غيث(نور): وبينما نحن جالسين اتت احد الفتيات وهي مرعوبة
فيرونكا: داليان الشرطة اسفل وسببت ضجة في المكان واخذت تبحث وتحقق مع الجميع
جود: غيث الشرطة هنا لازم نروح هسه بسرعة بس شلون
داليان: لاتخافين راح اطلعكم من البوابة الخلفية
اتجهنا عبر الممرات الى البوابة وقبل خروجنا
داليان: جود باعي روحي سألي بحي 5 عن خليل او الرجل القبعة وهناك راح تلكين دليل اكبر وامسكت يدها ونظرت في عيناها اللتان تشبهان عينا ادهم
داليان: ديري بالج على سليمان جود
جود: اخذنا بالركض انا وغيث الى ان ابتعدنا واقفني على حافة الطريق وهو يلتقط انفاسه
غيث(نور): اوكفي ولج كلبي وكف اوكفي
جود: اخ راح اختنك انته تركض سريع جنك شرطي عبالك
غيث(نور): ههههههه شنو هلتقيم ههههه انتي الي مدللة وتركضين مثل النعامة وقفت وقلدت ركضتها
جود: ايباخ اني هيج اركض امسكت حقيبتي وضربته بها ليضحك اكثر واضحكني معه
جود: امشي نشتري مي وشي ينوكل جعت هواي
غيث(نور): سبحان الله بت اغنياء وماشايفه مو قبل ساعتين تريكتي اكيد انتي سر افلاس سالم بشير لو باقي عايش
جود: امشي كدامي لا ارتكب بيك جريمة يله كوم
غيث(نور): كنت جالس على الرصيف استريح قليلا
غيث(نور): ماكوم رجليه توجعني
جود: كوم حباب بتوسل
غيث(نور): ما اكوم مااكوم
جود: امسكت يده بتوسل الله يخليك كوم والله القناع موتني من الحر كوم حباب
غيث(نور): كنت اشعر بشيء عجيب سار في داخلي كسيران الدماء في عروقي صوتها الهادي ونبرة توسلها تجعلها كطفلة بريئة وتشبثت بك طالبة النجاء
غيث(نور): امسكت وجنتها وابتسمت لها
غيث(نور): يله خلص كومي خلي نشتري شي ونروح نتونس ونفكر شراح نسوي
جود: اوكي يله اتجهت الى مطعم للوجبات السريعة واخذنا بعض شطائر والعصير وجلسنا في حديقة قريبة على احد المقاعد كانت الحديقة خالية تماما
وهي جالسة بجانبي تناول الشطيرة بشراهة
غيث(نور): على كيفج حجية راح تختنكين
جود: معليك اصلا جوعانة هواي
غيث(نور): والله الج خلك بعد الحجي الي سمعتيه عن اهلج والج مزاج تاكلين
جود:بعد كلامه هذا شعرت كم انا نكرة وكم انني شخص متسخ وقذر بسبب افعال عائلتي وكم اشعر بالخذلان والعار بأنني انتمي لهذه العائلة اب ظالم واخ مخادع ومخيف بافعاله انزلت شطيرتي وازلت قناعي وتجمعت عيناي بدموع انزلت رأسي لابكي بصمت وامسح دموعي
أنت تقرأ
رواية ليلة 21 ديسمبر
Aksiلاتنخدع بالمظاهر فكما قال صاحب المثل المظاهر خداعة وراء كل دمعة ضحكة شامتة لك وراء كل ضحكة مؤامرة وراء كل قسم يوجد خداع في كل شي من حولك توجد نقطة خداع وكذب فلا تثق باحد حتى لا تنصدم بمن يطعنك من الخلف لانه سيكون اقرب اليك من انفاسك ..... اتهمت...
