نور .. طبعا اني كلشي خسرت .. الكل كانو كدام عيوني وممنوعه منهم .. الكل مامتقبل وجودي بالحياة .. زوج امي .. اهل صفاء .. نظرة المجتمع
واني ماالي ذنب
غير اني بنت عبد الحسن تاجر المخدرات
طبعا خليت العندي والماعندي من فلوس بعمارة محمد وشذى وفرح .. وطبعا كلمن وحصته صارت كل شخص اله اسهم باختصار محد اخذ شي من احد كلمن فات بفلوسه
هاي جانت فكرة خاله ام سامر وهيه الصح
اني كمشت المشغل لان كلش احب الخياطة والاعمال اليدويه صفاء يجيني للمشغل على فراغه
صفاء .. هلو حبيبتي
هلو صفاوي حياتي
شلونج اخبارج
تمام ماشيه الامور
بشري شلونه الشغل
مثل مدتشوف مدنلحك كومه طلبات وهمات جاي انزل بالمحلات
طبعا العماره زغيره على اربع محلات فتحنه محل خاص ببضاعة المشغل ومحل ملابس نسائيه ومحل ملابس اطفال ومحل اكسسوارات واعمال يدويه
اني وكم عامله عالمشغل
شذى كمشت ملابس الأطفال سوده عليه حبيبتي لان نحرمت كل حياتها منهم
محمد وسجى عالملابس النسائية
محل تصريف بضاعة المشغل شغلنا بي بنت وولد ع الاعلان اجو دكينه إعلان واشتغلو هنا
ومحل الاكسسوارات شغلنه بي اخت سجى لان وضعهم حيل تعبان
صفاء .. وشلونه الربح
نور .. خير من الله يوم على يوم ديكبر راس المال
صفاء .. حلووو يعني حتساعديني بتحضيرات الزواج
نور .. إنشاء الله بس خل نثبت هالكم يوم هسه دتطلع نواقص ونصرف من ربح النحصله
الايام الجايه تبشر بخير
صفاء .. إنشاء الله ربي يوفقكم ياعمري
زين هسه شلون منطب منطلع
نور .. والله حقك حبيبي بس خل نخلص هسه بيش الساعه
الساعه 6
بالتسعه نعزل ونطلع وعشاك عليه
صفاء. هههههه خوش والله دتوفرين عليه فلوس حتى الم ونزوج بسرعه مو
نور ... ههههههههه طبعا مو راح اعنس
صفاء .. يمعوده كولي يالله بعدج شباب
نور .. 25 سنه يمعود بعد كم سنه ويفوتني القطار
صفاء .. غير لواخليج
نور ...يلا شلون منكمل شغل
صفاء .. اسف عيني اسف ست نور شحيخلصنه كمشت شغل وصارو عدهه عاملات
نور .. استغفر الله ياربي بالله هذا شحجي ويا
صفاء .. لتحجين ولتكولين عيني يلا اترخص اني فد ساعتين وامر عليج
أنت تقرأ
زهور في تربة مالحة
ChickLitانا مفارگ بشر .. ماتشبه الناس .. انهجم بيتج يروحي شگد عنيده الصلافه البيج ياروحي مثل ذاك .. العلى اصبعه ويسد الباب بيده
