الدنيا تمطر .. والجو بارد جدا ..
اباوع من شباج غرفتي .. كالعاده .. منعزله .. لوحدي واباوع من الشباج اخاف انزل جوه لان جوه اوووف
اني فرح عمري 16 سنة من صرت لحد هسه في حرب وي نفسي بسبب اهلي
تعبت من وضعهم
امي من جانت زغيره وموفاهمه الحياة صح حبت ابويه ومقبلو اهلها ينطوها لابويه لانه واحد سكير وابو بنات ومامربى
امي جانت معميه بحبه تقدم اله مرات وماقبلو اخر شي قررو يزوجون امي لابن عمها ويخلصون من حجي الناس والعار الجابته الهم
وبيوم زواجها امي انهزمت وي ابويه وتحدت الكل علموده ضحت بكلشي لخاطره
وراحت ويا
انهزمو لبغداد كانت عاصمه وكبيره ضاعو بيها وعاشو لوحدهم ازوجو ومحد يدري بيهم
شكد دورو عليهم بيت جدي مالكولهم اثر
طبعا الحياة صعبه ووالدي اصلا مو خوش إنسان مشى بدرب الشرب ولعب والقمار وعيشتهم هوه وامي عالربح والصفقات
وكام يفوت جماعات جماعات للبيت وامي كانت ترفض ترفض الى ان استسلمت للامر الواقع وسكتت
حست بنفسهه شختارت من انسان وندمت بس بعديش
اذا ترجع لاهلهه ممكن تنقتل
طبعا اهل ابويه شكد تاذو وسمعنا عمي انقتل بسبب هرب امي وابويه
وصارت مشاكل كومه من وراهم تالي ملو الطرفين واستسلمو ونسو امي وابويه
اني اليوم بنت لامراه ورجل قذرين جدا
اعاني مااعاني اشكال الالم والقسوة والحرمان
بداخلي صوت يكول اي انزلي شاركيهم حياتهم وصيري مثلهم همه اهلج حتى شذى اختج مو غريبه
وصوت يكول لا فرح لا خليج مثل ماانتي نظيفه وطاهره
ام فرح
ها فروحتي راح تضلين معتكفه هنا مو جنه ننتظرج لحظه لحظه تكبرين تجين عدنه تسولفين ويانه وتشاركينه يومج
وهاي انتي كبرتي وحتى كلمة ماما وبابا استكثرتيه علينه واغلب وقتج يم الحجيه ام سامر شنو ماما بيتنه فندق
فرح .. همست علوا لوفندق
الام .. شنو؟
فرح ماكو شي عيني سلامتج
دائما سلاحي الصمت اعرف نقاشي وياهم تاليه لو عركه لو يطردوني واروح لبيت الحجيه ام سامر
ضليت اسكت ولاكانو اسمع شي منهم
تحجي تحجي تمل وتطلع واسد الباب وراها اقفله لان اخاف من الجماعات اليفوتون يمهم قبل جنت اخليهه مفتوحه بس مره صعد واحد سكران وكام يتحرش بيه وراد يغتصبني كوه خلصت نفسي منه واجو اهلي على عياطي وخلصوني
من ساعته فقدت الامان واني بنص اهلي
عندي اخ واحد اسمه محمد واخت وحده اسمها شذى طبعا اخويه كمل دراسه وطلع برا العراق هم بالشافعات طلع خلص من اهلي للابد ووصاني بس يحصل شغل ويستقر يجي ياخذني يمه
ووصاني الزم نفسي واقفل بابي حتى ميتعرضلي احد
ويوميه يتصل عليه يطمأن
بداخلي ميته خوف من الجاي بس شسوي هذا قدري يلا المهم هوه خلص نفسه
طبعا اخويه طلع طلعه مو قانونيه بجواز مزور جان مايعرف مصيره واني جنت راغبه اروح ويا بس هوه خاف عليه لان طريقه مجهول ورادني اكمل دراستي حتى من يستقر وياخذني يمه اكدر اكمل بالغربه دراسات ويصيرلي مستقبل جنت حيل ذكيه وشاطره
واني اليوم عايشه مثل باقي الايام
احساس الخوف من جو بيت اهلي ميفارقني
اخاف من لحظة امي ينفذ صبرها وتزوجني حي الله واحد من جماعتهم علمود صفقة تجاريه او ربح
امي عدها استعداد حتى اخلص من جوهم ويخلصون مني بس ابويه لا احنه خط احمر عنده
اختي شذى انسانه متصنعه .. وملوكه حيل تتلوك لاهلي وهيه العزيزه عدهم تجاريهم ووياهم وين ميروحون عادي عدهه حياتهم بيتنا عباره عن مكان يمكن شقق الدعاره انظف منه
غرف مليانه بنات اشكال الوان وشخصيات رجال اعمال وسياسيين ولعب قمار وتجاره باعضاء البشر وحتى تجاره بالعبيد البيض
ابويه استمر وتطور بكلشي ماخله شغل حرام مااشتغل بي
من كل مكان يجو التجار ورجال البلد من كل مكان
وعنده نفوذ وجماعات ومايصعب عليه شي
شغله وصل حتى وي ناس كبار بالدوله
وكل اسرارهم يمه
ودائما يستغل كل الفرص المتاحه امامه وكام يصورهم وهمه بلحضات حميميه وي بنات الليل ويهددهم يفضحهم اذا مسوو اللي يريده
باختصار شغلته ابتزاز بكل انواعه
يزرع بنات الليل العنده بكل مكان
وبامكانه يوكع اكبر الشخصيات
مايصعب عليه اكبر راس
هذا شغله
واني
خايفه حيل على نفسي .. على اختي .. وكارهه نفسي ..
المصبرني اخويه محمد وبس
الو .. هلو فروحه حبيبتي
فرح .. هلو محمد شلونك حبيبي
محمد .. اني بخير حبيبتي شي اصبري هالكم يوم اني استقر وانتي خلصي سادس عالاقل حتى اخذج يمي
فرح .. انشاءالله حمودي مبقى شي جاي ادرس شاده حيلي والله
محمد انشاءالله يلا يعمري دكت عليه سما خل اروح احجي وياها
فرح اوك حبيبي سلملي عليها
محمد يوصل
سما .. هلو حبيبي
هلو حياتي
شلونك شخبارك
بخير والله
شبيك اشو مو على بعضك
والله خايف على فروحه الله يعينهه شون متحمله جو اهلي
سما شبيدي عليها. حبيبي
يلا مبقى شي ونجيبهه هنا
محمد انشاءالله
فرح .. اخويه محمد يحب وحده عراقيه بكندا سما حيل متعلق بيه .. سما كانت متزوجه عراقي متجنس كندي وعدها ولد منه ومتوفي زوجها وكانت طالعه من وضع ماساوي
وتعرفت على محمد
ومحمد مهزوم من جو اهلي
ملتقين بكوفي بكندا وصارو اصدقاء وواحد يفضفض للثاني
الى ان تحولت العلاقه الى حب فجاة
أنت تقرأ
زهور في تربة مالحة
ChickLitانا مفارگ بشر .. ماتشبه الناس .. انهجم بيتج يروحي شگد عنيده الصلافه البيج ياروحي مثل ذاك .. العلى اصبعه ويسد الباب بيده
