الللو عبدو شن جوك
عبد الرحمن: الحمد لله وانت
محمد : ماشي
عبد الرحمن بغضب: هذا رقم اختي كيف ترد عليه و شن جابك ليه
محمد : حكاله
عبد الرحمن؛ تي تي والله لما تشوف الكلبة جداي
محمد : اي تَو نروح بيها معانا للحوش انا و فتون
عبد الرحمن: بالله ماتخلييهاش تروح معاها خليها أمانة عندكم انا معاش مازال هلبا ونروح مسكينة اختي قداش تحملت انا في المانيا وبالي مشغول عليها
محمد: اي هي في عيوووني و لا يهمك وانت كوّن متطمن و توصل بالسلامه يا صاحب
عبد الرحمن:هي نستادن انا وبارك الله فيك وخيي
محمد: إذنك معاك فيك بارك الله رد بالك على روحك سلام صكر
فتون : شن قالك
محمد: قال خلوها معاكم انا قريب نروح
فتون : انا كلمت بابا وعَلِي و هما جايين في الطريق
رنا ناضت ومش فاهمه شي:هيه انا وين
محمد سمع رنا : رنااا انت في المستشفى
رنا:كيف جيت وعلاش شن صار
محمد : هدي انت عندك فقر دم من قله الماكله و تَوا حالك كويس ركبولك تغذيه وفتون نزلت للكفتيريا تجيبلك حاجه تاكليها
رنا:باهي صحيت محمد بالله سامحوني تعبتكم معاي هلبا
محمد : رنا معاش تقولي هكي تَو انت امانه عند لين يروح خوك
رنا بدموع:والله كان عندي ام وبو راني مش هكي حال حتى من خوي الوحيد الذي قاعدلي فهالدنيا مسافروخنقتها العبرة قعدت تبكي هلبا
محمد مسحلها دموعها : معاش نبي دموع من الْيَوْمَ ممنوع دموع ضحك بس بوك و أمك الله يرحمهم و خوك تَو بيروح قريب ان شاء الله
رنا:بالحق بيروححح واخييييييرااا خوي والله استاحشته يارب مانخسراش والله بعدين نمووت
محمد : ههههه اي بيروح هو قالي ان شاء الله خوك ديما بيقعد معاك
رنا: ان شاء الله ربي يحفظه ليا هو ووخيتي فتون
محمد : ان شاء الله انا حرجت و خيرني انا 😂( ايدير في الجو الأخ )
رنا بابتسامة خجل: وحتى انت ، هي امتى بنروحوا راني مليت حيييييي عليا نسيت جداي بتقتلني مادرتش الغدي
محمد فرح : تَو لين يكتبولك خروج استني تقتل عينها لا غدي لا عشي حوش جدك معاش تمشيله و هديكا عزوزه الجن معاش تمشي لها حتى تكلمك ما تدريش عليها مفهوم
رنا: باهي لكن خوي مخليني عندها تو يزعل مني ماتقدرش سامحوني
محمد: لالا خوك هو يلي قالي خليها أمانه عندك
رنا:بالحق باهي افتكيت منها
محمد : هههه اي فكه هالجنه عطيها كسره كل يوم تديرلك هكي
رنا:والله تعبتني يامحمد كان نحكيلك
رنا:حيييييييييي تشوفوا فيها المرا هاديكا
محمد تلفت: وينها
رنا :هاديكا سيلين صاحبتي
محمد: اها هذه صاحبت حتى فتون صح
رنا:ايه
محمد : حتى بوي و علي جو
ناجي ( اب فتون): اهلا اهلا بنتي رنا كيف حالك
رنا: اهلين عمي ناجي الحمد لله
ناجي : هذا ولدي علي
علي: مرحبا انا علي خو فتون
رنا: اهلين بيكم كلكم نورتوا، عمي ناجي قولي حقا تعرف بوي الله يرحمه
ناجي: اي نعرفه كنت انا وياه شركاء مع بعض في الشركه و انا قعدت ندور عليكم باش تاخدو حصه بوك ما لقيتكمش تَو اهو جيتو تبدو تخدمو في الشركه و تعيشو معاي
رنا:به صحيت بارك الله فيك //ممكن تحكيلي عليه شوية لان لما توفى كنت صغيرة عمري5سنين
ناجي : نروحو و في الحوش نحكيلك
جت فتون
فتون تبكي ضمت رنا : رنااا حبيبتي انت كويسه
رنا:تو انا كويسة علاش الدموع فوفو
فتون بصوت واطي في ودن رنا : زياااد زياااد
رنا:خيره زياد
فتون : تَو نروحو و نحكيلك
محمد: هيا الدكتور عطانا خروج
رنا: به واخيرا بنطلعوا لاني مليت
رنا:بالله لو سمحتوا نبي حبوب راس لان نحس في روحي صداع حاااد
محمد: كله شريتهلك حتى حوايج.و كل شي هي نوضيها يا فتون
فتون : اشيه اشيه سعد الناس به
رنا خدودها ولو حمر بارتباك:شكرا
محمد فرح : ولو العفو
طلعو مشو للحوش فتحت الخدامه
محمد: خودي هادم وجهزي الدار لرنا
فتون : نبيها تقعد معاي في داري
رنا:مش لازم دار بروحي عادي اصلا هما ايامات ويجي خوي
محمد : لا انت امانه وكل شي ليك تَو غدوه نديرلك بيزا كارد باش تقدري تطلعي و تشري يلي تبيه و السواق يرفعكم و يجيبكم لجامعه
رنا لفتون: والله خوك طيب هلبا مش عارفه كيف بنردله الجميل
فتون: لا هذا محمد طيوب و يحب الخير ما تفكريش هو ما يدير شي بجميل
محمد : رناا رناا
رنا :نعم
محمد : غدوه بنمشي لعزوزه الجن بناخد منها جوازك السفر و كل شي ليك اعطيني العنوان
رنا: في .....
رنا:حقا وين خالتي صالحه ماسلمتش عليها
محمد : تمام غدوه بنمشيلها امي يا يما
صالحه : نعم اهلا اهلا هذه هذه هذه رنا بنت صالح صح
رنا؛ايه اهلا خالتو شن حالك
صالحه : تمام بنيتي و انت
رنا: الحمدلله
صالحه: ما شاء الله زين و جمال و عقل ربي يحفظك و اعتبريني من الْيَوْمَ أمك زيك زي فتون و محمد و علي و أعز
رنا:بارك الله فيك والله انك مرا طيبية والله وانت زي امي من اول ما شفتك حبيتك اصلا مادام صاحبة امي اكيد زيي امي(رنا عيونها بيدمعوا شادتهم بالسيف)
صالحه حست بيها : خلاص بنيتي انتم ارتاحو واانا تَو نحطلكم. العشي
فتون تبكي دموعها يقطرو: هيا رنا نركبو فوق
رنا:لالا صحيتي مش خاطري نتعشى نبي نرقد راسي يوجع فيا
صالحه : به
ركبو
فتون : ارقدي و غدوه نحكيلك على زياد
رنا:حي نسيت حقا قوليلي
فتون: سيلين زياد كان واقف عليها و يكلم فيها
رنا؛هيي وانا قلت خيرها شافتني وماجتش
فتون تبكي: الكلب لعب بيا ربي لا يسامحه
رنا: خلاص فوفو فوتيه النصاب هدا والله حرام فيه دموعك وسيلين تو نكلمها توا صاحبتنا مستحيل تدير هكي. اكيدة ماتعرفش
رنا تتصل:الووو سيلين
فتون تبكي : انا واثقه في سيلين لكن هذا زياد و الله ما يتحشم حقييييير حقيير
سيلين: الووووو رنو كيف حالك
رنا: اهلين الحمد الله سيلين نبي نكلمك ع موضوع زياد
سيلين :😨😨زياد 😍
رنا:انت تعرفي انه لفتون ؟؟
سيلين : لا مانعرفش
رنا:وكيف واقفه عليه بكري
رنا: تعرفي هدا واحد خااين ونصاب ضحك عليك زي ما ضحك ع فتون
سيلين : كيف 😭😭
فتون تبكي بعبره: ررررنااا خلاص سكرري
رنا:هي سيلين بنسكر ونقولك حاجة هدا واحد ااتاااااااااااااااااااااااااااااااااااااااااافه بالله ماتبكيش هي سلام ربي يصبرك
سيلين : 😭....
رنا: غدوة نتلاقوا في الجامعه
سيلين : سلام 😭😭نتلاقو
سكًرت
محمد : فتون فتون تعالي
فتون تبكي: حي هذا يبيني كيف بنتزل هكي وانا نبكي
رنا:تو ننزل انا ونقلهم ان انت راقدة
فتون : اي به صحيتي رنو كان انت مش معاي مش عارفه شن ندير
رنا: محمد فتون راقدة قالت تعبانه
محمد: اها تمام تصبحي على خير رنوشه
رنا ولو خدودها حمر:وانت من اهلو
فتون كانت ورا الباب تسمع : اووووو خوي رومنسي يا رنوشه ههههه
رنا:هههههه اسكتي ياباردة
فتون : انا بنرقد غدوه بعد الجامعه نمشو لسوق ماهو عرس بنت عمتي آلاء قريب
رنا: ايه تمام حتى انا تعبانة بنرقد
( عمتي نعيمه بنتها آلاء مخطوبه تهبلللل البنت و خوها مراد مواليد 1999 يقرا مع فتون و يحبها و هي ما تعرفش)
__________________
انتهـ🌸ا الب❤️ارت ان شاء الله يعجبكم
المؤلفهـ : شهد🌸 ولاء(نور القمر) ❤️❤️❤️❤️❤️
