يه بالتلفون ميرد تدمرت نفسيه امي تباوع من حايط المشتمل وكت طبته وطلعته وتبجي كطعت الاكل عفت المدرسه تاذيت كلش مااعرف شسوي ماعدي احد ببغداد اهلها بحدود كربلا بمنطقه عون فكرت كم مره اخابر خوالي لان ماعدها خوات هي الوحيده لاخوتها ال8 بس اخاف مااعرف اتصرف ماعدي غير بس بيت جوارينه ام سجاد الولد اللي رحت وياه للصياغه خطيه مامت داءما تنصحني وتعلمني وتصبر بامي مرت الايام ابويه انكطع فد مره تمرضت امي وماما تهذي باسمه لل12 بليل ضلت مصخنه خابرت ابويه ميرد عليه رحت دكيت الباب كومه يله طلع صاح منووو
- اني بابا
- ها شكو خوماكو شي
- بابا ماما مريضه بجيت مدتصير زينه رفعت راسي شفت مرته وراه لابسه سيت منام وردي ومسشوره شعرها وممكيجه بقيت صافنه
- شبيها امج
- بابا مصخنه وبس ترجف الله يخليك بس تعال
- دار وجهه على مرته كلها اشوفها شبيها واجيج جاوبته كيفك حبيبي كون بانزين واحركها الحقيره طب ابويه لبس واجه ويايه طب للبيت باوع لامي مد ايده على كصتها باوعلي
من شوكت هاي هيج ترجف
بابا صارلها من العصر
اي بابا هاي مصخنه باوع لامي ----
سساجده حاسه عليه
حسين حسين
اي مبيها شي يابه
بقت امي تباوعله ودموعها تجري نايمه وترجف
بابا امج مخابرت خوالج
ليش دتخابرهم
مااعرف توقعت تخابرهم يدزون عليه
لا باب امي مقبلت كالت على ساعه يشتاقلي ويجي --- دار وجهه على امي ونصه راسه
بابا ماما كل يوم تباوع من زرف الحايط وكت جيتك ضل صافن عليها تنهد
بابا اني وامج منتوالم اني بعالم وهي بعالم اني مهندس وواصل وهي حتى قرايه كوه تقره تعبتني اختلاف افكار غبيه متفهم لان متخلفه
بقيت صافنه بوجهه حقدت عليه دك فونه طلع وراح بقيت سهرانه على امي للفجر يله فكت نمت ارتاحيت
------
مصطفى -مرت شهور واني الاحصله اذبه على روحي ماكل وملبس وتكاسي كم مره تداينت من يس ورجعتها لخد
لحد ما فد يوم
مصطفىىى مصطفى
نعم استاذي
تعال هنا بالورشه داحاجيك
صار استاذي طبيت نصيت راسي وفتت لان ناصيه الباب واني اطول منها --- كول استاذي
بابا انت فايت للورشه البارحه
لا عمي
مشيول منا 15 غرام
شنوو قصدك يعني اني الماخذها
مااعرف والله شتكول باوعني بطرف عينه
اسف استاذي اني ماابقى هنا بعد
دوكف خلنشوف البوكه وين راحت
استاذي تعرفتي صار 4 سنين طلعت مني هيج حاله
والله يجوز اهلك طارديك لان بايكهم
رحمه الله والديك دقيقه ماابقى هنا بعد عفت المحل وطلعت صرت اعصاب هم اهلي ديحوني بقت عالغريب بق
ضليت افتر وين اروح رحت ليس خطيه فتحلي بيته بتت يومين بصالتهم وقام بواجبي لحد ما فد يوم سمعت امه تحجي صوت ناصب
يمه عدك خوات وهذا شا ب وانت عايف شغلك علمود تكعد يمه
تدمرت شون اخابر ابويه هاي الفتره كلها امي تدك ومارد بيومها بوكت خيرتي دكت رديت طلعت قهري بيها
الووووووو شتردين شتردين طيحتي حضي شكو جبتيني شكككو
يمه خبيبي فدوه لصوتك يمه كلبي مصطاف تعاللي حبيبي طلعت وضيفتك
شتردين مو اخذت حبيب كلبج شتردين مني بعد عوفيني بقهري
ماما تعالي هنا غرفتك وبيتك حبيبي وضيفتك طلعت وراتب محترم ياماما دتعالي
جريت نفس استسلمت باوعت عالشارع وباوعت للسما وين وضيفه
ماما حبيبي جنت مقدمتلك عالكهرباء وطلعت
اخ ربي يمه مااكدر اشوف وجهج
يمه تبرد حبيبي دتعال اخليك بعيني كلت لرجلي وكيف بيك
واعوف ابويه واكابل العار
لتحجي هيج دكعد وياه وشوف اخلاقه
اوف يمه
يمه زين عدي اقتراح ضل هنا موقت كم شهر وراها اني اا صفنت على حالي جريت نفس وين اولي وين انطي وجهي من كالت وضيفه ارتاحيت بس شون اكابل رجلها صدك جذب بس مابيدي حيله بس خل اخذ الوضيفه اجمع كم فلس واطلع شقه ولو غرفه وحدي مو مال اروح لابويه عاله عليه لاشغله ولا عمله بقيت ساكت
_ ها يمه شكلت ها شكلت كلي
_ يمه راح اجي تنهدت اجي بليل واطلع الصبح
_ ميخالف حبيبي ميخالف بس تعال
_ كلتي لرجل غمضت عيني جريت حسره
_ حبيبي مفرغيلك غرفه
_ وين الوضيفه
_ بوزاره الكهرباء حسين سوالك واسطه
_ مممم هي بقت للعاهات
_ عيب ماما مثل ابوك
ماكو مثل ابويه ماكووو
اي اي ماشي بس تعالي
اجي ب١ شوكت ينام رجلج
ينام ب١٢
خوشاجي ب١ ادك عليج يمه مااكدر اشوفه بس ناعدي مكان اروحله
ميخالف يمه يجرالك بس تعاللي
ماشي اخ يابه سديته وكعدت بمنتزه بالشارع صافن عالجهال التلعب مااتصور يجي يوم ويصير عدي جهال وعاءله اباوع عالعواءل كلمن وي زوجته بالعافيه عليهم مستقرين ومرتاحين ليش اني هيج انتجيت على شجره وبقيت صافن من انتبهت على روحي صافن على عاءله ديتغدون بالخديقه العامه باوعتلي امهم ضحكت نصيت راسي خجلان جماله جان عدهم بنات بس لا عبالها على بناتها شوي وجابت ماعون دولمه
تفضل يمه تغده هذا غده الزهره
نصيت راسي لا خاله العفو تره اني صافن بس عيني صارت عليكم
لا خاله اني شفتك وحدك كلت معزوم عد الزهره
رحمه الله والديج خاله اخذت الماعون اكلته جنت ميت جوع وتعب وقهر
بقيت بالمنتزه راحو العالم وجوي غير عالم تمددت لل ١٢ محسيت الا روحي نايم كعدني الحرس عباله بالع مدري شارب كعدت ورحت لبيتها لكيتها داكه خمسين مره وصلت للبيت دكيت الباب ماكو رد كلت ادك الباب الثانيه دكيتها كم مره صوت بنيه صاحت منوو
اني اني صفنت تذكرتها هاي الجتي للصياغه تقربت يم الباب صاحت منوو
اني ابن استغفر الله ابن مرت ابوج فتخت الباب شوي
شتريد جاي علينا مكفاكم ذاك البيت
شنو
شنو شنو امشي روح هناك امك
بقيت صافن عليها هاي شمسوين بيها الدتحجي هيج دكت امي عليه ___ها يوم
ماما وينك
بالباب وين انتي
هسه حفتحلك الباب حبيبي
فتحت الباب وضلت تحضن وتشمشم بيه وتبجي واني بارد كارهه وكاره حتى عطرعا الغاسله بي انعصر كلبي بطبتي للبيت اباوع الاثاث التركي والبيت الجبير والحديقه
_جوعان ماما
_ بقيت صافن عليها ليش هيج يوم ليشخليتي اليسوه والميسوه يعيرني
ابوك مااكدر اكمل وياه خياتي ماما احنا منتهين من سنتين
اشرت الها خليت اصبعي على حلكي اششس بدون ماطلع صوت همست اريد انطمر غدج مكان لو اطلع انام عالرصيف بالشارع
لا حبيبي تعال هاي غرفتك
فتحتليباب غرفه كامله مجهزه مشفت منها غير الفراش نمت كانما ميت تمنيت مااكعد بعد حسيت بيها طفت الضوه وكعدت يم ىراسي تمسد بي غمضت عيني ابجي ممتحمل لمسه ايدها اتخيلها تلزم غير ابويه احترك حرك اخ ياربي ___يوم عوفيني
اي ماما حعوفك نام حبيبي باجر ماروح للدوام من يطلع عمك نتفاهم
اي اي بس روحييي طلعت وغمضت عيني ابجي لحد مغفيت انذليت وخسيت ماعدي غيره والنوب جاي بيت رجلها ثاني يوم الصبح
