💙 أحلامي 💙(باللهجة الجزائرية)😍

||🌸 الحلقة 14 🌸||

احلام تحكي ......
كنت خارجة مع البروف تاعي و انا نتشكر فيه لأنو قبل باه يعاودلي الدروس لي فاتتني حتى نحس بيد قوية جبدتني انا جيت ندور و نلقاه اكرم قالي :على ما عيطتيليش نجي نديك قالها و هو منرفز جيت نقلو انو معنديش تيليفون حتى تلفت للبروف و قالو متحشمش توقف مع وحدة قد بنتك انا اللتم تنرفزت و نطرتلو يديه و قتلو :احترم نفسك اكرم لي راك تحكي معاه استاذ نتاعي حسيتو تكبس تلفت لأستاذي و قتلو :انا متاسفة استاذ نعرفك باكرم راجلي خزر فيه و قالو متشرفين و مصار شي بنتي ايا بسلامة
انا :بسلامة
درت لاكرم بتنرفيز و قتلو : متزيدش تدخل فحياتي ابعد عليا
سكت و مجاوبنيش مي قالي هيا نوصلك جيت نقلو لا قاطعني و قالي كلامي منقولوش مرتين
تبعتو لطوموبيل نلقا طفلة راكبة ملقدام كل شي فيها مركب و لمعري فيها اكثر ملمغطي شقرا و باينة طويلة
ركبنا تلفتت هي لأكرم و قاتلو:حبي شكوني هاذي
اكرم:هاذي احلام مرتي
هي:اه قصدك مرتك مؤقتا
وجعتني هاد الكلمة و عينيا تعباو بالدموع
اكرم ضرب الفولون و قالها:سوسن اسكت انا من عند ربي راني منرفز
ااه صار هاذي هي سوسن انا رفدت عيني لقيتو يخزر فيا من المري متاع الكرهبة بعد سكات طويل نطقت سوسن :حبي جي تقعد عندي اليوم بابا مكاشو و الخدامة مديا كونجي و انا راح نقعد وحدي
اكرم :اوك
جيت سنقلو و انا تخليني وحدي قلت زايد نكسر في راسي لمعندو الزهر لا يتعب لا يشقى
اكرم يحكي......
منعرش علاش عملت هكاكا و علاش حسيت بهاك الاحساس اما لي جا فبالي انو هادي مرتي و ممنوع حد يحكي معاها كي عرفت بلي استاذها تصدمت و تصدمت اكثر كي قاتلي متدخلش فحياتي تنرفزت ياسر ركبت فالطوموبيل و كانت معانا سوسن و كي سقساتني عليها نعرش كيفاه خرجت مني كلمت مرتي و تنرفزت كي قاتلي مرتك مؤقتا حسيت بالخوف منعرش شنوا هالاحساس لي نحس فيه كي تكون حاجة متعلقة باحلام دخلتني فدوامة و متاهة مغلقة هل الفرخة و كي شفت دموعها كرهت روحي . كي قاتلي سوسن اقعد عندي ليوم تفكرت كي قاتلي ابعد عليا هي حابتني نبعد منعرش كيفاه طلعت مني الاوك اما حسيتها خزرت فيا و كانت حابا تقول حاجة اما سكتت