رجعت وياكم بقصه جديده
للكاتبه المتألقه
مريم السعدي
كل يوم بارت تنزل لكاتبه وان شاء الله متتاخر علينه 😘😘😘
اجواء المنصور قبل العيد كم يوم ماشاء الله تروش ناس رايحه وناس جايه اليوم التفتيحه
عليه جريت الكبنك وفتحت يس صديق طفولتي الصبحح يففتحح لل4 ونععزل ساعتين لل6الشفت الثاني يبدي اني واستاذي المحل يلمع عفيه
يس هلكد نضيف حتى الجام يللمع والريحه والله ام بيت نيال مرتك عليك طبيت شغت السبلت وعلكت الاضويه وكعدت ارتب بالذهب بحككم عملنا كصاغه نففتح لاجل البائع والمشتري اكو ناس تجي تبيع قطع وتاخذ بمكانها جديده وناس تجي تشتري صار 3 سنين اشتغل هالصنعه شفت اشكال والوان تعرضت للسرقه تقريبا 5 مرات والحمد لله انلزمو رتبت الذهب بالجام خانه وكعدت طبت مره وياها بنوتات 3 اشتروا تراجيات برغي وطلعوا احلى شي من يجينا زبون ميتعامل نسمي راشدي راسن يشتري ويطلع واكو لا والله يشلع الكلب وكلشي ميشتري اشكال
--- اني مصطفى نزار سكنه المنصور خريج معهد تكنلوجيا زعفرانيه قبل 3 سنين عمري25سنه والدي مدرس ثانويه ووالدتي مهندسه بشركه حكوميه من يومي المشاكل بين والدي ووالدتي مشتعله شعل والدتي محافضات من الكوت وابويه من المنصور ه بعد وفاه والده عمه اللي ساكن الكوت كله اخذ بنتي وامي كلش حلوه جانت مبطليها من المدرسه من صف سادس وافق والدي وصارت القسمه من تقرب منها رادت منه وعد انه يخليها تكمل دراسه واعدها ابويه ومن ذاك اليوم معافها كملت ابتدائيه وراها متوسطه وهي كلش متفوقه وذكيه كملت ثانويه وانقبلت هندسه وراهاصرت اني وكملت دراستها بعدها مقبلت تسوي اطفال لان رادت تصعد وفعلا تخرجت ودرست ماجستير والدي تعب ويايه هوايه اتذكر جان يدرسني ولا فد يوم اتذكر امي درستني او سبحتني او وكلتني مع العلم هسه اني نقطه ضعفها الوحيده حاليا تخرجت امي وتوضفت براتب محترم هنا بدت المشاكل والتعير لابويه كمت اسمع منها كلمه دفنت روحي وياك اكثر من السلام عليكم
والدي طبيعته صبور ميرد كملت سادس علمي والدتي خلتلي مدرسين لكل المواد مقبلت والدي يدرسني على انه ميعرف اشترت سياره
وكامت تسافر وتاخذني وتترك والدي مجان يعترض على اي شي تسوي واذا رفض متدير بال تسوي اللي تريده جنت اتوقع كل العوائل هيج بس كم مره بتت بيت يس صديقي وسمعت زلزال ابوه وشون كامت امه تتراجف عرفت الفرق بذاك اليوم حبيت احترام امه لابوه وحتى ل يس كرجل -------
واكف بالصياغه وطبت بنيه لابسه حجاب خليجي صايه وشال من الباب شفتها مدت ايدها على ركبته تنزع كلاده وكفت تقربت يم الميز نزعه وخلتها عالميز
تفضلي-
- العفو بس جريت نفس اريد ابيع الكلاده
- اي تدللي باوعت بعينها دمعت نصيت عالكلاده ه خفيفه --- بس متجيب تره باوعت عالكامره خاف استاذي يشوفني همست اذا تردين انطيج فلوسه ومااخذها خليها عدج مااعرف ليش اثرت بيه انقهرت عليها مديت ايدي على جيبي البارحه مستلم شهريتي ضلت ساكته
- لالا ماريد بس شكد تصير فلوسها
- شتسوين بالفلوس رجع باوعت عالكامره تعاي همست طلعت بالباب طلعت ورايه شتسوين بفلوسها يمكن تجيب 118
- اي هاهي تكفي
- شتسوين بفلوسها حرامات مبينه عزيزه عليج
- من ماما دمعت عيني باوعتله اصلح جهاز كسرته
- هممم علمود موبايل تبيعين هديه غاليه باوعتها بمكر لازم التحجين وياه اعز من امج
- لا والله مو مالتي باوعتله انت شعليك مني بس بيعلياها لو اروح لغير صايغ نترت بي
- علكيفج يمكن اكدر اسوي الجهاز اني اعرف اصلح موبايلات اذا تردين اصلحه الج ليش تبيعيها وبعدين تتندمين هاي هسه تتعقج وتنذب بالحامض باجر تلكيها محبس وغيرج يلبسها باوعت بعينهاالكلاده بيدي تباوعلها بالم -- طيني الجهاز طلعته من الجنطه ابل اي باد مبين عليها طاكه للستار من لبسها مبين بت ناس مكسوره شاشه الاي باد هاي ب شاشته عدي صديقي يصلحح تعاي ساعه واخذي
- صدك وشكد فلوسه
- شكد عدج
- ااعدي 50طلعت اللي بالجنطه كلهن بقه يباوع على ايدي ابتسم دار وجهه
- ميخالف تره الشاشه اصلا ب50وصديق مياخذ شغل ايده اخذت الفلوس منها
- شكرا جزيلا بس خاف تكذب عليه
- باعي جريت نفس دتشوفين الكامره عدي رب عملي ماكو هيج حقير اذا صدك اني بكته للجهاز تعاي اشكيله راسن يطردني
- لا حباب والله مو مالتي
- مالمنو لعد خاف انتي خامطته
- لالا والله نصيت مال البيت صفنت عالجهاز مااعرف اخذه لو ابقيه بالحالتين اني مكتوله مكتوله زين اذا صبحته تكدر تفتحه وتشوفف الفيديوات
- لا طبعا الا انتي تفتحي رففعت حاجبي اكيد عدها صور بالجهاز اموت واشوفها بغير لبس خصوصا اذا كصف جسمها من النوع خليجي خشنه بطول مربربه
- اوك شكرا اجيك ب8
- ها اي ب8 يكون جاهز
- شكرا اني هنا بيتنا اذا مكدرت اجي اجيك باجر الصبح
- لالا اني مموجود الباجر تعاي هيج وكت
- اوك مع السلامه واشكرك بقيت اباوع علجهاز درت وجهي ورحت
- اني تخرجت قبل 3 سنين وي يس صديقي ردت من امي ابويه وضيفه لان كعدت عطال بطال طبيعتي رغم امي كل مااكوللها طيني فلوس تنطيني بس مال كعده البيت مااحب اطلب احب راتبي بجيبي اقتصادي ولازم ايدي نادرا مااشتري اليشتروه شباب هالوكت بس دالوبح عالسياره صح سياره امي موجوده بس اريد الي المهم قدمنا على وضايف بعد مطالعه حالي حال الخريجين والدتي مخلت لا ابن اختها لا ابن اخوها لا ابن عمتها وضفته الا اني من يمي كامت متكدر مااعرف السبب المهم اشتغلنا اني ويس بمحل صديق ابوه بالمنصور بالصياغه
