تشرين

احلام اليتيمة

#تشرين

الجزء الخامس

#zainab_alnajar

تلاكينه !
وشفت دمعه .. ترس عينه ~

بجينه اثنينه بلاصوت "

وخفت على خدها من دمعه تجويها

يتيمة تبجي بسكوت

ولو طلع صوت شهگتها

تتحاسب عليها ..

استمر سجاد بمعاملته لفاطمة وصار يومية يروح يحرجها بالكلية تضطر تروح وياه وتتجنب احراج اكثر من يسحبها ويأخذها وايضاً ما تريده يلمسها .. اغلب الاحيان سكران وريحته مقززه .. بالسيارة هم وصلوا للبيت قبل لا تنزل لزمها من ايدها يريد يتقرب منها
_ تخبلت انت حقير ،، وضربته حيل بجنطتها فتحت الباب تنزل ماحست الا لزمها وضربها حيل ونزلها يسحب بيها لان وگعت قرب السيارة بهاي اللحظه لمحها امير جان اليوم نازل لأهله اجه يركض قبل لا يوصل رفعت عيونها شافته من بعيد نزلت دموعها بسكوت ودخلها سجاد للبيت ويضرب بيها وصل امير ويسمع صوت سجاد شلون يضربها ويغلط عليها وهي بس تگوله حسبي الله ونعم الوكيل وحتى ماتصرخ بس صوت بكاها يهد جبال
تخبل ويدگ الباب ويدفع بيها راد سجاد بس يطلع حتى يأخذ حقها بس ماكو الصوت صار ابعد لان دخلوا بالبيت .. گعد بالگع اول مره يحس نفسه عاجز هاي ثاني مرة يشوف عيونها الدامعه وكأنما تستنجد وتطلب يخلصها ،، شبيدي عليج ،، حس بصدره ثگيل مخنوگ ودموع تفتر بعيونه ويقاومها مايريد يضعف شافه اثير واجه عليه بسرعة
_ امير الخاطر الله وين گاعد گوم لا تسوي سالفه للبنيه
_ ولك انتظر السافل يطلع والله لا اخذ حقها منه الكلب يستقوي على مرأة لا ويتيمة هم ..
_ گوم ولك راح تزيدها على البنية هسه يتهمها ويلگاها حجه عليها
_  شلون اثير هاي مسكينه .. هي رجعت روحي حلمت بيها تاخذني تگولي وين تروح وتعوفني
_ امير خلينا نفكر هسه وتصرف صح صدگني هيج تأذيها اكثر ،،
قنعه اثير بالگوه واخذ وراحوا بعد ما انطاه وعد يساعده ويأخذون حق فاطمة
_ مايخالف امير اساعدك تعرف بيه اشمر روحي بالنار وياك .. بس گولي شبيك خوية لا تتعلق بيها تعرف شنو حياتها فاطمة النار واليوصل يمها يحترگ
_ ما انگر اني افكر بيها بس مو مثل ماتضن .. فاطمة محتاجتني اثير تدري مرات احس بيها وحتى اتخيل صوتها تستنجد بيه .. هاي مضلومة  وتدري بيه شگد اكره الضلم
...
...
وتمر ايام واسابيع وشهور وهاي غسق نجحت وطلع معدلها 97 مافرحانه هي بگد فرحة عباس ..
_ حبيبتي ماتتصورين فرحتي .. باجر راح اجي واگولها لأمي تجي تخطبج كافي مليت لوحدي هنا
_ عباس والله خايفه على فاطمة من سجاد من راح تتقدملي اكيد راح يگول اني قبلك .. وهو مو مثلك تدري يومية يأذيها كل ليلة احس على بكاها سودة عليه
_ ياريت بأيدي شئ واساعدها المشكلة مو بسجاد والا جان اخلصها من عيونه حتى اذا اخوية اعرف بي خطأ بس المشكلة بأبوية غسق الطمع مالي گلبه
ومايفيد اي حجي وياهم مليت واني احجي