حظي ونصيبي

الثاني عشر

ظلت ازهار بغرفه حسام لحد ما شفه من جرحه
حسام كل هاي الفترة يتذكر وكفه ازهار كبال ابن خاله وشلون رادت تتصده لضربه جعفر ويحاول يفتهم سبب فعلته
يمكن ازهار بدت تحبه ﻻﻻ هذا خلي اطلعه من بالي
ازهار مستحيل اتحبني بعد الي سويته بيه
لو يمكن مثل ما كالت الجعفر همه بسرعة صدكوا بلتهمه
الي تهمته ببه واتريد تخليهم يتندمون
حسام ازهار مستحيل اتحبني اني عدو الهة بس بنفس الوقت
الملجأ الوحيد الي تلتجا اله من اهلهة
لهذا السبب هي باقيه وياه

حاول حسام يقنع روحه بهذا اﻻستنتاج ﻻن ما كو غير سبب
والعصر سمعت ازهار من الخدم بجيت لبنى
ازهار وينه هي هسه
بلحديقه
ازهار راحت تركض شافت لبنى اتريد تدخل والحراس ميخلوهة ﻻن ابو حسام بسبب ضربه ابنه منع اي بنيه تدخل
القصر
ازهار شتر دين هم انتي متجوزين يعني انتي ما عندج احساس اني عمري مشايفه وحده مثلج شامره روحه شمر
على واحد ميريدهة
لبنى
انتي الي ميريدج وهو جان وﻻ زال يحبني غصبا عليج اليوم ادخل اريد اشوفه سمعت بي متصوب (دفعت ازهار وراحت
لغرفه حسام جان نايم بغرفته)
لبنى
حسام حبيبي بيه وﻻ بيك انكسرت ايد الي اتمدت عليك
حسام
انتي اجابج شافج احد وانتي ادخلين
ازهار جتي وراهة تعرف لبنى ومكرهة وحبت انشاهد
المسرحيه الي راح اتسويه
لبنى
حبيبي اني هسه يله دريت واني ما اعوفك لحد مطيب
حسام يباوع علة ازهار
ازهار وفت وكفت وهي صارتلي ممرضه كول هاي الفترة
لبنى بحقد
طبعا اتسوي ليش ﻻ اسئلني عليهة هي هاي تقتل القتيل
وتمشي بجنازته
حسام شنو قصدج
اني كولشي عرفت من مصادري
حسام وازهار واحد يباوع بعين الثاني
حسام
شنو عرفتي وضحيلي اني لحد هسه كولشي مفاهم
لبنى
مو الي اطلق عليك النار حبيبه اﻻزهار وخطيبه السابق
انصدموا من سمعوا هذا الحجي
حسام بعصبيه
منو كلج هذا الحجي
لبنى ابنرفزه
كافي حسام اتضملهة هي سبب كل المصايب الي دتوكع
عليك وعليه شلون جنه قبل وشلونه هسه جنت يوميه بمكان
وفرحان والضحكه متفارك حلكك وسهرانك للصبح
كولي اسوتلك سحرتك بعيونه وحبيته ؟ترى عيونه جذابه وخداعه ومتعرف المرة اﻻ وحده مثلهة هاي كله تمثيليه حته تتقربلك
حسام
كافي لبنى اني تعبت رجاءاا اطلعي بره اريد ارتاح
لبنى
هيجي صارت حسام اﻻ اخليك تتندم وتجيني وساعته تعرف منو ا لبنى
طلعت لبنى وحجيه مطلع من راسه الحسام ظل يفكر
ياترى صحيح ازهار سحرتني بعيونه وهي جذابه وتريد توصل
لشي هو لحد هسه مفاهمه واتمنى يدخل عقله اﻻزهار
ويعرف شتريد اتسوي
ازهار بعد ما طلعت لبنى سوت شوربه الحسام وجابته
حسام .
ما اشتهي
ازهار
ما كو شي اسمه ما اشتهي لازم تاكل حته تصحه
حسام
صحيح بس لو مو ماعون الشوربه لو الجدر كله مراح اصحه
ازهار
اني قصدي تتعافى واطيب
حسام
تعاي كولياي بت الناس ليش وكفتي كباله الجعفر ليش مخليتي يكتلني وتاخذين بثارج وكرامتج وكرامه اهلج ورة كل الي سويته بيج تجين ويايه واتعوفين اهلج وخطيبج ومتنامين
وتسهرين علمود اداويني
ازهار
يعني اذا كلتلك انت اتصدكني
حسام
طبعا ليش ﻻ اني طول ما انتي ويايه كذبتج فد يوم دعيج من اول يوم جنت غبي وما اعرفج زين
ازهار
اني نفسي ما اعرف ليش وكفت كبال جعفر حسيت كلبي يكولي لتخلي يموت وهو راد يطلع من مكانه ويتصده الجعفر
حسام بابتسامه جذابه وساحرة كلهة حب
هذا اسمه بدايه اعجاب ثم حب ثم عشق
ازهار
لتشاقه مو كلتلك انت متصدكني
حسام
لعد شتوصفين كلب يدك ويريد ينقذ شخص اخر ﻻ ويريد يطلع من مكانه
ازهار
عرفتك اتصنف
حسام
هذا دليل اخر على عدم محبتج الجعفر انتي جنتي اتقنعين نفسج اتحبي ومعرفتي الحب اﻻ وانتي ويايه .وكللهة اتقربي
ازهار
ليش
مراح اسويلج شي لتخافين لو اريد جان من زمان واني بقوتي.مو هسه بدفعه توكعيني وانتي وحده رايدلج واحد بقوة ا ﻻسد حتى يحصل عليج هههه
سمعت ضحكته الساحرة وكلبه كام يدك نفس دكاته السابقه
وعيونه خجﻻنه من حديثه وياهة وهي ضعيفه امام ضحكته.
وعيونه هنوب هذا الحجي ﻻ ياربي بعد ما اتحمل
حسام
مو كلتلج تعاي
رادت اتفهم هو علة غلط بس اخخ من عيونه الخجوله
وكلبه الفاضحينه
واتقربت منه حط ايده علة كلبه وكللهة سمعي

وغنالهة(مرد الي مرد الي من يوم ما راح مرد الي

كلبي ممرتاح خايف عليه شي صار بي ياناس مهموم

ماعندي عنه اي خبر من راح لليوم يرجع بسرعه كال
لكن غيابه طال شلون انيم عيني بعده شلون يهدالي
بعد الشكه وبعد الرضه كل التعب ذاك ميت عساني
وﻻ كلتله الله وياك شيداوي جرحي هسه لو احط
روحي لليطيب)
ازهار دمعت عينه وراحت تركض وعافته وراحت الغرفته
وهي اتكول
ياربي شديصير بي هذا حسام منين اجاني كلما اريد اكرهة
وانتقم منه يصير بي شي يمنعني هسه شلون اخذ بثاري منه
شلون راح هاي الخطه مالتي راح تفشل وراح اضعف كدامه
صاحت وكانما تحاجي روحه
باعت عله جهة كلبه وضربته حيل وكالت
انت السبب انت الي ادكولي عوفي لتسويله شي اني احب
دكات كلبه وتعجبني انغامه متراهمه ويه انغامي سمفونيه.
الدكات كلبي وكلبه تصير قصه عشق ﻻ تنتهي
باوعت ازهار الجهة السماء
ياربي ما اريد احبه هذا الشخص ظلمني واريد اخذ حقي
واذا حبيته راح يضيع حقي وكل الي سويته بهاي الفترة يضيع
حسام ﻻزم اكرهة هو عدوي هو الي طعني بشرفي هو الي حطم مستقبلي وحطم حياتي اني ﻻزم اكرهة

يتبع