5
مرت سنة واخوية ماكو اي خبر منه وامي ابد منست ولا يوم ولا تمل تبقى تنتضر وتحاجي اصورته كل يوم ..
هسه انت جوعان بردان ادري بيك اتحب الدوومة بس ترجع الامك يبعد امك اسويلك كلشي تحبه
هاي يوميه هالشكل تحجي ويا اخويه وبدون ملل
واحمد ولا تغير عليه بيوم اكثر من قبل حبة الي
بس سعاد شوفتني نجوم الضهر اطفالي كبل عدها متخليني اخذهم تحب تحرمني من كلشي احبه رادت تبعد عني احمد مكدرت رجعت الاطفالي
..ابني جان مثل الورده يخبل وكلش متعلقين بي
الى ان اجة اليوم الي تمرض بي ابني محمد
الي اغلى من روحي وديته على عدت اطباء
جانو شاكين عنده سرطان الدم الله يكفيكم شر هالمرض ..اتخبلت منا ابويه واخويه النوب ابني يتمرض هالمرض مرت عليه ليالي مامرت على احد يوميه انومة بمستشفى شكل عبالي الصوج بالدكتور لو بالمستشفى جنت كلشي ماريد بس ابني يتحسن ..
ابني سأت حالته احضنة من اشوفها يتألم احضنه حيييييل واشمه واكول محد ياخذه مني
يعني اصعب شعور الله ليراوي الاحد من تشوفين طفلج كدام عينج ايامة معدودة اكعد ابجي اني واحمد ست شهور واني بالمستشفيات ويوميه نجيبله دم من متبرع الى ان احمد راح يدورله على دم وعافني وحدي بالمستشفى ..
احمد)) حبيبي رايح اجيبلة دم واذا مالكيت انطي كل دمي بس يعيش ..
اسيل)) الله وياك عمري ربي يحفظكم الي اثنينكم
راح احمد يدور على دم وماكو من مكان المكان اتاخر ومحمد وضعه يسوووء اكثر واكثر انتبهت عليه شكله شاحب حسيت راح افقدة ..
كمت الحيلي حضنتها حييييل وابوس بي
حمودي اكعد وليدي اني ماما..
نضرلي اخر نضره بعيونه وفارق الحيااة نعم اتوفى محمد اعيط والطم بالمستشفى والمضمدات لازمين ايدي اخذو ابني مني وغطووه واني اكلهم لا ميموووت اعرف ميمووت
انطونياااه محد يقبل اتقرب عليه صرت اتوسل بيهم يبقى بحضني حتى لو لحضة محد وافق شافوني منهارة اتصل حبية احمد
الو حبيبي لكيت. دم واني بالطريق
اني كلشي ماكدر احجي دموعي تنزززل
احمد)؟ اسوو حبيبي اشلونه محمد شو متحجين
اسيل)) شحجي ابني راااح ماااات
احمد)) الجهاز وكع بحضني ..
واني بالتكسي حسيت الدنيه ضلمت بعيني
ابو التكسي)) خويه صاير شي بيك شي
يحاجيني مااجاوب مصدوووم
وصلت المستشفى طبيت على غرفتة ملكيته
لكيت اسيل بالكاع كاعده وحاحضنة غراض وملابس محمد ..عفتها وطلعت اركض ابني وينة وين وديتوو اشرتلي الممرضه على السديه
رحت شفتة عبالك موميت نااايم
ايده اتزرفت حضنتة وبجيت
اجتي الممرضه لازم ميبقى هنا
احمد)) ليش
الممرضه )) اقصد لازم تخلي بالثلاجة
عافتني ومشت ..بقيت اباوووع عليه شلون اخليك وليدي ببالثلاجة موباردة عليك ..
زين شلون راح ادفنك
وبعد من ارجع للبيت ماشووفك ..
احجي وياااه وابجي واسيل على كعدتها بالزاويه مالت الغرفه كلشي ميبين منها غير الدمووع توفى ابنا الي بعمر الورد بين ادينه ومابيدنا نسوي شي هذا قضاء ربي الحمدلله على كل حال رجعنا البيت وملابسه سعاد ضمتهن كلشي يخصة اخذو مني عبالهم اكدر انسى ..
مرت ايام واشهرر ماكدرنا ننسى بس كدرنا نصبر ونكول الحمدلله
ومشاكل اسيل وسعاد متخلص اعرف اختي تعيل عليها بس المشكلة اختي الي ربتني وبمثابة امي ماكدر احجي وياهه اسيل بعد الحزن الي مرت بي حزن اهلها وطفلنه
صارت نفسيتها تعبانة اي كلمة احد يحجي وياهه تعيط بي بعد متتحمل حقهى الي مر عليها موقليل ..
نويت اخلي اسيل تجيبلي ولد بمكان محمد
وجانت رافضه فكرة الطفل بس اترجيتها وقبلت
والحمدلله بعد شهرين طلعت حامل
وجابتلي ولد الاخ يشبه محمد ..
ربي عوضني بي وصار اغلى من عمري
اتعلقت بي. صرت اخاف عليه من الهوى خسرت محمد مااريد اخسرر محمود
الحمدلله والشكر..
والمشاكل تزوود وماكو اي
