حظي ونصيبي

البارت اﻻول

مساء الخير
قصه
حظي ونصيبي
للكاتبه ذكرى المندلاوي
المقطع الاول

ازهار
عمري ١٧ سنه
يكلون عليه حلوه  ٠٠٠
مخطوبه الجعفر ابن عمتي
صارلنه سنه عن حب ٠٠٠٠
اجلت الزواج الحد مااتخرج من السادس
اني حريصه كلش على مستقبلي امنيتي اصير
دكتوره
ذابه حملي على الدراسه كلش٠٠
ماعندي طلعه وطبه ٠٠خجوله اجي واروح بطريقي
صديقات ماعندي غير وحده ٠٠اعتبرهه مثل  اختي

عيشتنه على كد الحال
  ماما     موظفه وبابا موظف الحمد لله مدبرين عيشتنه
اللبنيه الوحيده الاهلي ٠٠واخوتي اثنين اصغار ٠٠٠
واحد ٥ سنين ٠٠والثاني ١٠ سنين
طبعي مااحب الهوسه من اقره ٠٠٠ دائما
اختلي بوحدي وبغرفتي الي فوك السطح
حته ادرس براحتي وخاصتا بليل
من عندي ماده صعبه
اسوي استكان الجاي ٠٠ويه البسكت المملح ٠٠عشق

حايره باجر  عندي امتحان فيزياء٠٠
والماده صعبه مدافهمهة والمدرسات اله خصوصي يالله يفهموج
جان الجو حار توصل للخمسين درجه
نزلت جوه للمطبخ ٠٠اسويلي استكان الجاي ٠٠
طلعت البسكت وخليتهن كلهن بلصينيه
اهلي نايمين ٠٠مردت اسوي صوت ٠٠كله على الصامت
خطيه يتعبون ميصدكون كهرباء الوطنيه  جايه ينامون من وكت
اباوع الساعه ١٢ بليل
طبيت الغرفتي
الجو حار
رحت على باب السطح وفتحته ٠٠دائما اسوي هيجي
حته يجيني هوه بارد ويلطف جو الغرفه

جنت اهتم بنضافتهه وترتيبهة عالمي الخاص
صغيره ومابيهة غير كنتور ابو الطلاقتين وجربايه نفر ٠٠٠
حطيت الصينيه واخذت اطلع الكتاب
اهوو هذا بي درخ قوانين تشلع الگلب۰۰

بغير مكان

اني حسام
عمري ٢٥ سنه ٠٠ميسور الحال ٠٠
مخلص دراسه  عندي شركه سفر وسياحه ٠٠هيجي
اونس روحي بيهه
لان ابويه جبير ومعروف يعني مااحتاج
فلوس بكد الزبل
يوميه ذابلي كم مليون على بنات الليل
احب الكيف والسهر وشرب ٠٠ماكو شي ممسوي
جذاب وسيم البنات هنه الي يجني ٠٠٠بدون مااروحلهن  حتى المزوجه ماعندي محرمات
لاعب لعب
جنت كاعد اني ولؤي صاحبي بلنادي
دكت عليه ام سيف
صاحبتي من زمان ٠٠متزوجه
تعرفت عليهه عن طريق الفيس
مرات اروحلهة للبيت من رجلهه يبات بلمحل يصير عنده شغل
واسهر الحد ميطلع الصبح
ام سيف
تعال٠٠ اليوم رجلي يبات بره
حسام
من اوصل عود فتحيلي الباب مو مثل ذيج المره ظليت ادك ٠٠٠٠ويمكن شافوني الجوا ريين
ام سيف
صار حبي

وصلت على الموعد
فتحتلي الباب٠٠ طبيت ٠٠كعدت حوالي ساعه
جتني تركض وتملخ بوجهه
ولك حسام كوم اطلع اجه رجلي
والله يكطعني بس يشوفك
حسام
اني مجنت خايف منه
طلقه براسه واشمره حاله حال چلاب السكك
بس اخاف من ابويه
اتخيلته من يسمع شراح يسوي
هو هم يخاف على سمعته ٠٠كلشي ولا ينفضح
وتوصل اخبارنه وتنتشر بوسائل التواصل
ماعندي احد اخاف عليه
طبعا نقطه ضعفي هو شعندي قابل ؟؟
لا ام ولا زوجه وحيد فريد بس اني ووياه
حسام
  ٠٠منين اطلع
ام سيف ترجف
ديربالك تتطلع من الباب ٠٠اكيد هو هناك
همست
تعال
اصعد للسطح  جيت على اجوارينه بيت ازهار
ذوله ميحسون ينامون من العصر
حسام
صعدت على الدرج ٠٠جان اسمع صوت رجلهه
يصيح وينه ؟؟؟وين ضميتي ٠٠اليوم اموتكم انتي وياه

ركضت فتحت الباب ٠٠
وجيتت على جوا رينهم٠٠
ازهار
سمعت طبه بلسطح
بس لا حرامي
لا شعنده الحرامي شيدور يمنه ؟؟
طلعت اباوع
ولن واحد
شبكني وسد حلكي من وره
اريد اصرخ مكدرت
حسام
صارت كبالي وعرفتهه بس تشوفني راح تصرخ وتفضحني ٠٠
وهذا رجلهه ابن الكلب ٠٠٠ بلسطح جاي يدور  ويصيح ويضربهه
وينه
وهيه تصرخ
ازهار
عضيته من ايده وصرخت بعلو صوتي

مااشوف اله اهلي وبيت ام سيف
مجتمعين بلسطح
وهذا بعده مجلب بيه ميرضه  يهدني

ابو ازهار
جاب المسدس واجه يركض
امي
ظلت تصرخ حرامي
حسام اني مو حرامي اني صاحب بتكم وجيت اشوفها
امي   وابويه انصدموا ٠٠٠
بس مو بكد صدمتي
امي صاحت 
اسكت٠٠٠٠ ادبسسز شنو صديق بنتي اشرف من الشرف
حسام
ملكيت غير هاي الحجه حته اخلص من رجلهه الصاحبتي
هذا متزوج راح يكتل مرته وتصير بيهة عشاير ٠٠و هاي سالفه متخلص ٠٠٠
ازهار
سجاد اخويه  خابر على جعفر ٠٠واجو بيت عمي
ولتتخيلون الي صار  بيه ٠٠موقف مااتمناهه العدوي

جعفر
اجه يركض بيتهم قريب
انصدم من شافهم سويه  وحسام يصيح صاحبتي 

ازهار

بجيت ٠٠ملخت روحي اصيح ٠٠بس اريد احد يصدكني ٠٠٠اباوع للوجوه ٠٠جنهم صدكوا بي

ازهار
جعفر والله مااعرفه
جعفر

لزمت حسام من ياخته
انت منين عرفتهه شو اني اجيبها واوديها من المدرسه للبيت ٠٠يمته تعرفت عليهه
حسام
من الفيس
ام ازهار
تباوع البتهه من سمعته شهكت وصاحت
يايمههه

ابو ازهار

جان كاعد مصدوم من شاف المنظر

كال
بنتي الشريفه
الي اكول عليه اشرف البنات تشهرني واتخليني
علج بحلك  اليسوه والي ميسوه
ازهار
بابا اقسم براسك وراس ماما ما اعرفه
حسام

اصر يكمل كذبته  والا ٠٠تجي مصايب هو في غنى عنها ٠٠على الاقل ذوله يخافون٠٠٠ ناس مستورين ٠٠يسدوهة للسالفه الخاطر بتهم
 
جعفر

لحسام انطيني هويتك
حسام
شتسوي بيهه
اريد اعرف اذا حرامي لو مثل متدعي ٠٠
جعفر جنت واثق من ازهار بس من شفت الهويه
عرفت السبب الي هواي بنات يركضون وراه
الغنه واني فقير وعلى كد حالي وهذا ابن واحد جبير
املاك الدنيه جوه ايده٠٠٠٠ شتسوي بعد بلعبد  الفقير
قريت هويته
وخليته بجيبي٠٠٠

راح لازهار ٠٠٠٠ضربه راجدي
ابو ازهار
تفل عليها
انتي لا بنتي ولا اعرفج من هل الساعه متبري منج
حسام
خليتهه مشتعله بينهم وطلعت
للشارع
لكيت العالم ملتمه ٠٠صعدت سيارتي وكبل للبيت

ازهار

عرفت روحي ضعت كل احلامي ضاعت بهل الليله الكشره
جعفر وابويه استلموني
واني وجهي ملخته صار عباره عن قطعه من الدم
امي
بس ادك على وجهة وتغلط عليه
يتبع
ذكرى المندلاوي