🎀 #لعبة القدر 🎀
💕بقلمي -Princess Shosho💕شهد الراوي,,
🎀غير مبري الذمة الي ينشرها بدون ذكر اسمي🎀
هلو بنات قصتي اليوم جديدة واتمنى انو تنال اعجابكم. القصة راح تجمع شخصيات الماضي والمستقبل وراح تكون قصيرة من وحي الخيال ... اكيد التكملة انزلها هنااا ..
البارت الاول :
اعرفكم ع نفسي اني راما عمري 18سنة خلصت مدرسة وكعدت بالبيت اهلي ماوافقو اكمل لان بنظر ابوية البنية اهم شي تتعلم الكتابة والقراية وهذا هو لان مصيرها تزوج وتكعد بالبت يعني. الاولية بكلشي للولد عندي 3 اخوان اخوتي ياسر عمره25 وسامي 22 ورائد 16سنة وبابا وماما موجودين بابا يشتغل بالتجارة وعدنا بساتين النا يروحون دائما عليها بس قليل ياخذونا حالتنا المادية ممتازة والحمدلله بشرتي بيضة وعيوني واسعة ولونها نرجسي وشعري رايح لشقار وطوله متوسط بس اني قصيرونة ☺وجسمي رشيق كلش
صار وقت رامي
هلو اني رامي.عمري,26سنة بشرتي حنطاوي وطولي حلو وجسمي,معضل وشكلي حلو ومغرور من عائلة معروفة وكلها شيوخ وهواية بنات يزحفولي ومارد عليهم اني اكبر اخوتي متخرج من كلية الاعلام عندي اختي عمرها 13سنة واخوي 17سنة شالع كلبي بمراهقته ابوي وامي هم تاج روسنا عندنا بساتين ومزرعة خيول طبعا اني مستلم الشغل كله
راما,, مثل ماذكرت كل فترة اهلي يروحون للبساتين بس قليل ياخذونا بس بابا هل المرة قرر ياخذنا وكال راح نبقى فترة حظرو نفسكم باجر نطلع اني كلش فرحت حظرت وياماما دولمة واكلات حتى ناخذها ويانا. كعدنا الصبح بدلنا وتوجهنا للبساتين وصلنا قريب الضهر فرشنا بالبستان وصبينا الغدا وتغدينا وراحو الولد وبابا للشغل وكال لامي امشو كالتله امي احنا نروح للبيت(بيت يلي بالبستان ) كاللها اوك لاتتاخرون برجعة كالتله ماشي بعد ماراح بابا طلبت من ماما انو اتمشى بي,البستان لان ضايجة كالت ماشي,يمه بس,لاتتاخرين وتبعدين كلتلها ماشي يمه رحت مشيت هواية وصلت حد مثل السياج بس موعالي كلش,كتلني الفضول دا اشوف شنو موجود بعد هذا السياج وليش مفصول عنه ماتصورت انو اني متعدية حدود بستانا واني امشي وجان اوكع وجلب ثوبي بالحديدة و اشوف حصان هايج ويركض باتجاهي وصحت يمه الحكيلي....
