زهور في تربة مالحة

البارت الثالث

ام محمد .. طبعا عانيت ماعانيت وي ابو محمد الى ان استسلمت بس جنت رايده ابعد اطفالي عن جونه لان مو حلو وماكو مكان ببيتي يلائم طفل

من جانو رضع جنت اخليهم وي الخدم بغرفه وملاعيب يبقون لكن هسه كبرو لازم يطلعون ويطبون لازم يكتشفون العالم .. بصراحه ماردتهم يكتشفون عالمنه القذر وهمه زغار خليهم بعيدين لحد ميكبرون ويفهمون ويكتشفون العالم ويعرفون الصح من الخطا بعيد عن جونه لان جونه كله خطا واحنه مجبورين نعيش بي وتعلمنه عليه بس اطفالنه لا منحب نجبرهم على شي

عاد فكرت اخليهم يم جارتي ام سامر مدحولي بيهه حيل عاد بقيت وقت تجمعاتنه وسهراتنه ادزهم لام سامر الى ان تعودو عليه وبقو ميرتاحون اله يمهه عاد ضلو اكثر وقتهم
يم جارتي لحد مكبرو وبدو يفهمون حسيت عل شلون ى كلام ام سامر وقررت ارجعهم لحياتنه لان ثكل حملهم على ام سامر
فرح .. رغم جنت طفله زغيره لكن كنت اعرف كلشي مجان يصير واميز الصح من الخطا كنت ذكيه جدا وواعيه

عرفت ابويه وامي مو خوش ناس وعرفت ام سامر خوش انسانه
عوضتني عن حنان امي الفقدته وشفت بيه خوف علينه اذكر مره جنت اتغده واكلت فلفل حار من الطرشي وشحط بلعومي واختنكت بيومها ضلت تبجي عليه وتفرفر بالبيت وتشىربني مي وعصير عبالك حموت ومن اتمرض تاخذني دكتور وتوفرلي الراحه بينما اهلي ملتهين بسفراتهم والونسه وسهراتهم ليليه عدهم سهره

تاثرت بجو خاله ام سامر ومن كبر سامر احنه بعدنا زغار بس خاله خافت علينه وكالت لامي
اخاف عالبنات والولد كبرو اول واحد اخويه محمد كام ميتوالم وي سحر مشاحنات وعاف بيت خاله ام سامر ووراها شذى تعاركت وي سحر همات لان سحر كامت تتنحس من شذى تستخدم اي شي من اغراضهه لان هنه نفس العمر

ضجت اني كلش وبوقتها اجه واحد على سحر وانخطبت واختي شذى مثل الضاجت غارت ومحمد كام ميفوت لبيت خاله ام سامر لان سحر من نخطبت خطيبهه كام يغار عليهه من محمد عاد محمد اول واحد كطع عنهم رجله عاد امي خصصت جزء من البيت للسهرات مالتهم والكعدات اللي هوه الطابق الاول وخلت حارس عالدرج وممنوع اي احد يصعد

ممنوع اي احد يصعد للطابق الثاني .. خلصت حياتي مثل السجينه .. عبالك عايشين بسجن ممنوع ننزل ممنوع نشوف شديصير جوه .. اله شذى اختي كانت فضوليه ومتسكت ومرضخت للامر الواقع و باسلوب شاطر تقنع اهلي وتخدعهم وتنزل يمهم وتشوف شيصير
اني جنت اعرف شذى راح تصير مثل اهلي لان هيه من البداية منجرفه وماخذه اطباعهم

محمد اخويه همات بده يرضى بالامر الواقع وهم كام ينزل وي شذى .. . الى ان اهلي استسلمو للامر الواقع واحنه اللي لازم نقرر شنكون وشنسوي امي بعتبارها عيشتنه بجوين جوهم وجو خالتي ام سامر والشاطر اليعرف الصح ويتصرف على ومن بعد دروس طويله وعريضه

ونقاشات قبلو اهلي ننزل جوه يمهم ونشاركهم ونصرف بحذر .. احنه خط احمر

عادي اختي واخويه وحتى اني ننزل يمهم

جنه ننزل ونشوف أفعالهم البشعه

كنت اموت الف موته من اشوف ابويه يتعامل وي تاجر على مخدرات .. لو على اختطاف بنت ومساومة اهلهه بفلوس ومو اي بنت وينه ووينه

لو اشوف البنات اللي يشتغلون عدهم ومستعبديهم

كل وحده وراها قصه .. الله اعلم بيهه
بيهن الفرحانات مكيفات عالوضع وبيهن لا ورا ضحكهن الف حسره

اشوف الحال ماتحمل مثل اخوتي لا اصعد وانعزل بغرفتي

اراجع حياتي

مشفت شي من اهلي ولاحبيتهم ابد من وعيت واني عند جيرانه ام سامر وعيت عليهه تحبني وتخاف عليه مثل امي
بس لان كبرنه وكبرت مسؤوليتنه ومشاكلنه ماتحملت خاله ام سامر وحسينه نفسنه ثكال عليه

ليش خلفونه اهلي ماادري .. اني واخوتي بحياتنه ماحسينه باستقرار ولابحياة حلوه ولااب ولاام ..

يمكن حتى اليتامى احسن من حالنه

هاي نبذة مختصره من حياتنه

محمد راح خلص نفسه .. وشذى تعلمت على حياة اهلي

بس اني .. اثرت بيه خاله ام سامر حيل

يمكن لان ازغر وحده بيهم وجانت تعتبرني طفله وخصتني بالاهتمام حتى كانت تفضلني على اطفالهه
لهذا السبب مااكدر اتعلم على اهلي وجوهم القذر
شذى .. اني جنت نوعا ما عاذره اهلي لان ظروفهم يمكن دفعتهم هيج يتصرفون وماردت احملهم اكثر من طاقتهم ورضيت بقدري وقدر اهلي جنت حيل حلوه وكومه شخصيات انعجبو بيه وتمنو رضاي بس اني ماابالي احد منهم
وابويه زرع بيه الثقه وانو مالازم اكون رخيصه مثل البنات العدهم وهالشي فرحني

فرح .. اختي شذى حيل وكحه اله ميجي يوم وتسوي بينه سوايه متاكده من هالشي

خل اروح اصيحها .. شذى .. شذى

شذى .. خيررر ياطير

فرح .. شذى لشوكت حتضلين جوا لج ذوله عالم قذرين شتترجين منهم

شذى .. شسوي لعد اكابلج واكعد احبس نفسي مثلج حتى ترتاحين خليني بربج

فرح .. اسفه اختي اسفه اخذي راحتج صوجي اني خايفه عليج
شذى .. خايفه عليه هههههههه لج اني بحياتي محد خاف عليه خلصت عمري عند الجيران هسه انتي تخافين عليه

فرح .. لا الظاهر انتي نسيتي الجيران شلون جانو اوادم وشون سوولنه المسوته امنه بس انتي مثل اللعبه شذى وين متكون تعيش بكل الاجواء تتأقلمين وتعيشين ولاكأنو

شذى .. حبيبتي دوختيني ترا

فرح .. اسفه اختي اخذي راحتج

وصعدت لغرفتي عرفت انو خسرت شذى وانو هيه اختارت شلون تكون حياته

شذى .. نزلت والعيون كله عليه يوميه تجي اشكال الوان الشباب والشخصيات واستمرت حياتي ارفض اكبر راس يوصل الي