نهوة حارث

Part 11

#نهوة_حارث

،،،،،،،،،،،بقلم الكاتبه زينب ماجد،،،،،،،،،،،

البارت_11

رفل.. من لما اجيت من بيت حارث.. صار بابا وماما يرزلوني.. ويحجون ويايه.. لان هيج اتصرف ويه حارث واحجي وياه نتر..

كتله بابا هوه همجي ميفهمني كل طلباته صياح.. كال المره الزينه هيه التعرف شلون تمتص غضب زوجها وحارث يحبج وشاريج

بس انتي حجيج وياه ابد مو حلو وبدون احترام.. ماكو مره رجالها يحجي وتضحكله و تكوله خوفتني

..هاي امج.. لو افور من الغضب ابد مترد عليه تخليني احجي وشنو اللي ابالي اشمره.. وابد متخالف رأيي ..

واني لان اشوفها محترمتني ارجع اعتذر منها واحترمها مثل ما احترمتني.. يا بابا الزواج احترام ما يمشي بقلة الادب..

بقو يحجون واني استمع.. لحد ما وصلنه.. دخلت للبيت تلكوني اخواني سلمو عليه ومتعجبين لان رجعت بسرعه بقت ماما تحجي وياهم..

وبعدها مشيت للغرفه.. اول شي سويته بدلت ونمت.. ما فكرت بأي شي ومتاضيقه من الكلام والرزاله اللي اخذتها من ماما وبابا

كعدت ثاني يوم.. نزلت ماكو احد امي وابويه بالدوام واخواني بالمدرسه..

طلعت جبن وسويت لفه.. والجاي لكيته مسويه بس حميته وكعدت اصفن ويه روحي.. غمضت عيني وبدين اتذكر البارحه..

البارحه هيج وكت جنه نايمين سوا ودكت الباب علينه اخته.. اتذكر ضلام الغرفه والبروده.. ودفو حظنه.. ابتسمت..

كملت رحت لغرفتي.. بقيت اكلب بجهازي ماخذه صور بالعرس ويه خواته وبنات عمنه..

قفلت الجهاز ورجعت تمددت.. حاولت انام بس افكر بيه واتذكر.. اووووف يا الله هوه يوم واحد بس صرتله زوجه هيج اثر بيه

ليش مدا يروح من بالي.. اوووف ما اريد افكر بيه..بقيت كاعده افكر بيه بدون اردتي وحدي الكه نفسي افكر بيه

لحد الضهر اجت ماما كالت ها كعدتي كتلها اي من الصبح كاعده.. كالت مسويه الغدا من البارحه.. وضميته

كتلها شنو مسويه.. كالت مسويه دولمه.. اوووووو ماما لا قلبي الصغير لا يتحمل.. مو مسويه دايت ليش هيج

كالت عوفي الدايت اليوم ضغطج دينزل اكلي واتغذي الدولمه كلها خضروات ولحم وتمن تفيد جسمج بفيتاميناتها واليافها وموادها

خلينه الجدر النار.. واني بقيت بالغرفه.. انوب اجو اخواني بيقت اكلبي وياهم الدروس اللي اخذوها اليوم

كاعده وياهم والريحه مال الدولمه موتتني😣 كتلها ها ماما كملت الدولمه.. كالتي اي ..كتلها لعد صبي..

كالت لا خل يجي ابوووج.. اوووف يله بابا تعال.. كولو بطلعان الروح اجه بابا.. وماما كلبت الجدر بالصينيه وهجمنه😈