اغفري خطئي حبيبتي

البارت 8-9-10

اغفري–ذنبي–حبيبتي
بقلم نورا غدرني الزمن
بيج قصص ليل وعشگ
الجزء الثامن
زين :راحت نسرين واني من داخلي ممرتاح ابد واكول يمكن ظلمتهه البيت كسرته تكسير والغرفه هم ريم ماطلعت بعد من الغرفه وساره كل شويه يمي وباقي محتار ومن عصبيتي كسرت موبايلي ......
ساره ؛ولايهمك زيون صدكني هذا اصلها ومتستاهلك
زين :سسسساره عوفيني رحمه لاهلج .....
ساره ؛ماشي ....راح اروح واعوفك ترتاح ....(وراجعتلك هه)
ريم :راحت نسرين واني ميته قهر مااكدر اروح اعترف كدام زين وهو معصب وماما وبابا ماكو مسافرين خابروني وكالو شبيهم التليفونات مالت حسين وزين مغلق طمنتهم وكتلهم ماكو شي بس ضايعين منهم وكذا وبقيت افكر بنسرين خطيه شون تثبت برائتها .......
نسرين :وصلنا للبصره واني لسه مامفتهمه شي شبي زين وشسوت اله ساره بقيت محتاره الطريق كله افكر وصلنا للبيت الحمدلله ابويه مموجود والا اذا شاف وجهي شراح يسوي وهو ميتفاهم ابد كبل يتهمني ويضربني ويصف ويا زين ....شهد:خيرج ولج شبيج
نسرين :حضنتها وخايفه ابوي وين ....شهد ؛خالو وصلنه وراح للناصريه ابو مرته توفئ وراحو كلهم بقينه بس اني وامي خير ولج نسرين شصاير كولي حجيت الها الي صار ..شهد :ياا ولج تليفوني متبدل بتليفونج هذا هو .....نسرين :انصدمت وعرفت هو شايف تليفون شهد ....شهد :بس تعالي تره تليفوني علي رمز شون كدر يفتحه زين ....نسرين :مااعرف شون ولج الموضوع وراه ساره اووف منها ولج شهد ميته خوف والله ميته خاف تاخذه مني .........
رحت لعلي وگتله علي شوف اني بريئه
علي :يااختي مااكو شي يثبت انت خاينه ثبوت الزنا لازم اله شروط وهي اربع شهود عدول يشوفون الزناة
ويشوفون الحاله مثل ماوصفوها كدخول الميل في المكحله .....يااختي انت بريئه وخلي اتكالج كله على رب العالمين وحده هو اعلم بمافي القلوب واعلم في السر والعلن ......نسرين :باوعتله وگتله بعد اكو منك اثنين انت لامستحيل  
  گتله مااتحمل بعد وديني البغداد اريد اثبت اله برائتي مو مهم يرجعني بس اريد يعرف اني بريئه كال ارتاحي كم يوم واروح گتله ماشي رحت اباوع بالمرايه اشوف وجهي مزورك وشصاير بيه لهسه مصار كم شهر من زواجي جنت متأمله اعيش حياة طبيعيه بس مامقسوم شسوي ماكدرت انام زين تليفونه مغلق وحسين هم وريم اتصل ماترد الله يساعدهه شون خاف تروح تعترف لزين ويضربها بس افكر تذكرت علي من يباوع لريم نضراته مشايفتهه من اخويه ابد حسيت للحظه يحبها هو رحت اله للغرفه شفته ديقرا قران بالليل هو دائما هيجي بالليل مينام كل الليل يكعد يصلي ويقراا قران رحت اله كعدت ع جربايته واستمع لصوته شون حلو وهو يقرا بصوت مسموع دمعت عيني وحسيت براحه
خلص باس القران وطوه السجاده مالته وگال علي :خيتي نسرين لاتهتمين مدام انت بريئه اني وياج وواثق منج اكثري من الاستغفار والله يفرجها
نسرين :لااياخويه مايهمني نفسي بس مهتمه لامر بنيه
علي :كولي خيتي شبيهه اذا اكدر اساعدهه ...
نسرين :هي غلطة بس غصب عنها حبت ابن خالتها وجانت تروح تبات يمهم وبليله اجه شارب وافقدهه عذريتها وحاليا حالتهه سيئه كلش خايفه وبعدهه لسه 16سنه ومتندمه هواي ....علي :استغفر الله شوفي اختي الله خلق الملائكه بعقل بدون غريزه وخلق الانسان بعقل وغريزه وخلق الحيوان بدون عقل  فقط غريزه ومن هذا كله نكدر نكول الانسان هو يتحكم بتصرفاته يعني يكدر يتحكم بنفسه اما ان يكون مثل الملائكه وهذا مستحيل او ينزل شئنه مثل الحيوانات وهذا وارد مثل تصرف هذا الرجل الي غلبت عليه شهوته وشرب وارتكب الفاحشه ونكدر نتحكم بشهوتنه لان الله انطانه العقل نسرين كولي منو هي هاي البنت اذا اكدر اساعدهه واشوف احد يسترها لوجه الله اولاد الحلال هواي ....نسرين :علي اني واثقه منك وراح اگولك منو البنت هي ريم بنت عمي
علي ؛استغفر الله (💔)ماشي اختي توكلي روحي نامي وان شاءالله تفرج ....
علي :انقهرت حييل ريم صح بنت ماملتزمه بس قلبي لاول مره دگ الها وحبيتها وجنت احلم اتزوجها واعلمها ع الدين والصلاة بقيت افكر للصبح منايم بس افكر بيها واحتراما لهذا الحب واحتراما لهي المشاعر راح اتزوجها واستر عليها ............كعدت الصبح راسا حاجيت نسرين ...نسرين تكدرين تحاجين ريم اذا اخطبها وقصدي الستر تقبل تتزوجني ....
نسرين :شنو صدك علي معقوله انت تحجي صدك
علي :تعالي كعدي نسرين شوفي كلنا نخطأ ماكو احد مايخطأ  ....نسرين :باوعت اله مستغربه مااصدك انت تخطأ او عندك ذنب ...علي :لاايااختي استغفر الله بس الانبياء والمعصومين ميخطئون اما احنه بشر عاديين وشوفي كلما كان سترك للناس أكثر
كان ستر ﷲ عليك أكبر
قال النبيﷺ:«من ستر مؤمنا في الدنيا على خربة [أي:معصية]، ستره ﷲ يوم القيامة»....حاجيهه نسرين والج اجر انت هم وان شاءالله تقبل .....
نسرين :بقيت صافنه على اخويه علي شون يفكر بداخلي من اجه گلي اريد اتزوجها ضجت شنو ذنبه هو يسترها مو ذنبه بس هو كدر
8
يقنعني ....يوم ثاني كال ابوي راح يجي وخاف يشوفج بهالحاله لو توصله حجايه وتصير مشكله  خلي. نروح لبغداد وانطلقنا لبغداد ......
زين :بقيت بهالايام حالتي تعبانه وبديت ادخن وحتى شرب اشرب حسين اخويه ماكو وريم كله بغرفتها طلعت جان اشوف ساره دتنضف البيت وتشتغل سوت اكل الي اكلت وصعدت فوك لغرفتي اجت يمي واني جنت تعبان حيل اجت يمي واني شارب شويه بديت اتخيلها نسرين بدشداشتها الورديه  غرتني وماسيطرت على نفسي ونمت وياهه .......
نسرين :وصلنا لبيت عمي مشتاقه لزين ومتلهفه اله گلت هسه برد وسامحني وجايبه الفون الي بي رسائلنا اني ويا من جان يروح للشغل نتراسل دخلت للبيت علي بقه بالصاله صعدت الفوك الهدوء الي بالبيت مخيف فتحت الباب مالت الغرفه تفاجئت وانصدمت شفت زين ديلبس ملابسه وساره على فراشي راسا غطت جسمها بالغطا انصدمت صدمة عمر ماشفت بي فرحه مكتمله لاحضيت بإم ولا بدراسه ولا بحنان اب ولاراحه بزواج واخير شي اتهام باطل واني بريئه تسرع وحكم عليه بدون مايسمعني بدون مايفتش الفون ويتاكد ....زين :انصدمت من شفت نسرين جايه ماتوقعتها تجي ابد ابد گتلها :اشو رجعتي ....
نسرين :خليت تليفوني ع الميز وگتله جبت دليل برائتي هذا الفون الي والي كسرته لشهد وللعلم جان بي رمز وباوعت على ساره واكو من فتحه ونفذ هالخطه بس هسه ميهم بعد سواء ينكشف او لا ميهمني ياريت تطلكني طلعت من الغرفه ورحت لغرفة ريم اول مادخلت اشهك وابجي بجي مو طبيعي حضنتني ريم وبدت تبجي ويايه بس اني مااكدرت ابقئ بالبيت ابد بعد الي شفته هدأت شويه وعدلت شالي واريد اطلع لعلي اخويه اخذه واروح گتلهه ريم علي اخويه عرف كلشي عن الي صارلج ويريد يتزوجج لاتخافين علي ثقه وقصده الستر وهي ظلت يمج بعدج واني رايحه علي جوه ينتظرني بوستها ودموعنا تنزل وطلعت من غرفتها اريد انزل الدرج صاح عليه زين وكفت بمكاني ....
نسرين :(يحجي بثگل كانو جان شارب )شفت الفون بس اريد تثبتيلي الليله الي جيتيلي ترجفين ومخليتيني اتقرب الج وين جنتي بيها .....نسرين :باوعتله شكد كرهته شكد حقير )
بالحاله الي جنت بيها ماجنت اشتهي شي احجي اله قلبي مكسور وداخلي محطم ندمانه على كل مشاعر الحب الي سلمتها اله درت عليه وجاوبته :ميحتاج او ضح الك وميفيد بعد هسه وجان بينه وعد وانت اخلفته لذلك مايفيد التبرير ولااكو حاجه اله سواء صدگت بيه او لا انت حر واني ميهمني نزلت من الدرج وهو ورايه ولزمني وگال :وين رايحه بعد انت علئ ذمتي مو بكيفج تطلعين گتله اتركني ياوصخ ياقذر يانگس لاتلزمني روح نضف نفسك بالاول على عياطي اجه علي وبعده عني صحت بعلي امشي علي اروح وياك وديني رجعني ....
زين :مو بكيفج تطلعين ...علي :هدي نسرين شبيج هم ميصير تطلعين بدون اذن رجلج يااختي ....
نسرين :علي شفته وي وحده وعلى فراشي علي شفتهم بعيني علي اخذني دفعت زين بقوه وكع بالكاع وهو هم دايخ وركضت بره للشارع ورايه اجه علي نسرين :علي اذا انت ماترجعني اني اطلع واهيم وبعد تحلمون تلگولي اثر ......علي :ماشي امشي على كيفج امشي نروح نزور الامامين بلكي تهدين ....
نسرين :ابجي واشهك بالشارع والناس تباوع عليه خليت ايدي على حلگي اكتم شهكتي المليانه الم ووجع وللحكايه بقيه ......
نورا #
اغفري–ذنبي–حبيبتي
بقلم نورا غدرني الزمن
بيج قصص ليل وعشگ
الجزء التاسع .........
زين :دفعتني نسرين بكل قوتها وگعت بالگاع اريد اگوم ماكدرت اريد اتبعهم مااكدر بقيت واكع والدنيا تدور بيه ......
ريم :اسمع عياطهم وصياحهم خجلت اطلع مااكدرت اشوف علي وهو عرف سالفتي ......بقيت بالغرفه ابجي ......
ساره :بدلت ملابسي نشوة النصر حسيت بيها نزلت شفت زين ع الارض رحت اله ...:حبيبي شبيك هو دايخ ويبجي ويصيح نسرين ونسرين بگلبي اگوله نسرين بح بح ......حاولت اكومه كومته وسندته وديته للحمام فتحت عليه الماي منا وهيجي لازم اهتم بي لحتئ ابدي بالخطه الثانيه .....
نسرين :رحنا للامامين واني دموعي مابطلت رحت ازور وادعي ياربي بجاه كلمن عظيم الجاه عندك نسيني المي امحي حبه من قلبي دااتعذب ياربي حبيته صعبه اشوفه وي وحده وعلى فراشي صعبه مايثق بيه صعبه اكون بريئه ومظلومه هالشي صعب الاحساس بي ماينحمل بعدها طلعت وشفت علي وگلي ....خابرني حسين من تليفون صديقه  وكتله انه ابغداد يريد يروح ويانه للبصره الولد حالته حاله وتعبان من اتهام اخو وحتى دوام مدايداوم اللتقينا بمكان واخذنا ويانه وعدل للبصره رجعنا رغم التعب بس ماكدرت ابقئ بعد ظل يسولف حسين :يااخي تفاجئت معقوله يتهمني صح هو يغار بس متوصل لدرجة الاتهام صار كم يوم اني ممداوم وحالتي حاله وابويه مااكدر ابلغه مسوي عمليه وتعبان بس هي كلها وراها ساره اني من البدايه شكد حذرته هسه راح تضيعه والله اووف ....
وصلنا للبصره ...شهد تفاجئت من اجو وحسين وياهم وعرفت كل الي صار شهد :حسين شبي اخوك تخبل معقوله هو الهالدرجه شكاك ...حسين :شهد احبج اريد اخطبج عفيه مدااتحمل ....شهد :حسين واني هم بس غير يهدا الوضع ...حسين :تعبان ومحتاجلج اني وهسه اهلي مو هنا والوضع زفت متعرفين ....
شهد :بس عمامي ميقبلون خطوبه شون ماجان انت تعرف وامي متريد مشاكل وياهم اصبر علما تهدأ الاوضاع واني الك واني احبك ....حسين :اووف
نسرين :رجعت محتاره شأكول لابويه وخايفه كلش منه من رجع شويه الاثار بوجهي ماكو زينه وگتله جايه زياره الكم ماافتحت ويا الموضوع ...
ساره ؛مرت كم يوم اروح يم زين واتمسكن :زين حبيبي انت لازم تتزوجني لااطلع حامل فدووه
زين :شبيج تخبلتي من صدك تحجين
ساره :لعد اني شنو ذنبي ها شنو ذنبي تنام وياي وقت حاجتك وتشمرني صح مطلقه بس ميصير تستغلني هيج ميصير ....زين :قهرني كلامها هم صح ماالهه ذنب گتلهه اوك بس خل يهدأ الوضع ...
ساره :لعد ونسرين؟...زين :نسرين شكو وبعدين اني مااطلكها عجبج تزوجين على ضره عجبج معجبج الباب يفوت جمل ....ساره :اوكي بس لتعصب تره اني صرت من مسؤليتك هسه لاتنسه هالشي ....
زين :اوووف ساره افتهمت افتهمت شكد تلحين ....
ريم مرت ايام اشوف ساره يم زين گلت احاجيها على اخوها بلكي  يخطبني مااكدر اظلم علي ويايه مااله ذنب مااستاهله اني يستاهل وحده انضف مني ....
ريم :ساره مو هي هيه حصلتي على زين وطردتي نسرين وحتى حسين اخويه هم هججتي يلا خلي خالد يخطبني ...ساره :هههيهيهي ولج خلود عبر صارله يومين ....ريم :وين عبر؟.... ساره :عبر لجوء يدور طلع من بغداد ....ريم : ليش هيج ساره شتستفادين من كل هذا هاا دمرتي عائله كامله ....
ساره :ليش واني ماتدمرت كلما اتصل بمحمد ويصدني ويگولي زوج خالتج خسرني وطردني مااريدج امووت واحقد اكثر ...ريم :زوجج حقير لو يحبج مايحملج ذنب زووووج خالتج وبعدين زين شنو ذنبه ونسرين اليتيمه شنو ذنبها دمرتيها .....زين :الوسيله والعوبه نسرين واكفه حجر عثره بطريقي وزحته وانت وحسين ماتهموني هسه وحصلت الاريده واذا تحاولين تعترفين بعملتج لاخوج ترحين بالرجلين اني ميهمني وخالد طلع هسه انت الي راح ترحين بالرجلين اووكي ......
نسرين :طبعا جانت حالتي صعبه نفسيتي مسدوده من الاكل واحس بنفسي مريضه ودايخه والام ابطني وظهري اوبويه ظل يسألني طولتي هنا وليش زوجج ميجي عليج جاوبته بعد مااطگت روحي يابه اريد اطلك اني ...ابو نسرين :شنو ولج تخبلتي ماعندي بنات تطلك مفهوم ومن باجر ترجعين الرجلج انه اوديج ....سكتت وانهاريت رحت للحمام شفت نفسي انزف صحت علئ شهد وعمتي وودوني المستشفى وعرفت بعدهه سقطت الطفل متت قهر بلحظتها ابجي ع طفلي لو ابو الي ظلمني تعبت حييل حالتي سائت لااكل ولااشرب وكله ابر ومغذيات والمستشفئ مااتحملتها رجعت للبيت ابويه ماحجه بعد ويايه ولاكال اوديج ولاحتئ سال ليش اريد اتطلك
ريم ؛خابرني حسين من تليفون شهد
حسين :الو ريم شونج بالج يمج ياعمري اختي خو مااذاج زين ...ريم :حسون وينك انت بالي يمك والله تعبت واني وحدي تعبانه حسون ...حسين :اني ابيت عمي ابو علي بالبصره شونج انتي ؟؟....
ريم :زينه محتاجه الكم والله نسرين شونها بالي يمهاا
حسين :نسرين تعبانه والله ...ريم :لا حسين صدك تحجي ؟.اريدهه اريد احاجيهه فدوه ...
حسين :هسه شهد توديلها الفون شهد هاج ...