#لعبة_القدر
💕بقلمي _ Princess Shosho💕شهد الراوي
🎀
البارت الثامن
ام رامي بالزمن الحاظر رجعنا اني ورامي بعد ماخفت علية وعشت بيت القريب من اهلي اني وابني طبعا ,,بعد ما استقرينا طلع رامي راد يتمشى بالبستان وطلب مني اروح وياه اني ماقبلت جنت تعبانة ,,رامي رحت اتمشى بالبستان ولكيت مزرعة خيل قريبة علينا كلش عجبتني اني من النوع الي احب ركوب الخيل وشفت رجال جبير ويابنية سبحان الي خلقها جمال رشاقة اويلي تموت ☺ بس بقيت اتفرج عليهم من بعيد ,,
ابو راما من بعيد شفت ولد يباوع علينا ويبتسم والمصيبة واكف بالمكان الي جانت حبيبتي قلبي توكف بي رحت توجهت عليه كتله حياك الله وليدي شكلك غريب ع المنطقة اول مرة اشوفك هنا كال اي عمو اني انتقلت هنا جديد وهذا بستان بيت جدي كتله حياك الله انت ابن منو كال اني رامي ابن فلان , اني من كال هيج خنكتني العبرة واتذكرت كلشي صار ويا وعرفت هو ابن الغالية وفوكاها مسميته ع اسمي اجت راما بعدها وصاحت بابا منو هذا جاوبتها رامي بيت جده اصحاب المزرعة ردت راما كالتله تشرفنا وعرفته ع راما وكتله بنتي استاذن الولد وكال راح اروح امي بوحدها بالبيت واخاف عليها اتاخرت مع السلامة صفنت وكلت القدر ديلعب بينا من جديد رحت للبيت بقيت افكر شجابهم هنا وليش رجعت كلت لازم تطلعها من راسي كافي صار عشرين سنة ومانسيتها حرام هي متزوجة واكيد ناسيتني ورجعت اكول لو ناسيتني مجان سمت ابنها ع اسمي تنهدت ونمت ,,ام رامي ,بعد مارجع ابني رامي للبيت جان فرحان وكال تعرفت ع جيرانا كلش حبابين وعدهم بنية تموت بجمالها كتله منو كال اصحاب المزرعة القريبة علينا صفنت كتله منو شفت كالي يمه زلمه كبير ويصحوله ابو راما وبنته راما وكلش حبابين وطيبين
