فصلوني لستاذي

الجزء الثاني 2

طلع الدكتور و كلهم راحو يمه يردون يعرفون عمار شنو صار بي
الدكتور: وين اهل المريض
همام: اني اخو شنو صاير بعمار 😨
الدكتور: عمار عطاكم عمره  لان الضربه جانت قويه ع راسه و صار نزيف داخلي مكدرنه ننقذه احنه اسفين و البقيه بحياتكم

الكل انصدم و ام همام تخربطت و وكعت و همام صار عصبي و هجم ع انمار و محد كدر يفكهم غير الشرطه الي اخذت انمار بسبب موت عمار
و صارت الفاتحه و همام متحلف الانمار انو يخلي يموت بالحبس لان اخذ حياه اخو العريس 😔
و وراح ابو انمار حتى يتفاهم وياهم الابو مقبل و كللهم انسويها عشاير و ناخذ فصل
و رجع ابو انمار للبيت و ميعرف شنو يسوي
ام انمار: ها بشر شكالو
ابو انمار: يردون فصل
نمار: اي بابا انطيهم الي يردون بس اهم شي رجع انمار النه 😭

و بعد يومين صار كعده الزلم حتى يشوفون شنو يردون اهل عمار و همه حتى ينطوهم و يطلعون ابنهم انمار من السجن
و كعدو الزلم و رجع ابو انمار و حاير شنو يسوي
ام نمار: ها شنو رادو
ابو انمار: طلبو شي كلش غالي ما اكدر انطيهم
نمار: بابا ماكو شي اعلى من انمار لو حتى نبيع البيت ميخالف بس اهم شي انمار يرجع
ابو انمار: المشكله همه مطلبو فلوس
ام انمار: لعد شطلبو
ابو انمار: طلبو فصليه
كالها و هو ميعرف شنو يسوي و المن يختار ابنه الي بالسجن لو بنته و حبيبت گلبه
نمار و امها انصدمو
نمار ضلت تفكر انو هي ما عدها غير اخوها بالدنيا و اذا صار بي شي هي هم تموت ويا و كالت حتى لو اموت بس اهم شي انمار ميصير عليه شي
نزلت نمار و كالت الابوها
نمار: بابا بلغهم موافقين ع الفصليه
ام نمار: صخام الصخمني ابني يصير قاتل و بنتي تروح فصليه ليش يربي شنو سوينه
ابو انمار: بنيتي مستحيل اكدر انطيج فصليه الى ع جثتي فهمتي
نمار: بابا اروح فصليه البيت اهل هبا و لا اخويه يضل بالسجن و اصلا هبا صديقتي و اكيد اهلها ميسولي شي
ابو انمار: بس بنتي
نمار: بابا لا بس و لا شي انته باجر تاخذني و نروحلهم حتى يطلع انمار من السجن بس لحد يكله اله لمن يطلع
ابو انمار و الدمعه بعينه: بكيفج بنيتي
و صار ثاني يوم و راحت نمار ويه ابوها حتى يعقدلهم الشيخ و عقدلهم بس ام همام اشترطت لازم يزوجها محكمه هم و هم راحو عقدو محكمه و جان المقدم سجاده و الموخر قران
و نمار ودعت ابوها و امها و راحت ويه همام و متعرف شنو الي منتضرها او شنو حيصير بها ...

...يتبع