رجعو للبيت و لكو ملاك و امها جاين
(ملاك رجعت الاهلها وره مطلعت القبولات و هسه رجعت)
سهام: هذا منو الي جابجن
نمار: اخويه
سهام: لعد رجلج وينه مجابجن هو
هبه: همام عنده شغل و كال الانمار يوصلنه
ام همام: يلا حبيباتي روحن بدلان و تعالن اتغدن
نمار: لا ماما ميحتاج احنه تغدينه و همام هم كال اتغده بره تغدو انتو اني تعبانه اروح ارتاح
هبه : اني هم يلا اروح انام باي
همام
وره مشفت انمار ضاجت ع الحلقات كلت لازم اشتريلها خطيه رحت اشتريتلها كلاده و حلقه و رجعت لكيتها نايمه ضليت العب بشعرها كعدت
نمار: ها حبيبي اجيت
همام: عندي مفاجئه الج
نمار:شنو
همام:غمضي عيونج
نمار
غمضت عيوني و حسيت لبسني شي بركبتي
همام: شوفيها عجبتج
نمار:الله شكد حلوه حبيبي
جانت ع شكل انفنتي و بيها اسمي
همام: هاي بمناسبه اول يوم كليه
نمار:شكرا حبيبي
همام: و هاي بمناسبه اني احبج و ما عندي غيرج
و طلع الحلقه و لبسها النمار
نمار
فرحت كلش لمن جابلي الكلاده و فرحت اكثر ع مود الحلقه صح مسوينه عرس ولا لبسنه حلقات بس فرحني كلش لمن لبسها اليه و اني هم لبسته حلقته
همام: هاي بعد شتردين حلقه و جبنالج بقى بس العرس
نمار: ماريد عرس بس اريدك يمي 😍
وره يومين
نمار: هاي البومه شوكت تروح
هبه:شمدريني جنهم يردون يلزكون
ملاك: همام
همام: نعم
ملاك: اريد اجي وياك باجر للكليه
همام: خير شعدج
ملاك: عندي صديقتي وياكم بالكليه اريد اقابلها
هبه: شنو صديقتج محافظات
ملاك: لا صديقتي من الفيس صار اعرفها هوايه و هي بالقسم وياكم
نمار: منو؟؟!
ملاك: اسمها هدى
هبه و نمار سوه : يبووو
ملاك: يا هاي شبيجن اثنينجن
همام: هاي مو هدى الي ..
نمار: اي هي ما عدنه غيرها
همام: شكد مكروها هاي البنيه
ملاك: لتحجون عليها هيج اصلا هي كلش حبابه
نمار: اي مبين عليها 😂
ملاك: ما اسمحلج تحجين عليها
نمار: هسه اني شكلت
هبه بهمس: خابري اخوج كله باجر مو يجفت علينه بما انو هاي البومه ويانه
نمار: ماشي اكله بس بما انو هدى صديقه ملاك خاف تكللها عليج انتي و انمار
هبه:يا عزه صدك لعد خلي اكل الانمار يحجي ويه همام عاد شويه اهون
نمار: ماش و اليوم اني هم احاجي همام و اكله انمار يحب وحده و هيج
هبه:ديري بالج تكولين اسمي
نمار: ميخالف هههه
نمار
اتعشينه و خلصنه و كل و احد راح الغرفته
نمار: همام
همام: نعم
نمار: تدري بانمار يحب وحده
همام: يا صدك منو
نمار: وحده كلش حبابه بس خطيه متقبل تحجي ويا
همام: ليش خاف تحب واحد ثاني
نمار: لا بس تخاف من اخوه خطيه
همام: لعد ميخطبها و يفظ المشكله
نمار: مو خطيه لبنيه عدها ضروف بلبيت ميكدر
همام: اعرفها للبنيه
نمار: يمكن تعرفها
همام: اها
همام
عرفت نمار دتحجي ع هبه لان اصلا حاس بيهم من يوم رحنه للمول و بالكليه هم شفتهم بس كلت خلي هم يحجون
...يتبع
أنت تقرأ
فصلوني لستاذي
General Fictionقصة من وحي الخيال لفتاة تاخذ فصلية لاخ صديقتها و استاذها في نفس الوقت
