ناضت صباح توضات صلات دعات ربي يعاونها لبست سيرفات خرجت هيا و خوها
راحوا مين مداري هو يدرب قاعدين يدربوا حتى جا كي شافها نخلع موش مداري يصيب كاش واحد فبلاصتوا قاعدة تدرب هي و جواد أومبعد بداو يهدروا و لي فهموا يانيس أنوا إيناس طفلة جات من فرنسا على ذيك مكانش يشوفها و راهي تحوس على خدمة
إنبهر منها كفاه تقاتل مكانش مأمن بلي طفلة كيما هي تعرف تقاتل بصح كان حاس روحو شايفها من قبل
راح جواد و هي رفدت دوزانها جات رايحة حتى عيطلها يانيس
يانيس : مدموزال نقدر نهدر معاك
هي : وي
هو مكنتش تصنت عليك بصح سمعت بلي راكي تحوسي على خدمة هي : ويي
هو هاكي لاكارت تاعي مذا بيك جي ليا ليوما نهدروا
هي : أوكي مرسي
هو : و جيبي سيفي تاعك ياك قارية
هي : وي
هو : أيا أوكي باي
راح و هي شدت تيلي تاعها عيطت اخوها
هي : الوا جواد نجحت الخطة
راحت للدار دوشت لبست حوايجها و طالونا دارت خيمارها قالت للماماها تدعيلها
حكمت طاكسي راحت مين لادراس فلاكارت لي عطاهالها
دخلت كامل ولاو يشوفوا ليها تمشي مشية عزيمة
وصلت لوحد البيروا سقسات على بيروه وراتهولها
