رحت طلقة ع السريع بدلت وخلصت واني محجبة ولبست شال بلون عيوني نسيت اگوللكم اني عيوني مينعرف شنو لونهن 😉 ملونات ساعة يصيرن زرگ طووخ وساعة زرگ فاتح وساعة رصاصي وساعة صفر وخضر وجوزي فاتح حييل مااعرف شنو لونهن ويرجع اصلهن لماما ماما هي اصلا من اصوول تركية واني عليها بكوووولشي
واليوم عيوني رصاصي ولبسي رصاصي واخذت وياي ملابس طلعت مت غرفتي لگيت گدامي اية ودينا
ريم: هاااااي شنووووووووووو 😦
آية ودينا: 😯 شنوووو خرعتينة
ريم: اني طالعة اخبششش فديت طووولي 😛😛😛😛 افللللت 🏃🏃🏃🏃🏃
دينا واية : ربي العقل من يمك الله يساعد المرضى
ريم : اكييييييد الله ياعدهم شلوون كول هذا الجماال ويقاومون
وشردت واية ودينا يضحكون ع خبااالي
رحنة بابا وماما بسايرتهم وزيد واية بسيارتهم وكالعادة اني ودينا نتعارك ع الصدر اللي هو يم رامي
ريم : ااااااااااااااي ااااااه دينا الحگيني رجلللللللللللللي لج دييييينا اجت دينة تركض اللي واني گمت وركضت طللللللللللللللللللقة وعدت بالصدر 😂😂😂😂 حقيرة مو بيدي ودينا ضلت تغلط وتصيح علية واجة رامي گال هاااي شنووو شكوووو ليش هالصيااح اني رديت علية قبل دينا لان ناووية ع خباثة 😂😂😂
ريم: شفت راامي هذا كوول الصياااح لان گوتلها خطية رامي كول يووم يغسل سيارتة وحدة من نرجع نغسلها اني وياااج 😛😛 وهي اكلتني وشربتني بالحجي عقوبة الها تغسل السيارة وحدها
طبعا اني غمزت لرامي ورامي عرف هاي جذبة من عندي وبدة يسايرني ع دينا
رامي : اي هاااهية اليووم دينا تغسل سيارتي وحدهي فديت اختي اللي تفكر بمصلحة اخوهاا 😁😁
دينا: 😦 يايمةةةةةةةةة ولج انتي داهية مو بنية
رحنة لبيت جدووو لگيناه سوگ هرج من ورة الهووسة وجدوو صاير شبااك العبااس كول اللي يجي يبوسة ادري تاخذوون مراااد الله يخليكم 😂😂
رحنة وبعد السلام اجة جدوو وگعدنة وحجينة واجة ابن عمووو علوووش اني امووت علية اني ويااه ماخلينة واحد مانصبنه علية لو سوينة بيه مقلب 😂😉
ريم : علووووووووووشتي حبيبي ورحت حضنته اني وعلووش نفس العمر اني نولدت ورااه بيومين ومن واحنة زغاار ليهسة ممفترقين گعداتنة وروحاتنة كوولها سوووة وهو نفس سالفتي مالت العمر وهم دكتوور وياي
علوش : يمة حبيبتي ريوووومة شلونج ولج حقيرة ليش صارلج من البارحة مشايفج من الدواام البارحة يا بذااااته
اي لا تستغربوون اني وياااه هيج يووم واحد منفترق ومن ارجع للبيت افتح وياه كامرة شفتوا الخبااال" 😂😂"
ملاحظة : "عمامي وولد عمي وخوالي وولد خوولي هووووسة ماراح اعرفكن لان ادوخون راح نخليه كلمن ودوره بالقصة كول واحد يضهر اعرفكم علية "
رحت لگيت البناات گاعداات وي بناات عمي وبناات خوالي لان بابا وماما يصيرون ولد عم المهم والولد اللي يلعب بتليفونة واللي يلعب بلي ودومنة وغيرها وغير الناس الكباار اللي گاعدين باالاستقبااال ويحجوون وعماتي وبيبياتي وكلهن اني مااگعد راحة ولا احس بطعم الونسة اذا مااويلي خباااثة
شنوو تتوقعوون شراح اسوي من خبااثة
تانوني اليووم بليل انشر بعد واحد
