Yuna's Reflections

XIII. Kalasag, Tanikala (Shields and Chains)

To my readers, today I will post this Tagalog poem as I am a Filipino and today, two and a half decades ago Martial Law was declared in my country. The current president set today as a day of protest. This, my loves, is for my country.

-------------

May maitutulong ba sa kinabukasan
Pagbalik tanaw ng mga Filipino sa batas militar
Sa iyong balintataw, ano itong buting ambag
Siglo'y lawakan, supling ay tanawin ang bukas

Ang eskwelahan bang ipinagawa ay muling magiging libingan
Ng mayamang kaisipan na nakatanikala sa takot sa kapangyarihan?
Ang mga pagamutan ba ay magiging sadlakan
Ng mga taong nagdurugo sa karahasan ng mga may kapangyarihan?

Ang mga kalsada bang konkreto ay magiging daanan
Ng mga Filipinong pinilit agawin sa mga mahal sa buhay?
Ang mga teatro ba ay magiging malaking bulwagan
Ng namamayagpag na huwad na karangyaan?

Patuloy bang manlilimos ang mga mamamayan sa tira-tirang yaman
Sa bilyon bilyong dolyar na pinangalandakan sa bayan?
Ang pangako ba ng kaginhawaan ay sapat para pagtakpan
Ang hiyaw ng binusalang hustisya sa kadiliman?

Madaling magkubli, piliing magkibit balikat,
Manahimik sa tiraniyang bumabalik sa lipunan.
Sa bayang tahanan, panganib ay nakaabang
Minsan nang naranasan kanyang bakal na kamay.

Anong kalasag sa tanikala na nakaambang sa bayan?
Anong armas ang ipapanday upang ang subersibong nakaraan
Ay hindi hayaang magbalik sa kinabukasan,
Nasaan ang iyong boses, mahal kong kababayan?

✏
-------------------------
In the progression of events, I am only so glad that as of today, our voice is still with us. We can still freely express our POVs, popular or otherwise. Our freedom is still RESPONSIBLY lived and that truly matters.

Thank you for reading. Please feel free to link, like, quote, comment, critique and show your support when you vote.
❤Love. DR❤