نعيشها رغ☘️م الآلام البارت8
فتون : تي به و بدو لعب
خش مراد و ندى : السلام
الكل : و عليكم السلام
فتون : تي خيركم الزفت فتونا مش قبل بنمشوا لسيلين
ندى : ماهو الحمار مراد قعد راقد
رنا:ايه خيرك يا مراد عبينا عليك
رنا:مفروض قلت ع الاقل كلمنا حد مش نستنوا فيك وانت فايتنا بالطويل
مراد : تي به واااك ألواحد بياخد راحه شويا
ندى : اسمعو بنات نوضو نمشو لحوشنا باتو عندنا ( طبعا هذا كله باش يمشو للمطار بدون علم محمد و عبد الرحمن)
فتون : باااه هي
مراد جي جنب فتون و رنا لأنهم كانو مقعمزين جنب بعض و بصوت واطي : تي كنت نحجزلكم
رنا وفتون تغيرت ملامحهم وسكتوا
عبد الرحمن:ها شني شكله زلبحكم الاخ
فتون : لالا هي رنا نوضي وتي حوايجك نمشو نباتو عند ندى
رنا:عبدو بنمشي لندى عادي
عبدالرحمن:باهي بري
رنا:انت الفجر مسافر صح
عبد الرحمن:ايي صح
رنا بابتسامة خبث:كنت نبي نودعك سامحني بنشتاقلك
فتون فهمت : مححححمممد و ناضت تبكي دموع مزيفه😂 بالله عليك ما تعطش بنقعد بروحي بعدك
محمد صدقها و ضمها : خلاص فوفو
فتون : به هي انا بنمشي سلام
محمد : سلام
خدت شنطين السفر يلي كانت موتيتهم ليها و لي رنا و طلعت حطتهم في السياره و رجعت : رنااااا ندىىىىى مراااد هيا
رناجاية وهيا ميتة من الضحك:هي هي جييت
طلعو في السياره
مراد : حجزتلكم و كل شي واتي الْيَوْمَ الفجر نطلعو
فتون : به صحيت مراد شكرااااا
مرا د : هههههه عفوا لكن قاعدين على اتفاقنا نبي رقم سيلين
فتون : ههههه به
ندى : شن شن رقم سيلين
مراد : اي
ندى : مكبد الأخ
فتون : هههههه
مراد : تبو الحق البنت تهبللل
ندى : ياااي اسكت و ركز في الطريق تربح
رنا: ههههههه باهي سوق كويس خيرما الحادت توا
مراد : هههه به
وصلو خشو للحوش
فتون : السلام عليكم كيف حالك عمتي زينب
زينب ( ام مراد ) : و عليكم السلام الحمد لله كيف حالك بنيتي رنا
رنا:بخير كيف حالك انت
زينب : كويسه بخير تفضلو تفضلو انستو
فتون : يزيد فضلك
ندى : هي تعالو نركبو لداري
فتون : به هي
ركبو
فتون فاتحه ألنت
ندى نفس الشي
رنا: عمتي زينب تبي نساعدك في حاجة
زينب:لالا صحيتي بنيتي
زينب:اركبي مع البنات
رنا:ايه بنركب معاهم بس قلت بالك تبي حاجة
رنا ركبت:حييي ياخاينات تهدرزوا وماتنادونيش خزززززي
ندى : عهههههه
فتون : انا بنرقد بعدين ورآنا سفره
رنا:حتى انا نبي نرقد بنوض قبل الفجر الله
رنا:اسمعووا انا نخاف من الطياره هلبااا مش عارفه شن. بندير غدوة حي عليا بنهبل
ندى : به اقعدي
فتون : تشجعي احن لازم نمشو
رنا:اصلا بنمشي مش مخليه عبد الرحمن بروحه هدا ماناقص
رنا:المرة الي فاتت سافرنا سخت
فتون : عادي تَو نقعمزو جنب بَعضُنَا ما يصيرلك شي انا معاك
رنا:اي يارب تجي بحداي انت لان تعرفيهم مايغيروش في المكانات الباردين
فتون : اي هي بعدين نوضينا ندى
ندى : حاضر.
رنا & فتون رقدو
قبل الفجر الفياق
توتو توتو ت تووت
رنا ناضت:واااك مازال نبي نرقد
ندى : نوضو الساعه 4:30
فتون : حي علينا كله منك يا حماره
ندى : هههههههاههخههه
فتون : تضحكي
ندى : تي انبصر يا همي الساعه 3:30 هي بدلو و كولو حاجه باش تمشو
فتون : به تَو نوريك يا حماره قوليلي شن تبي نجيبلك معاي
ندى : ههههه كتبتهم في ورقه و حطيتهم في شطنتك
مشت فتون تبدل لبست سروال اسود و بلوزه ورديه و وشاح وردي مخربش بالأبيض و شنطه اديداس و سبيدرو اديداس ابيض و مكياجها خفييييف
رنا لبست بلوزة سماوية وسروال ابيض وسبيدرو اديداس ابيض وسماوي ووشاح ليكرا
مراد : هيا اطلعو
ندى تبكي : يا كلبات بنستاحشكم
فتون : حتى انا عندك علم ان عندك اعاقه في المشاعر حتى في الوداع لازم منه الأسلوب هذا
ندى : ههههههه وراثه يا حبي وراثه ههههه هي برو مراد يستنى فيكم
__________----------__________---------
