قاعدة تخمم حتى تشوف في واحد جا يجري وقف فوق حجرة و بدا يعيط جا راح يقيس روحوا خي راحت تجري بدموعها دمراتو مالقدام باه يرجع للور طاحت فوقوا غاست في عينيه النوار و شعروا الشباب و وجهوا لسمرو فموا الكبير و نيفوا و الخانة لي جاية فخدوا الجرح لي يبان عليه قديم زايد فيه النص فجبهتوا
هو ناض و ناضت هي
يانيس : شا درتي نتيا آي كسرتيلي ضهري تقول كاميو فات عليا
مسحت إيناس دموعها و قاتلوا : راك حاب تموت كافر أستغفر ربك حرام عليك و زيد قيلك متبهليل
يانيس : ونتي وش دخلك
إيناس : اللهم اشهد أنا بلغتك و نتا دبر راسك عاود روح و نتحر و انا نضمنلك منعودش ندخل روحي
يانيس : قولي والله تمنعيني أومبعد تقوليلي روح عاود رجع رانا نلعبوا اون بليس أنا ندير الحاجة مرة فهمتي نفض روحوا و راح و هي تقلقت منوا كفاه درلها
__________________
شاف ليها نخلع كفاه طاحت عليه كانت كيما الملايكة نزلت من السما وجهها ابيض و عينيها نوازات لي غارقين فدموعها و فمها الصغير الغوز و نيفها لي كان حمر من البكا و سمينة محس غير كي دمعتها طاحت على خدوا فتق لروحوا
هو كسمع هدرتها عاود رجع لعقلوا بصح محبش يبان ضعيف قدامها غير كي شافتوا رآه رايح ينتحر بزاف راح فطريقوا و هو غير يخمم فيها فهذيك الملايكة و يخمم شكون لي بكاها بصح قال أنوا جامي واحد كيما هو شيطان تقدر تكون ليه وحدة كيما هي ميستهلهاش هي
_____________
دخلت للدار و هي زعفانة قعدت فالصالون شوية و تشوف في خوها داخل للدار بسك عندو مفاتح
جواد : عرفت بلي نصيبك هنا
شافتو طلعت لشومبرتها و بلعتها بالمفتاح و ولات تبكي جا مور الباب و قعد
جواد : إيناس اسمحيلي
إيناس : متهدرش معايا
جواد: وعلاه اسمعيلي و الله ني حاب واحد يسمعلي عييت والله مراني مليح
إيناس حست خوها مراهش مليح. فتحت الباب صابتوا قاعد و متكي على الحيط مسحت دموعها و قعدت قداموا
إيناس : وشبيك
جواد : ريهان
إيناس : وشبيها فان
جواد : كان عندك الحق في كلش قلتيهولي
إيناس : كفاه عرفت
جواد : ليوما بعثتلي تصاورها مع واحد و قاتلي سمحلي ني رايحة لفرنسا مي أنا منحبكش
إيناس : فتلك تجري غير مور دراهم
جواد : إيناس اسمحيلي ندمت نشالله تتكسر يدي لي ضرباتك
إيناس : لالا متقولش هكا
عنقتوا و دارت راسها فوق رقبتوا
إيناس : ياك علابالك منحبش الأجواء الحزينة نوض نطيبوا كيما مضاري عندنا بزاف مدرناش حجا مع بعض و زيد راني جيعانة
جواد : نتي كاش خطرة كنتي شبعانة مراكيش سمينة فباطل
إيناس : نتا صامط
جواد : إيه
ناضوا طيبوا مع بعض كلاو و غسلوا ماعن قعدوا يتفرجوا
