حظي ونصيبي

السابع عشر

ازهار لمه اجه حسام وخبره علة الدعوه رفضت وتحججت
اني تعبانه وهل اﻻيام مدى انام زين
حسام بكيفج بس راح اروح ويه لبنى  دتلح عليه على طلعه
واني دا اعتذر منهة
ازهار بضوجه
بكيفك الي تشوفه وهي القهر والغيرة كاتﻻته
حسام
اي كلت اخبرج اخاف باجر تسمعين من غيري
ازهار
شعليه بيك متروح
والعصر بدل واتأنق لبس قاط اسود وقميص سمائي ورباط مشكل بلونين وشعره مسوي تسريحه رجوليه ﻻيكه ويه لحيته السوده خال عطر داخت بي ازهار
كالت ويه نفسه هذا سواهة صدك وراح يطلع ويه هاي الحيه
لبنى
ازهار الحسام
ها راح تروح
حسام
اخاف اتاخر ويمكن السهره اطول مو اتخابرين واتخربين الليله عليه صار هوايه مطالع من اتمرض ابويه لحد هسه
ازهار والنار شايطه بيه اتريد اتكوله انتظر ابدل واني اطلع وياك بس كبريائه مانعه هو البارحه يحجي عليه ويكولله انتي
مو بريئه وكل الي تهمتج بي صحيح شلون بعد تتنازل اله هذا
العدو الحبيب اي عدو وبنفس الوقت حبيب تعترف ازهار
هي عشكته ومتكدر بعد تغض النظر عنه هو هسه
زوجهه وحبيبهه
وكل الي عدهة بلدنيه 
بس شنو بيدهة هو ميريدهة وهي خو مو تشمر روحه كوه عليه
يالله ساعدني وانطيني الصبر وكالت اني صار هوايه مﻻزمه السجاده ومصليه اخ نعله علة الشيطان اليخﻻني التهي بامور الدنيه وانسى صﻻتي وفعﻻ سبحت واتوضت واتجهت للرب الكون هو راح يحل كل مشاكلهة وفتحت القران وقرات كم سوره بيه منه(الم نشرح لك صدرك )
وراهة اتعشت منتضرت حسام ﻻن كللهة اني اتاخر عله العشه وشويه باعت بلتلفزيون الي بل الصاله ونعست ونامت
ومكعدت اله علة صوت واحد يهز بجتفه اكعدي صعدي بغرفتج
باوعت هو حسام
فركت بعيونه وكعدت على حيلهة ولمت شعره دتريد اتروح الغرفته دك موبايله
حسام باوع على الموبايل الي جان على الميز راد ينطيه الازهار
ازهار شافت عيونه صارت نار التفت الهة وكال اكول ليش مردتي تجين ويايه للعشه اثاري اكو من يونسج على الموبايل
واني الاثول اكول خلي ارجع من وكت لتبقة وحده
ازهار معرفت منو هذا الي جان يدك وخله حسام يشيط كالت
انطيني الموبايل خل اشوف منو
حسام يعني متعرفين منو اكو غير حبيب الكلب
ازهار اتخبلت منو حبيب الكلب شيقصد
لتخبلني خليني اشوف
حسام شال التليفون وكال
اذا انت رجال رد ليش ساكت
جعفر
ولك اني رجال وغصب عنك 

ازهار
عرفته جعفر اخذت الموبايل منه تريد تحاجي الجعفر واتكول عوفني بحالي انت مو تركتني وتنازلت عني شتريد مني
بس حسام اخذ الموبايل وخﻻه يمه وجعفر ظل يدك ماادري
شجاه حن الخطيبته لو تندم وعه اخيرا على روحه
ازهار
هذا اول مرة يخابرني يمكن اهلي بيهم شي غير اعرف بسرعه اتعاركت وياه انت شنو من شخص
حسام
اني راح اخابر ابوج واعرف (فعﻻ خابر ابو ازهار بلبدايه محد
رد بعدين شاله
حسا مراد يخوفهم
شلونك ابو ازهار اني حسام
اي ابني حسام زين انشاء الله خير
ﻻماكو شي بس حبت ازهار تسال عليكم انطاه ﻻازهار وهو عيونه بعدهةجمرة
ازهار تحاجي ابوهة واتشوف حسام وهو ينزع ارباطه كانما اختنك وفتح اول دكم من قميصه وهو اله اشويه يطك
اهل ازهار جانوا نايمين وماكو شي عدهم
ازهار ويه روحه كالت لعد اشبيه جعفر خابرني باعت الساعه
بلوحده هذا يمكن جن
حسام.
ها اهلج شبيهم
ازهار
مابيهم شي (هذا الحجي وحسام يتقرب يمهة شويه شويه ورافع ايده يريد يضربه)
ازهار
ﻻول مرة اتشوفه على هل الحاله كانما ثور هايج
اني شعليه هو خابر من يمه وبعدين هو مو غريب ابن عمي 
وراد يسال عليه ما بيه شي
ازهار
احجي وجسمي يرجف 

اتقرب
عليه وكال 
وابن عمج مكال شيريد يخابر بهل الساعه؟؟
ازهار
مو دااكزلك هاي اول مره      بعدهة ممكمله اجاهة راجدي
لزمت خدهه
هاي اول مره حسام يضربهه
حسام بصياح
ما عاشت وﻻ كانت المراه الي تلعب عله حسام ولج اني بنات
العالم مركصهن باصابعي (واشار عله اصابيعه)
تجي وحده مثلج تلعب عليه
ازهار
متحملت اﻻهانه ورادت تحرك كلبه
اني ماالعب عليك اني انلعب عليه  ٠٠٠ وتهمتني ظلم٠٠
تهمتك خسرتني حب عمري ابن عمي حلم عمري٠٠
  بعدهة ممكمله اجاهة راجدي ﻻخ
صارت وشه بأذنهه اثر الضربه 
مكامت تسمعه
حسام ظل يصيح ويغلط.
ازهار دموعه تنزل وتحاجي روحهه

ليش مو اني حبيتك يالله ليش هذا الديصير بيه
طلع راحح الغرفته
واني ظليت ابجي على حظي الاغبر
ازهار
الصبح
بدلت هدومي٠٠٠
لبست شلون ماكان دشداشه عريضه قصيرة ولميت شعرهي بدون متسشوره  بقراصه ليوره ورحت اتريكت  شويه مشتهيت  من بعد الي صار
خابرت ابويه

ازهار
بابه هذا جعفر  شيريد مني ٠٠٠٠
هو مو تركني ٠٠٠٠ليش يريد يهجم بيتي خليني مرتاحه ويه رجلي كوله بعد ليخابر
ابويه كال راح احجي وياه  واكسر راسه شعنده يخابر ٠٠٠

ولليل
اجه حسام وياه لبنى وهو يضحك كانما يقهر بيه طب للبيت
وهيه كاعده بلصاله تصلي وتقرة القران وتجود   صوته كان كلش حنين ومبكي بنفس الوقت.
جان هو منتجي على لبنى من سمع صوت ازهار عيونه دمعت نفس صوت امه من تقره

ابويه مسجله وكلما نروح للمقبرة يشغله واني ابجي بﻻ وعي
حسام  عفت  لبنى ورحت  المصدر الصوت

ظلبت واكف   حتى كملت ومتحملت عيونه كامت تخر دموع
اجت لبنى

حست بيه وكالت
يله حسام خلي نصعد بغرفتك
وهي اتصعده
ازهار
صدق الله العلي العظيم
عيونهه  على لبنى
انتي متجوزين من سوالفج
حسام
عوفيه ﻻ اكسر راسج لتحاجيه هاي ضيفتي والي يندك بيه يندك بي
ازهار
خوش اني راح اخابر عمي خلي يجي يشوف صرفه
وياكم
لبنى
ولج انتي غير لزكه ديكولج بصريح العباره ما اريدح وعوفيني
اعيش حياتي انتي شنو من يوم الي اتعرف عليج وهو
مو على بعضه ﻻ يطلع ﻻ يسهر وبس ضايج
حسام
عوفيه وصعديني فوك وعيونه على ازهار يريدهة تمانع
ازهار عافته وراحت الغرفته وهي اتكول
عوفي خلي يولي الي ما يريدج لتدردي خلي النفسج قيمه
نسيتي الي سواه بيج البارحه وقبلهة

وبعد ربع ساعه
نزلت للمطبخ٠٠٠ تشرب مي
وهيه   بطريقهه لغرفة حسام
سمعت ضحكة لبنى المعروفه وهي اتكول انت متجوز من سوالفك
وهي النار شبت بيه متحملت زوجه والي اتحبه بحضن غير وحده عاهرة وابيته فتحت باب الغرفة شافت لبنى
وهي تحاول اتنزع حسام مﻻبسه وهو مطوخ سكران ميعرف
شكو ماكو
جرت ايد لبنى وصاحت ابوجه
اطلعي من الغرفه ﻻ اجيب الخدم يطلعوج
حسام
عوفيه معليج بيه اني كتله
ازهار هذا ميعرف شديصير سكران ومواعي
صاحت ابو رامي صيح الحرس حتى يشلون هاي القاذورات من الغرفه
لبنى وهي متعصبه
ماكو داعي اني راح اطلع وفعﻻ طلعت
نزعت ازهار مﻻبس حسام وبمساعده ابو رامي ولبسته بجامه النوم
وخلته على سريره
وغطته جره من ايدهة وكال
تعاي ازهار لتعوفيني انام وحدي اني ارتاحلج وما ار يد تعوفيني انتي اتذكريني بامي  ما اريدج اتعوفيني تره اموت
اني يمكن بديت احبج

يتبع