أنا طفلة ظلمتها الدنيا ، قسات عليها حرمتها من أبسط الأشياء و هي الأم اللي تركتني فأول يوم ليا فهاذي الدنيا الظالمة و زيد فوق كل هذا نتحرم من حنانة البو اخيب احساس تحسو الطفلة كي ما تحسش باللي ما عندهاش سند ليها لا أم تحن و لا أب زادا...... أنا احلام سماوني على اسم امي الله يرحمها عمري 18سنة عندي باك هادا العام . بابا بعد ما ماتت امي تزوج بامرا مسمومة كانت متحبنيش و كانت تضربني و حاطتني خدامة عندها و هدا كامل قدام عينين بابا اللي كان راضي بهاد الشي لأنو الراجل كي يصيب لي تفرحو فالفراش يولي تحت أمرها . الموهيم أنا عندي أختي ريهام و هي تغير مني لأنو ربي عتاني زين و عقالة و ذكاء انا خمرية و عينيا عسليين و شعري شتان كلار و حرير واصل لخصري و ديما من الأواءل فدراستي و ذاك علاه حاقدين عليا .....
وحد النهار وانا فبيتي نقرا دخل عليا بابا و قالي:وجدي روحك السمانة الجاية جايين يخطبوك
تصدمت و قتلو: بابا تعيش مانيش حابا نتزوج حابا نقرا
نطقت المسمامة مرتو:واش لالا كبرتي وليتي ترفضي واش يقول باباك ديجا عطاهم كلمة
بابا : الطفل وليد فاميليا و باباه لباس بيه عندهم شركة و لوكان تتزوجي بيه تتحل في وجوهنا
انا:اااه قولي هاكدا على جال مصلحتك نتا
انا هكداك و يجيني هداك الكف مرت بابا جاتها على ال16
بابا : والله غير هداك اللي تزوجي بيه و هاد القرايا انسايها
و دا مرتو و خرجو مالبيتو خلاوني غارقة في دموعي و ندعي في ربي يفرج عليا.
أنت تقرأ
💙 أحلامي 💙(باللهجة الجزائرية)😍
Romanceهي قصة حب من نوع جديد فيها غيرة قسوة حنانة وجيعة ....
