تشرين

لا تتركني

الجزء الأول
بقلمي #zainab_alnajar

متناقض انت ياتشرين..  غدار بلحظة تُمطر علينا مفاجأتك وشمس تفائلنا مشرقة .. لتملئ ارض واقعنا ب وحل لزج نغوص فية ولا نعلم كيف نخلص انفسنا منه وهل هناك من يمد يدهه لينتشلنا ام يخاف ان نسحبه معنا !!!

_ يابه جاوبني . بابا حبيبي فدوه حاجيني .. ياناس منو يساعدني .. ساعدوني .. ساعدوني
_ اثير اسمع هذا الصوت .. ولك صوت مرأة
_اي والله امير امشي نشوف شنو السالفة
ولك هاي الصوت من بستان ابو فاطمة .. ،، راحوا يركضون وسلاحهم بأيدهم .. يوم تشريني وبلحظة بدأ المطر
_ الله يخليكم ساعدوني .. ابويه مادري شبي
_ خوية انتي منو شجابج هنا وبعدها الساعة 7 الصبح
_ اني فاطمة وابوية عاند الا يجي يسگي البستان وهو مريض گلتله الا اروح وياك وهاي وصلنه وتخربط الله يخليكم ساعدوني
_ اثير جيب السيارة لما اشيله
المطر يزيد بالكوه يمشون وفاطمة حالها يصعب على الكافر صايتها السوده كلها طين ودموعها نخلطت ويه قطرات المطر والخوف على ابوها يهز جسمها
،، يارب احفظلي ابوية ماعندي غيره سند يارب ،،
امير شاب قوي وگدر ياخذ ابو فاطمة بين ايده صعده بالسيارة وفاطمة نست الخوف منهم غرباء وبالها يم ابوها صافنه على السيارة وتبجي يارب شلون
_ يالله صعدي خوية بسرعة لا تخافين ولد ولايتج
صعدت فاطمة خلت راس ابوها بحضنها حست بصوت نفسه عالي وبعدين سكن
_ خوية ابوية مادري شبي ماكو نفس .. الله يخليكم بسرعة
بعد تقريب 20 دقيقة وصلوا لأقرب مستشفى..  اخذوا للطوارئ بسرعة بعد شوية طلع الدكتور
_ المريض ضغطه مرتفع وجسمه ما تحمل الجلطة الداماغية .. البقاء لله
_ شنوووو لا يابه لا .. لا تعوفني ماعندي سند يابه المن تعوفني .. يابه شلون تروح تعوفني بأيدهم .. همه سبب مرضك همه سبب موتك الله ينتقم منهم
_ البقية بحياتج ربي يصبركم خلينه نرجعج للبيت وابلغ اهلج حتى يجون يكملون اجراءات الدفنه
_ لا ماروح ابقى هنا يم ابوية اريد اشبع منه بلكي يسمعني ويصحو يعرف ماعندي غيره .. يعرف راح اتعذب بدونه
_ ماشي .. اثير روح بلغهم لبيت حجي ابو فاطمة اني ابقى وياها
راح اثير ..وامير يباوع عليها طير مذبوح تحير شتسوي .. شگد قوي هو هزته دموعها وصوت توسلها ومن اجوي ياخذون ابوها بالگوه اخذوا من بين ايديها
شويه واجوي امها واختها وياهم ولد عرفه امير ابن عمها بحكم همه بمنطقة وحدة
صراخ ودموع ورجاء وتوسل .. وكل هذا ما يرجع الروح لو طلبها رب العالمين..  واگف بعيد ويراقب يروح خطوه ويرجع يطمن عليها انتبه ابن عمها لازمها من ايدها حيل ويصيح عليها
_ يا ادبسز شلون تروحين للبستان
_ وتريدني اتركه لوحده يروح انتو ماعدكم ضمير راد واحد بيكم يسگي البستان عوف ايدي يا ما تستحي ولك ابوية مات من وراكم الله ينتقم منكم
_ بسيطة وتعلين صوتج..  منو يحميج مني بعد راح اليسمع كلام النسوان اني اعلمج
،، اخذها يسحب بيها وصاح بأمها وبأختها اجه اخوه گاله رجعهن للبيت اجيب الجنازة واجي ،،
راحت وهي دور بعيونها يمكن دور عن قشه تتعلق بيها ادور عن اب سند يحميها .. اخير شي شافه امير عيونها الخضر تباوعله ودموعها تصب مو قطرات لا تنزل عشرات كأنما تستنجد بي وهو اول مره يحس نفسة مايكدر يساعد بشر مو خوف من شي بس خوف عليها بصفته شنو !!
…
…
..
اجه اثير عليه اخذه وراحوا بس هو مو امير نفسة شي بداخله تغير .. حزن وخوف ومايگدر يبعد صورة فاطمة عن باله
اثير وامير اصدقاء من وهمه اطفال كملوا كلية قانون اثنينهم ومثل كل الخريجين ماكو تعيين راحوا دخلوا دورة ظباط على الشرطة وكل واحد بيهم برتبه ملازم اول هسه .. يعيشون بمدينة حلوة بيها بساتين ونهر دجلة يزينها ومثل كل منطقة كان يهددها الارهاب شكلوا مجموعة يحمون مدينتهم وامير واثير يقضون اجازتهم يحمون هاي المدينة وبساتينها واهلها
… .
…
مرت ايام عزاء الحجي ابو فاطمة .. امير مايعرف ليش صورة فاطمة مطبوعة بعيونه وماتقبل تروح يحس هو مسؤول عليها بس شلون يوصلها وهي وردة بنص بحر اشواك
_ امير شبيك خوية مو على بعضك
_ تريد الصدگ..  صورة فاطمه ماتفارگني اثير
_ شتحجي انت مو تدري شنو اكو وراها لو ما احنه من منطقة وحده ونعرف وبعدين لا تنسى انت خاطب بت خالتك
_ انت وين وصلت اني قصدي مقهور عليها شراح تسوي بنص هالوحوش وهي لا اب ولا اخ وبعدين خطوبه هاي بت خالتي لزكتليلها امي واني ولا بالي
گوم خلي نروح واجبنه راح يصير
..
..
_ اسمعي لج عزاء ابوج وخلص كم يوم ونعقد افتهمتي لان ما تعرفين شنسوي
_ ولك شنو انت تراب ابويه مانشف بعده .. والله تحلم تلمسني ما اريدك وابويه بحياته مانطاني الك تجي هسه تغصبني
_ اي غصباً عليج ترى تندمين راح ذاك الوكت ابوج جان عايش هسه مات
_ الله ينتقم منكم احنه بيا حال
،، تركها ابن عمها سجاد بدموعها هي وامها واختها وفوگ مصيبه والدها مصيبة جديدة ،،
_ يايمه ليش ماجبتيلنه اخ لو عندي اخ هسه من يتجرأ يحاجيني
_ امر الله ماما ورزق من عنده انتي واختج شنو بأيدي
_ جان زوجتي بابا وخليتي يجيبلي اخ ماما هسه منو النا بس كوليلي خوالي من اهل الله ومايگدرولهم وين راح توصلنا الدنيا
_ الله ما ينسى عبده يا ماما .. الله يرحمك يا ابو فاطمة جنت سندي وكل اهلي صدگ منو لنا ،، تحجي بداخلها وماتسمع بناتها ،،
وكل وحدة بيهن دمعتها مانشفت وخايفة من الجاي

رأيكم بالبداية..
تصويت رجاءاً ☺️☺️