🎀 #لعبة القدر🎀
💕بقلمي _ Princess Shosho💕شهد الراوي
🎀
البارت الخامس
عرفت شغلتنا كبيرة وسودت الدنيا بعيني ومن طردنا ورجعت عليه كتله عمي احنا مالنا ذنب بالي بيناتكم اني احب بنتك وبنتك تحبني واخوتها هجمو علية وصار ضرب بيناتنا وفاككونا ورحت بس خفت ع راما لايسووون بيها شي واني غلطت من كتله هي تحبني اووف شلون راح تفض ,,,
راما بعد مارجعت من المزرعة اجا الليل واجوي جماعة ع ابوي وفجاءة سمعنا صياح وصار ضرب بيناتهم وعرفت انو الجاي حبيبي ديخطبني وانكلبت علينا ,,بعد ماطلعو اجا ابوي يصيح علية واني مرعوبة وجرني موتني من الكتل وكالي من وراي تتمعشقين وطببني للغرفة وبالكوة امشي والدم من خشمي وحلكي وجسمي مكسر وكال من اليوم طلعة من الغرفة ماكو وصاح ع امي كاللها بتج حدها الحمام وراح يبقى واحد من اخوتها بالبيت الى ان يجي الاسبوع الجاي واعقد عليها لابن عمها ,,اني رغم الالم البية فكرت برامي طبعا رامي جان ناطيني موبايل بسر اخابره بليل من ينامون اهلي طلعته وخابرته ,,
رامي خفت عليها كلش وماكدر اخابرها وفجاءة اجاني اتصال من الغلا مالتي وجان فتحتته كالت الو وصوتها تعبان كلش كلتها هلا يابعد الروح اذوج الله لايوفقني خليتج تتاذين من وراي كالتلي وبصوت يلهث وكله تعب فداك عمري يبعد عمري بس اهلي راح يزوجوني الاسبوع الجاي واني خايفة عليك خليهم يموتوني بس ابعد عنهم الله يخليك ماتحمل اشوفك تعبان
كلتلها شدتحجين انتي الا ع جثتي تروحين الغيري سديته ورحت لبيت اهلها وكمت اصيح وطلعو ابوها واخوتها رادو يضربوني و ابوهم كالي روح مالك شي عدنا والبنت مخطوبة لابن عمها ولاتخليني اهدر دمك وسد الباب بقيت اصيح وكتله اني احبها ومراح اتنازل عنها بعد ايام تعبت وماخليت احد ماراح عليهم ابوها مصر اني انتهيت وما اكل كلت معقولة حب حياتي تروح مني اوووف
