شكول
مسره- رجعت الضهر للبيت فتحت الباب من جوه الباب الزلج وطبيت لكيت الباب الداخلي مقفول تعبانه وغاديه جنازه مادري بيش ابلش بالدروس كومه متراكمات كعدت عالمرجوحه انتضر رحمه الله اباوع عالطرمه تخزي مليانه ترابه والحديقه صايره ادغال والله وكت امي جانت كلىيوم تغسلها وترجع تمسحها وصله مسح حتى الكاشي يكوم يزحلك خل تجي تشوفها هسه بقيت كاعده اخر شي طلعت البسكت الشتريته من الحانوت وكعدت اكل واقره حددت شكد اقره اليوم وباجررتبت اموري بعد ماعدي احد غير شهادتي لازم اشد حيلي حتى اعتمد على روحي وهذا ابويه ومرته الا اوريهم الويل وابنها الا اهججه لل2ونص يله اجوي طبو كلمن بسيارته يضحكون صرت اعصاب
نجوى- ها رجعتي
مسره- صار ساعتييين اني كاعده هنا لو ابنج جان مقبلتيها عليها صحت بيها ضلت صافنه عليه باوعت لابويه وطبت
ابو عصام- انتي شبيج لسانج طالع تره اكصه الج
- دااكلب الدنيا غير طيني نسخه عن مفتاح البيت صارلي ساعتين
- جان غسلتي الطرمه احسن مكاعده
- فدوه لا الله كلشي ماالزم بعد اصير خدامه مرت ابويه
- سمعي لج اذا تضلين هيج ادزج لامج
- عههههه دااروح للموسيسه افضحك اكولهم شمر بته بالشارع
- شنو تهددين
- اسمع يابه تره اني وحده فاقده ام واخ بسبب ضلم ابوها كلشي توقع مني
- هاج المفتاح شمرته عليها وفتت
- طبيت للغرفه رتبت غراضي وضليت اعدل بالغرفه مسحتها حتى الجام جلفته كامت تلمع كويت هدومي ومرته تباوعلي من جوه ليجوه البيت وصخخ مواعين الصبح بعدها غده ماكو عالطباخ ابويه طلع جاب م بىه ورجع حيييل بيه حيل وبعد كملت شغلي وطبيت سبحت وطلعت صليت عادي روتيني بس احس عدي قساوه مااعرف منين جتي فتت للمطبخ شفتهم نايمين فتحت الثلاجه ميته جوع لكيت باقي اكل بالجييس الجابه الوالد المصون نفسي مهانت عليه اكل فضاله كعدت عالميز اخذتنب الصفنه تذكرت دلال امي نفس مكان الميز بس مو هذا الكزاز جان نايلون وامي لافته بميه لزاك حته يصير حلو تخيلت امي كدامي والمىكه والتمن والخبزه من ايدها والزلاطه واللبن والضحكه الحلوه واسولف لحد ماكمل اكل واكوم عالبيت انضف جان عليه الجوه وعليه البره المطبخ والطرمه واني الغرف والكليدور صفنت متت جوع هاي فلوس ابويه ليش دااحس بذله كبرت عقلي وصبيت الاكل اسمع ضحكها وي ابوي سوده عليه امي جانت متسمع غير الرزايل اكلت الغده جان كباب بس التشوي امي اطيب بهواي شبعت وكمت نمت ساعه حتى استعد لدراستي حاولت انام مااكدر تعلمت انام يم امي لزمت التليفون اخابرها ماعدي رصيد وتلفوني عادي نمت ودمعتي بعيني للمغرب كعدت سمعت صوت المي وريحه الديتول اسم الله دتنضف اليضحك بالموضوع وين ابويه ديغسل الطرمه هههههه والله هاي تفيدك سديت البرده وفتحت كتبي وبقيت اقره لل 9 محاسه بروحي كمت صليت ورجعت اقره مطلعت من الغرفه يمي درج يصعد عالغرفه الفوك سمعتهم يصعدون غراض مهتميت كملت دراسه مشلت راسي لحد مصارت ب1 كملت الاحياء لحكت بالمدرسه وباجر اكمل الفيزياء شوي شوي حسيت بجوع كمت خليت الجاي عالنار شفت ابويه يقفل سويت نفسي مشايفته
- همزين شفناج شعجب طلعتي
- ميعجبني اطلع واشوف ناس متعجبني
- اسمعي مسره مااعرف امج معلمتج تحجين هالحجي هيج ربتج ماادري باعي انتي منا وهيج تنضفين البيت من ترجعين
- اانداريت عليه تريد خدامه لمرتك انفتحت الباب بهالاثناء
نجوى- اعتبريني مثل امج وساعديني الخدامه تريد هواي نتعاون اني وياج يوم عليه ويوم عليج
- ههههه امي اذا جبتي سيرتها بلسانج تتنكس امي روضه ومسجد كدامج خاله اني كلشي ماانضف اني سادس انتي مو كتلتي نفسج على ابويه اخذي شبعي بيه وبيج خير انداريت عليه دللي مثل مجانت امي مدللته لان عده دهون بالدم جان اكله معزول عنه شوفي هسه شون صاير ديربالك علىصحتك يابه
- لااا انتي الحجي ميفيد وياج
- لعد لحد بحاجيني
- بابا اذا منضفتي مصروفج ينكطع
- مممم انضف يوم بالاسبوع انفتحت باب المطبخ باوعت شفت ابنها طب انصدم من شاف ابويه كملت حجي وتنطيني ضعف اسبوعيتي
-
هاهي ميخالف باوعت لنجوى تباوعلي تاشر ورايه انداريت لكيته ابنها ابتسمت هله هله اخيرا التقينا
مصطفى- بقت صافن عليه ببرود فتت من يمهم مدري شعدهم مجموعين وي البنيه شوفته كسرتلي ضهري وحسستني اني بله غيره اخ يابه شكد احساس نذل دافوت جتي عيني بعينها نصيت وفتت للغرفه فااارغه جج استغفر الله
ماما حبيبي نقلنا غراضك فوك
جريت نفس اللهم طولج ياروح صعدت سبحت الغرفه الفوك بيها حمام تمددت افكر جتي ببالي بملامحها المدمعه كل موقف وياها الله يساعدها اخذو امها منها متت جوع مديت راسي صنطه نزلت درجتين ضوه الكليدور الحولي مطفي نامو نزلت فتت للمطبخ
مسره -طب ابويه صفنت على مرته صعدت ابنها فوك ليش خايفه عليه مني الضاهر والله لا اسكمج سكم
- انتي نامو داعي تصعدين فوك
- ويايه هاي
ليش اكو غيرنا
هممم والله حجيه هاذ بيت ابويه اطب باي مكان اريد اطبه
باعي لج اني صاحيتلج تره اهججج
هههه اعلى مابخيرج صعدي حجيه وماعدي شي اخسره بعد
ماشي كسري كلمتي وشوفي ابوج شيسوي
شيسوي صدك شيسوي اذا شاف شاب متحرش ببنته
ابني لتوصليله
الا احرك كلبج مثل محركتي كلب امي
مصطفى- سمعت كلامهم جنت خاتل ابتسمت والله واجتي التاخذ بثارك استاذ نزار حتى لو طردتني ارجع لكربلا واعوف الوضيفه اني اصلا طموح مضل عدي فاتت امي الغرفه وطبيت للمطبخ ----
مسره- انداريت لكيته يباوعلي مبتسم
شكو
ماكوشي
شبيك تباوع لعد نتره بيه
نصيت راسي شسوت المديره ورايه
مسوت شي جريت نفس شكرا
ممم عادي اي واحد بمكاني يسوي هيج منصي واحجي وادير وجهي بغير صفحتها
شسمج انتي
مسره وانت مصطفى
اي اهلاةوسهلا
هله بيك ابتسمت ببالي غير موال الا احرك كلب امه عليه
انتي بالسادس
اي سويت لفه وكعدت عالميز اكل شفته يدور بالقواطي شتريد
الجاي وين جريت نفس بملل
هياته كدامك مسويه صب واشرب
مممم شكرا انداريت باوعتلها مبتسم صبيت و دافوت اصعد
تعال اكعد هنا اشرب ابتسمتله
باوعتلها بمكر اعرف شدتسوي وشناويه تريد توكعني حتى تحرك كلب امي خليها خطيه
اي عادي كعدت كدامها شرادو منج مسوين شده
امك تريد انضف
اي طبعا متعرف تنضف
اول مره اشوف واحد يحجي على امه
جريت حسره نصيت راسي عالكوب ليش كل واحد يحجي على امه
ممم صح انت يامرحله واصل
خريج معهد رفعت راسي ابتسمتلها حلوه خدودها حمر وضفيرتها على كتفها تنحب --- انتي شناويه تره مو غشيم اني ابتسمت بمكر تره اعرف الديدور براسج
- وكفت اهلي ماعوني بالسنك صرت قريبه منه شنو الديدور بله رسيني
-ريحتها تخبل نصيت راسي اني شديصير بيه غيرت الموضوع -- امج شون صارت وكع الماعون من اديها وجمدت تقربت للسنك دتخاجيها باوعت بعينها صافنه عالمي وضاغطه على اسنانها
- لا
- ليش
- باجر اشتري كرت واخابرها
- طلعت فوني هاج خابريها
- باوعتله دمعت عيني اختنك صوتي نايمه هسه
- هسه ادزلج 2000 وخابريها باجر
- باوعتله احن من ابويه عليه ردت منه كرت كللي من اسبوعيتج بقيت اباوعله منصي على فونه رفع راسه --- شبيج
مابيه شي تنهدت شكرا ماريد
مصطفى مصطفى
ها يوم باوعتلها ونصيت رحت لامي
ماما هاك هاي خليها جوه ايدك اوو حبيبي هاي لتقترب منها ولتحاجيها
ممم ليش شبيها
ماما هاي تريد تاذينا اني اموت ولا شوفك متاذي
لتخافين عليه اخذت الفلوس لان حدقت اني مضل لي كلب يوم صعدت فوك
