اغفري خطئي حبيبتي

البارت 13-14 الاخير

#اغفري–ذنبي–حبيبتي
بقلم نورا غدرني الزمن
بيج قصص ليل وعشگ
الجزء 13لعيون السهرانيين
حسن اخو شيماء مرت ابويه جان يريدني من قبل وخطبني ونهئ عمي عليه بعد وفاة والده اجو للبصره سكنو هو هم بالحشد مثل اخويه علي بقيت محتاره توه مخلصه العده ومناسيه زين ابد حييل احتاريت وابويه محتم عليه االه اقبل
شهد :نوسه وافقي مو يمكن لان حسن عينه عليج صارلج كل هذا او انت اصلا مقسومه اله وافقي يمكن تطلعين من حالتج هي
نسرين :ليش ماانتحر واخلص من روحي احسن الي
شهد :دسكتي هو هذا حجي تخسرين الدنيا والاخره وبعدين شبي حسن من الاول يحبج ولسه ممتزوج
نسرين :ماادري هو بكيف ابويه بعد مابيدي شي
شهد :بعدج تحبي ؟!......
نسرين :‏حاولتُ أن أنسى فعاتَبَني
‏فيكَ الفُؤادُ وقالَ  إياكَ
‏
‏قلبي بكفكَ لا يطاوعُني
‏قُلْ لي برِّبكَ كيفَ أنساكَ❤️
شهد :اووف ولج كل هذا ومانسيتي كل السواه بيج ومدتشيلي من بالج
نسرين :ادري بي ديتعذب وادري بي مريض هسه ومن دتكولي ريم ديراجع ع مود عمليته دااموت عليه اووف شكد اريد اتحمل
بعدهه تمت خطوبتي لحسن غصب عني وحتى غصب عن امه حسيت بهالشي سوو الي حفله بسيطه اني مردتها بس هو لان ممتزوج وممسوي حفله سويت لبست فستان بنفسجي غامق وضيق وطويل والردان مالته كيبور ومجان طالع جسمي بي لامحتشم بالحفله امه مطنكره وسمعتها اكثر من مره تردد كلمة مطلگه كل هذا ينضاف الـهمي والامـي بقلـبي اجـاوبها واكول مردت نفسي بهالحال وبهالمكان وبهالزمان ردت اكون يم شخص 💔وطفلي بحظني بس الله ماراد هالشي وهذا المقدر وهذا المكتوب مشت الايام واني وحسن عبالك اخوان مو مخطوبين لاهو ديتقبلني ولااني ابد يروح للحشد ويجي ولو اشوفه لو لا
انخطبت شهد لحسين وسوو حفلتهم ببيت ابويه بيومها لبست فستان اسود طويل ويكون بدون ردان وكصة الاكمام مالته مسطره وفوكها مثل الشال شيفون  منه وبي وسرحت شعري وفتحته من اجت عمتي سلمت عليها بس ساره ماكو كالو الحمل متعبها رادو شي من المطبخ خليت شال ع راسي وبقئ شعري طالع من جوه رحت ع الكاونتر واكفه دااخلص شغلتي سمعت صوت ميته لحتئ اسمعه گااال مبـــروك الج انداريت اله شفته زين
وينك أنت احجي لاتكضيها سكته
الماضي عفته خل اسولفلك عليه
الموت شفته
المر جرعته
وكلت يمته تحن عليه؟؟
أنت ماتدري برحيلك صرت أخرس
احجي صنطه
صوتي بكته
هذآ كل الصار بيه شلونك إنت؟
نسرين :غورگت عيوني غصه بقلبي مااكدرت اكتمها اريد ارجع حتى نسيت شجنت دااسوي اريد افوت لزم ايدي باوعت العيونه شكد مشتاقه الهم وگتله ومبروك الك هم ولو متأخره
زين :شعجبج بي بالله صدك جذب هذا مستواج
يحجي بحرگه
نسرين :مااسمحلك تحجي عليه خطيبي هذا وعوف ايدي *هو عصرها بالزايد *وگال عوفي
گتله وانت منو حتى تأمرني اعوفه
وسحبت ايدي منه وعفته رحت الغرفتي قلبي من الخفقان راد يطلع من مكانه لاادري فرحانه الشوفته ولاادري ضايجه لان اني مراح اصير اله مجرد احساسي بوجوده بنفس المكان الي بي اني بس مااكدر احاجي ولااكدر الزمه احاجي الزم شعره عشقي شي يألم مؤلم موجع لايفيد بجي ولايفيد قهر صرت اشوفه من بعيد احس براحه مرات اشوفه يلزم بطنه يمكن تأذي امموووت قهر بقو عدنه كم يوم ليله بقيت ماكدرت انام الكل نامو يردون يروحون يوم ثاني تمنيت لسه ع ذمته اني واروح وياهم طلعت للحديقه بالليل اختنكت صرت ادور بين الاشجار واباوع للقمر فجأه صار كبالي قمر ثاني قمر عشقي
زين :مداتكدرين تنامين مو ؟مثلي ؟!
نسرين :جريت نفس وردت اروح لزم ايدي
گتله زين عوفني
زين :گوليهه بربج بعد بس خلي بينهم *لا*
شكد مشتاق الهلكلمه منج اسمع اسمي بصوتج
نسرين :*بجيت *
زين ؛هه ضحكت باستهزاء مو گتلج تحبيني بس تكابرين ومتحبي ابصملج بالعشره متحبي بس انجبرتي تتزوجي هه مو، ؟! عوفي نوسه وارجعيلي عفيه لتدمرين روحج فدوه كافي بعد لج والله حنيت الج مشتاقلج .
نسرين :زين مينفع بعد اني ع ذمة ***هو خل ايده ع شفتي وگال مراح تصيرين اله اخذني الحظنه للحظات دفعته گتله شدتسوي زين عوفني
ورحت اركض ماانكر انطاني جرعه حنان ولو لحظه راحو بعدهه ومشفته بس جانت توصلني رسائل ع فوني من رقم غريب عرفت اله لان رسائل حب واشتياق
بعدها مرت ايام واشهر ريم كالت ساره تعبانه حييل وراها اجتني رساله كالت سامحيني دمرت حياتج اذيتج ابريني ذمه سامحيني ساره
ضحكت هي شدتحس
ساره :تزوجت زين بس مجنت حامل منه لاكذب بعدهه بعد الزواج صار يتقرب الي مره او مرتين لااكثر وحملت تعبني الحمل خاصة انو اني قلبي ضعيف تندمت ع السويته زين كلما اشوفه متعذب وميشتهي يباوع الي انقهر دمرت روحي ودمرته سمعت بطليقي تزوج متت قهررر هو السبب بلي سواه زين جان يغلط باسمي ويصيحلي نسرين ومينام يمي والمرض مافارگه ابد كلما اتقدم بالحمل اتعب اكثر اخر شي الدكتوره كالت لازم تنامين مستشفى حسيت نهايتي قربت واني بالمستشفى عذاب الضمير موتني صحت الزين واعترفت