زهور في تربة مالحة

البارت الثامن

فرح .. رحت على بيت خاله ام سامر .. خاله صحصحت وكامت على شغل البيت
ها خالاتي محتاجه  شي

ام سامر .. حبيبتي انتي مقصرتي مااعرف شلون اردلج السويتي
فرح . خاله هوه هذه هم حجي خلصت عمري يمج تداريني احسن من امي  كبرتيني وعلمتيني انتي امي حبيبتي
ام سامر .. دمعت عيني وحضنته ..
فات سامر .. هاي شنو بوس واحضان اني ماالي بوسنه حضنه
ام سامر .. هاي ليش فروحه ميبسته على سامر

سامر .. يوم هوه ابنج خلص عمره يابسه عليه من كل الجوانب
فرح .. بالكوه كاتمه ضحكتي حيييل خجلت وفرحت

سامر .. يوم ترا قمصاني كلهن يرادلهن اوتي غسلتهن بيدي ونشفن بس كويهن الي

ام سامر صار حبيبي

يوم عاد اكويلي واحد اطلع بي هسه

لك يوم مو دااسوي الاكل لو متريد تاكل
فرح .. خاله اني اكوي انطيني وينه

سامر .. القميص مالتي اني يعني عندي مو قميص خاله

فرح .. همست اوك وينه حبيبي
سامر .. شنووو شكلتي

فرح أسفه طلعت لاارادي

سامر ياربي دوووم هيج يطلع الحجي لاارادي

فرح .. هسه تنطيني القميص قبل مااغير رايي واروح ورايه تحضيرات ترا راح اداوم كليه قدمت وطلعلي القبول

سامر .. اول شي هذا القميص  ثاني شي اي قسم
فرح .. هندسة اتصالات ليش عندك مانع
سامر .. لاماعندي مانع .. وبنتره وغيرت ملامحي مااكدر غرت مااعرف ليش

فرح دااكوي بالقميص وسامر صافن حسبه تاخذه وحسبة تجيبه

اكوي واباوع عليه .. كام جر الملابس وكعد ديبدل واني

هاي شدسوي اوكف خل اطلع

سامر .. لتطلعين عادي اصلا مااستحي منج
فرح .. غمضت عيوني .. بس اني استحي حرام عليك
سامر .. الثوله غمضت عينها واني ميت  غيره عليهه  حتفوت كليه وحموت  من حبهه وهيه ولا يمهه

رحت اله وحضنته
فرح .. فتحت عيني حاضني وعطره سطرني حسيت دخت مكدرت اوخر منه ولااحجي  شي
سامر .. احبج
فرح .. اني هم

انتي شنو

اني مااحبك

اني اموووت عليك

سامر .. اي هذه الحجي الحلو .. كافي خجل حبيبتي اني مو  غريب عنج شحال ماكبرتي كدام  عيني وجنت العبج  وانومج  واشربج مميه

فرح .. جنت زغيره وماحاسه عليك

سامر .. طبعا اني اكبر من فرح بعشر سنوات اذكر من  جابوها يمنه  عمرها  شهرين محمد اخوها جان عمره سبع سنوات وشذى اربع  سنوات
باختصار فرح كبرت كدام عيني جنت حيل احبه  بس هيه من زغيره لحد مكبرت  وهيه نفس الطبع هاديه ورقيقه  كلامهه قليل خجوله  تعجبني  حيل اني احبه من زمان بس ماجنت حاس على نفسي عبالي  لان  ربت  يمنه بس من  سافرت ودرست منحه بره واني حسيت شي غريب رجعت  مشتاقلهه حيل ومشاعري حيل تغيرت  من شفتها اول مره بعد  مرجعت من السفر حسيت احساس  غريب  وغير هيج اهتمامه بامي  وتمسكه بينه وبعدهه عن اهلهه فكريا واخلاقيا كل هالامور خلتني احبهه وغير هيج جمالها

انوب حتفوت كليه شلون بيه ياربي شايل هم بس لاتشوف غيري وتعوفني

فرح .. خلصت القميص هاك

سامر .. اخذته لبسته خليت عطر .. شكرااا حياتي

فرح .. تدلل

اني صار لازم اروح

سامر اني راح اطلع خليج يم امي
فرح لا مااكدر صارلي كم يوم ممخابره محمد وعندي تحضيرات للكليه

سامر .. اوكي على راحتج بس لتكطعين تعالي يوميه لتخليني اشتاقلج

فرح .. ترا اني مجايه علمودك اجي لخاله اشوفه شمحتاجه وخصوصا بعد ماتمرضت متكدر وحدها عالبيت والشغل

سامر.. يعني متشتاقيلي

فرح .. هااا .. لا

سامر .. رحت بسته قوي وطلعت

فرح .. هذا شبي .. خبل والله .. فلا صاحي اكوله مااشتاقلك يجي يبوسني ويروح

سامر طلعت وبقيت بالباب اتنصت .. تحجي وي نفسه عليه

فرح .. احجي واباوع على روحي بالمرايه .. فرح انتي ميلوكلج الجذب اصلا مبين تحبي وتشتاقيله

سامر .. فتت يعني محد غيرج مخبله مكابله مرايتي وتحجين وي نفسج .. شفتي شلون اني اعرفج من عيونج لذلك بستج وطلعت

فرح .. عزاااا انت جنت واكف بالباب وسمعت حجيي

سامر .. اييييي وضحكت ضحكة حقيره

فرح .. شكد تافه
سامر .. لج .. سدي حلكج لااجيج ..

فرح .. وشسوي يعني

سامر .. اعوف الطلعه هسه وابتلي بيج اني كوه صابر عليج مااعرف شلون لازم نفسي

فرح .. هذه شبي يربي شجاوبه هسه

سامر .. شو ساكته لازم ترديني اجي

فرح .. لا بس اذكرت شغله عندي ضروريه خل اروح

سامر .. هااا انهزمتي خو .. يلا الجايات هواي ست فرح

فرح .. الله سترني وخلصت نفسي وطلعت ركض بس كلبي يركض كدامي

فرحانه .. طايره .. اوووف منك سامر شسويت بيه