هي : روح منجيش معاك
هو : دبري راصك 😡😡
هي : إيه ني مدبرة راصي هو دار راح و خلاها ركب فالطونوبيل هو رفد عينيه و هو يشوف فيها طايحة فالأرض نزل يجري فيها ينوض فيها فطنت بصح عاودت غلقت عينيها رفدها داها فالطونوبيل للدار فالطريق شرالها قرعة ماء طرشها فطنت طاها تشرب أومبعد رقدت وصلوا للدار فتحلوا الحارس الباب دخلها طلعها لبيت حطها فوق البونك غطاها و قعد مقابلها يشوف ليها يشوف لوجها الملائكي ناض راح لبيروه قاعد يفكر كفاه كانت تبكي و كفاه قللوا وجعوا كي شافها هكك هبط راسوا و بدا يخدم بصح كان تخمامو ڨاع فيها هو هكك حتا يسمع الدقديق فالباب
هو : ادخل
دخلت هي و كانت صفرا
هي : موسيو يانيس ني رايحة للدار مرسي
هو : مزلتي عيانة أقعدي باتي هنا
هي : لالا صحا يتقلقوا عليا
هو : منيش ندي فرايك عيطيلهم قليلهم راكي عند صحبتك متروحيش متروحيش
هي كانت عليها فرصة باه تشوف لي دوسي لي تستحقهم
راحت لا شومبر لي كانت فيها تجينات من حوايجنا راحت ليه
هي : مظلي كلش حوايج نلبسهم
هو ؛ فالشمبرة لي راكي فيها كاين حوايجي لبسيهم معنديش حوايج تع نسا
راحت لديك الشومبرا شافت حوايج صابت كوستيم لبستها و راحت ليه دخلت عليه
هي : منحبش نعاود هدرتي و تعيب عليه هو شافها هكك ولا يضحك عليها
هو : ههههههههعهه
هي : شعال شابة ضحكتك
هو : واش قلتي
هي : والوا أيا باي😓😓😓
راحت تجري لشومبرتها
تهدر وحدها يا المهبولة كفاه تقوليلوا هكك بصح صح كان شباب 😌😌😌😳😳😳😳
راحت بدلت حوايجها لبست سروال سيرفات و تريكو مولودية 💚💚❤❤ عراض و قعدت بخيمارها
هبطت تحت تشوف كاش ما تاكل مصابت والوا بدأت طيب حتى دخل عليها
هو : شراكي ديري
هي : نطيب
هو: زعما تعرفي ولا غير تغفلي
هي : شحسبتلك أنا فنيانة أنا شاطرة و ماشي واحد قالك لكان تجي تعاوني ماشي خير
هو : ها روحي قالوا نعونك
راح و خلاها وحدها تغلي طيبت و حطت ياكلوا حتى صونا تيلي تاعها
هي : الوا وي جواد .......سافا.....راني عند جميلة مخرجتش بكري مالخدمودة و رحت ليها بسك توحشتها .....أيا أوكي باي
بعثت لجميلة مساج لدبلي كاش مكتين هي راهي عندها
هو : شكون جواد
هي : خويا
هو : لي جا ديك النهار معاك
هي : وي
كملوا كلاو غسلت الماعن و راحت قعدت فالصالون تتفرج حتى جا قعد قدامها
هو: وش رايك نتفرجوا فيلم
هي : أوكي بصح رومانسي
هو : نن تع خوف
هي : يتسما اقعد وحدك تتفرج أنا منحبش تع رعب ني طالعة
هو : دبري راسك
طلعت هي قعدت خمس دقائق و هبطت ليه
هي : كرهت وحدي بصح إيذا بظيت نعيط وحدي متقولش علاه
هو ' أيا أوكي
قعدت قداموا تتفرج ولات ميتة بالخوف
حتى تسمع فال تقربيع
هي : يانيس وشنوا هذا
هو : القطة برك
هي صح القطة بصح ماتت بالخوف كي شاف هكك يانيس حب يديرلها مقلب
قلها دوكا نروح نخرج القطة ونجي راح كي وصل للكوزينة حل التاقة و و دار الهريسة فكرشوا و على الموس و طيح ڨع الماعن و طاح و عيط هي كي سمعت هكك ماتت بالخوف
هي : يانيس ني عارفة راك دير فيها بلعني يانيس بركا مالجياحة
راحت تمشي بلعقل للكوزينة صابتوا طايح كي شافت الحالى هكك نخلعت طاحت عليه وتبكي
هي : يانيس نوض نوض علابالي راك دير فيها بلعاني نوض
