9
اسيل)) رجعت للبيت حسيت روحي بقت يمه
فرحت حيل لان شفته صار هواي موشايفته
گلبي نار بس انقهرت اتذكرت اني محرمة عليه وزواجي بعد يومين واحمد ولا مهتم اابد..
احمد)) شكد جنت مشتاااگ اله ليش هيج
وصلتنه لهاي المرحلة خلتني اتمنى اشوفها
النوب تريد تتزوج شلون تكدر تعيش ويه غيري
دخلت للبيت وسمعت صوت بنت عمي يمنه
وتحجي ب اسيل..((قصتي))
ام حسين بنت عمي)) سعاااد شلون طالعه
بالمهرر اسيل ملكة تخبل شلون محلووة
وخطيبها ممصدك لج صافن بوجهه
عزمتني باجر الحنة وبعدها العرس راح
تسافر خطيه بعد منشوفها
((سعاد)) الله يبشرج بالخير بلكي نررتاح منها ومن مشاكلها
ام حسين)) لا سعاد والله خطيه راح تعوف اطفالها حرام
سعاد)) يعيشون احسن عيشه بدووون مشاكلها..
احمد)) ماتحملت كلامهم واني اسمعهم دخلت وعطت كااااااافي لحد يجيب اسمها كدامي
سدو الحجي راحت بعد ماريد اسمع شي
ام حسين)) خفت من عاط بينه بس اعرف گلبه
يحبها كله بسبب هالضالمة الي فركتكم اووف
احمد)) حسيت نفسي مخنوووگ طبيت للغرفه اتخايلها بكل مكان شلون جانت يمي وبحضني
راحت مني خسرتها اتمنى اروح وامنع زواجها بس بعد اختارت غيري اكيد كرهتني وصرت ادردم ويه نفسي واكوول ..
لا ذكراج عايفني
أعيش الباقي من روحي
ولا انتي الي وأرتاح
وأكوم أضحك عله جروحي
تهت مابين هاي وهاي
بغربه ومايدلوني
يمر طاريج ويعدي
وأكوم أنشد عله عيني
الف مبروك
بنت افلان
زفوج اليكرهوني
يبنت أحضاني
لا ترحين
نسيتي أصبع عله متوني
يبنت الناس مظلومه
الخذاج يخونج اول يوم
متصدگين دشتميه
ريحة بيتي بهدومه
الف مبروك
مازعلان
آنه شعندي بس انتي
عرسج من يخلص عود
معزومه أعله فاتحتي....
اسيل)) هاليووم حنتي الكل فرحان هاي الي تسوي بشعرها ووهاي الي تقيس بالملابس والديجي من الصبح مشتغل والبنات يسوون بالتحضيرات ويركصن والكل مهتم واني ولا عبالك اليوم حنتي ..دخلت اسبح واجة ابالي احمد الي ميفاركني لحد هاليووم
وكلت
انت اول عشك علمني معنة الشوك ودعتك
غصب وبعين مقهوره وانته اول هجرجنت
ادري راح يصر وتفارك هواك الروح مجبوره على مرت شهور وهم تمر شهور لاصوتك سمعته ولاشفت صوره لوشوكك شعر يامن سكنت الروح جا دفتر اشعاري انترست سطوره ولو كلبك صخر صدك جبل حمرين من باوعلي ماع وذابت صخوره تعبت وياك اني وحيل مليت وكلت الكلبي كافي ماريده بديت بصفحه بيضه وكلت انساك طويت الصفحه شفتك باول صفحة وسطورة
اوووف احمد ليش هيج اسبح ودمووعي اتصب
كملت سبح ولبست وطلعت والكل انتبه على عيوني مورمة من البجي..راح اخطي خطووة جبيرة بحياتي هنا راح ابدي حياة جديدة مابيها احمد ولا بيها اطفالي ..صارت حنتي والكل فرحان واني مويمهم وااجة الليل ردت عيوني تغمض ماعرفت شنو النووم اريد بس انام ونمت واول طيف يمر عليه احمد شفتة بالحلم اني وياه شلون اوول يوم زفوني الى انعاد اليوم هذا بالحلم وكعدت ساعه ٦ فرحانة عبالي صدك وجان اصحة زين واتذكرت الي صار بية يعني هذا كله جان حلم بقيت ابجي وانتضرتهم يكعدون وكل دقيقة اكول لا راح ابطل بس الي واكف بعيني امي تعبت ويانه ماريد اقهرهم وعوف العرس اخذوني للصالون جان الصالون بنفس منطقة احمد
(((بيج قصتي ))تمشي السيارة بيه وعيوني عالبيان والشوراع
كل دقيقه اكول راح اشوفه وصار زواجي من قاسم اشبه بكابووس خلص اليوم الي بي زواجي بس طبعا رجعت البيت اهلي لان ثاني يوم سافرنا للخارج اني وقاسم جان عندة بيت كلش حلو مرتب مناقصة شي بس لو يكوون قصر ماريده بس اريد شوفة احمد عرفني على اهلة جانت لهجتهم تختلف موعراقي بس حلو حجيهم ..اول موصلت رحنة بيت اهله وبعد ساعه وداني لبيتنا الجديد وهنا بدت معاناتي ثلاث ليالي كل ما يتقرب مني قاسم اصرخ وابجي
قاسم )) شييج انتي موطفلة حتى تخافين مني
ليش تبحين ممكن افهم شبيج
اسيل() الله يخليك اتركني اعصابي تعبانه مقهورة على اطفالي ..طبعا قاسم تقريبا حس اني جنت مو حابتة بس اتجاهل هالشي
للعلم قاسم من غير دوولة يعني مو عراقي
المهم اتحملني
