غيرة رجل

البارت 11-12-13-14-15

غيرة رجل
الجزء11
وصار يوم نيشان اجه عليه عمر من الصبح وكال امشي اشتري الج بدله وادويج للصالون
وحدنا
لا لمي بنات المنطقه
خلي امي تجي ويانه
ليش
احنه بعدنا معاقدين
يمه تعالي ويانه واغمز اله واشر وفهيمه ولا يمها رحت عليه وظهري عل عمر
يمه فدوه امشي لاتعوفيني
بصوت ناصي شنو ياكل اودم ام لسان لسانج هل طوله
ظليت متبسمره مكاني عرفت امي تريد اخذ عليه بس اني مستحيل اخذه عليه هو يدخل الرعب لگلبي واحس عبالك كلشي ملابسه گدامه نظراته حاده وقاسية مابيه اي تسامح
صعدت لبست شيه طويل وكعب عالي لان اني بالنسبه اله قزم ركبت بالسياره  واني گلبي يريد يوكف
ظل يسولف ويه امي اباع عليه شنو من طول وضخامه هذا اذا اضوجه بكفخه امووت
صعد للسياره گال اكو بالج صالون معين بمنطقتكم لو تردين اودج للمنصور
اني ساكته
اني اعرف كلش زين انت صاحبة لسان
شوفي اني انسان جدي مااحب اعيد الحجايه مرتين تسمعين كلامي اعيشج ملكة بس اذا متسمعين كلامي راح تشوفين غير وجه
بگلبي هواكو ابشع من هذا الوجه
لبس كصيف قصير مااريد حجي ويه اي رجل مااريد انت صرتي ملكي متطلعين اذا مو موافقتي سواگه مااريد باعي عليه
مااكدر
شبيه اخوف
لا
شنو ليش ساكته احجي احنه راح نكون روحين بجسد واحد اني من يوم الي وكعت عليه حبيتج وقررت مااتنازل عنج كمش ايدي باسه جريت ايدي
سولفي شلونج بالدراسه
زينه
حاول بعدد من الطرق يحجي وياي بس اني كنت ساكته وبداخلي بركان اريد ارجع للبيت رحنا كم محل كان كله هو يتكلم ابد مااحجي هو اختار الي البدله وكلي هاي تخبل عليج
وراها وداني للصالون كله لاام صالون ساعة وراجع عليها
حفيت وتمكيجت طلعت غير  واجه عمر كال لاام صالون حطي شي فوكاها وحطت شي كلشي مشفت كمش ايدي وصعدني للسياره حسيت من شافني اموره تخربطت بالسياره  كل شويه يكمش ايدي ويبوسها
وصلنا واشتغلت هلال امي هدفها تسمع بيت عمي كلش انقهرت من فتت من بابهم تمنيت اشوف حميد
واشتغلت اغاني احنه ماعدنا گرايب بس جيران ظليت اتحسر واجوي هو واهله وخالاته وعنده عمه وحده اني اباع عليه شلون مزين ولابس قاط اسود عبالك ذوله المافيا ابد ميبتسم
كل شويه يباع عليه واني اريد انهزم منه ومن نظراته خلصت الحفله عل خير وراحوا اهله انوب هو ظل كاعد امي كالت والله تعبت ادخل انام انت موغربب صرت منا وبينا وعافتنا وطلعت خرب حظي هذا بس لايسوي الي شي والله  العظيم الم طرف عليه
تقرب عليه وكمش وجهي وگال
اريدج تحبيني اتقرب عليه ردت اموت وخرته وكتله اني بعدني مو حلالك واني تعبانه اريد انام
شو هذا كمشني من ايدي وجرني لحضنه وشبكني
وخر عني
هاي شبيج شويه واروح
من انگطع مهر ممكن تحترم رغبتي
زين اميره بس بيوم الي تصيرني الي  مراح ارحمج رايح اني اتقرب عليه وباسني من خدي وطلع
اووف مدري شلون جبت كل هاي شجاعة وكبل عل فهيمة وفتحت الباب
ليش هيج تسوين
اسويت
تعوفيني ويه رجال غريب
وج خطيبج
بعده مصار زوجي مره لخ والله اعيط والم الناس عليه
كافي ولج عوبه تبيعين شرف برأسي هو يومين وتصيرن اله يلا ولي منا
طلعت واني اذكر شلون حضني غصب هذا ميتفاهم متعلم ياخذ الي يريده بااي طريقه ظليت افكر بطريقه تخلصني منه ونمت واني افكر
غيرة رجل
الجزء 12
ظليت يومين واني كلش تعبانه واتهرب من يخابر واتحجج بالدراسه  وفكرت بخوش خطه صدك خطه جهنميه بس راح اخسر قيمتي گدامه 
طبعا زنوبا ابد مبطلت من ملحه مالته عل اخوي واني ابد مسالت عل حميد لان الظاهر هو طلعني من حياته بكل بساطه بس مع هذا مراح اتزوج عمر لان هو واحد متحكم كلش وابد ماكو الي راي كل يريده يصير وميقبل احد يناقشه من غير كلشي ميعجبه حتى من اروح للمدرسه يكلي لبسي جبه واني بعدني 16 سنه شلون البس هيج من اريد شي اذا ميعجبه  ميصير هذا الشي وصار يوم الثلاثاء والخميس احنه  متفقين انعقد بالمحكمة خابرت عليه يوم الثلاثاء كلي اطلع من دوام واجيج ظليت الوب وافكر شلون ابدي وياه صارت الخمسه دك الباب طلعت اله ودخل اول مدخل باسني من خدي جايب الي حلويات من الخاصكي كعدت بالغرفه سديت الباب ابتسم الي ابتسامة حلوه گلي شنو راح تغتصبيني
لا  لازم تعرف كلشي عني واعرف كلشي عنك
شتعرفين عني اسالي واني اجاوب
كم وحده حبيت
ولا وحده
ماعندك علاقه
سكت
عندك
اي بس موعميقه
شنو بس بوس
تقريبا
ليش الى هسه ممزوج وانت مو صغير ومتمكن
ماعندي ثقه بالنسوان كلهم عدهن علاقات
ها
اي بس ذيج من ذيج
سكتت بس اني ارد اگلك اني كنت احب ابن عمي
اي اعرف بس ماكو شي بينكم لاخطبه ولا شي مجرد كلام
انت غلطان
شنو قصدج
تغيرت ملامحه وصار يخوف  كلش خفت منه بس لازم اكمل
احجي
توعدني اذا احجي متوكل لصالح لان گلي اذا گلتي اگتل ابن عمج
اتقرب عليه احجي اوعدج مااخلي صالح كلشي يعرف
اني وابن عمي بينه علاقه 
گعد وگام يعني انت مو بنيه
لا مو هيج بس بيوم الي تهجم عل بيت عمي جنا سوه كافي لاتكملين ظل ساكت
اني مردت اخدعك
تقرب عليه متعجب عل صراحة مالتج اوعدج بعد ماكو شي بينا خلا وطلع
كعدت بالگاع ابجي اعرف اني شوهت سمعتي بس ماكو غير حل واجه اربعاء واني ميت خوف لا يكول لصالح شي
ورجع صالح من شغله وصاحني نزلت شفته واكف
شتريد
احجي الي شسويت للولد
يا ولد
خطيبج
مسويت شي والله
شالج الله وخلصني منج
بده ينزع نطاق مالته
صالح شبيك والله كلشي مسويت
وج اليوم يكلي بطلت ويعتذر مني ان ميكدر يكمل الزواج وهو جان طاير من الفرح احجي شسويتي
عرفت هو كلشي محاجي اله
ضربني اول ضربه وگعت بالگاع
احجي
والله مسويت اله شي
شوفي عمر عافج بس اعتقدي بذات الله ماكو احد يزوجج  ظلين هيج العمر كله لا عبالج حميد يزوجج اكتلج واكتله تظلين خدامه الي ضربني واجت امي وعرفت القضيه ظلت تغلط عليه ظليت ابجي وابجي اعرف الي سويته غلط بس ممعقوله اخلص من صالح اروح يم واحد بعد اضرب منه
غيرة رجل
الجزء الثالث عشر ()
ومر اسبوع واني محصله كفخة وغمه ابد مااصير گدام صالح بس اسمع فشار مالته
ادعي ربي ياخذني ويخلصني الإ يزوجوني واحد مخبل معقد
اوووف منك حميد
وزنوبا تريد تجي يمنه بلا علم اهلها حتى صالح يعجب بيها اني بيا حال وهاي راكض وره اخوي المخبل متدري هو شگد يسبهم ويتخبل منهم بس شسوي مااگدر احجي الها
وفد يوم اني كنت دا اقره وكته كان ادب جاهلي وبيه عن حب وهجران وطفرت دمعتي وجان تندك الباب مال بلوكونه  مالتي دكه خفيفيه كلش اني خفت يمه منو هاي كمت من جربايه واسمع اميره يمه صوت حميد ركض قفلت باب غرفتي روحت فتحت الباب اله گمت ابجي وهو يبجي حضني ظلينا واحد شابك لاخ ثلاث اشهر واني مشايفته ولاشامه عطره
وخر سامحين اميره والله حلفوني عل مصحف انوا مااتصل بيج حاربوني حرب
اني بس ابجي بسته من ايده وگتله بعد لاتعوفني
صبري عليه والله حجيت ويه بيبتي وقنعته اجي يمها وازوجج وافقت
بس كالت اتخرج والله كريم
اني ممصدكه الحجي ولامصدكه انوا حميد گبالي اريد اعاتبه مااكدرت خليت راسي عل جتفه وابجي
اميره شهرين واجي اخطبج
صالح ميقبل يگول اكتله
معليج اقشمر امج
شلون
خليها عليه هسه اريد تصبرين عليه بس شهرين ونروح للنجف وبعد منشوف لاصالح ولاامج
رادوا يزوجوني
اي اعرف كالت زنوبا
هسه انسي كلشي وفكري بالمستقبل باعي اريد سته جهال اربعه بنات كلهن مثلج حلوات واثنين ولد محلوين يشبهوني
گمت اضحك
بعد لاتبجين احبج اموووت عليج
امووت عليك اجي هسه وياك
وج وين وج انت عرضي اكو واحد يبوك عرضه
فدوه گلبك
هسه اروح
لا بعدني مشبعت منك
وج ليجي اخوج وتصير مشكله
اميره عوفي ايدي
ما
ههههه
ابقى خمس دقايق
مااعوفك
اريد ابوسج
بوسني
لا نعقد واشبعج بوس يلا اروح لاتبجين
ال جاي احلى وج هديني
مو تتاخر عليه
وعافني وراح نسيت كل عذاب بشوفته كل گتل واهانة شوفته ترد الروح الي
ظليت افكر شلون راح يقنع امي بزواجنا
ثاني يوم داومت وبس اضحك ومااكدر اسكت وزنوبا تگلي ها ولج سوه الج حميد هيج فرحانه
عوفيني خليني براحتي محد عليه بيه
انيالج لكيتي اليحبج
وج حسديني وج ثلاثه اشهر اني جارعه المر
اي بس اكو الي يبادلج الشعور مثلي اني ميته عليه وهو يمكن بالحمام ميذكرني
منو كلج تحبين واحد مغرور ومبوم
لج لاتحجين عليه 
شوف يالله مخبله عبالك زوجه وتحجي
وبدت ايام تمر واني احسب بيه
شوكت تخلص ايام ويجي حميد يخطبني
بهاي فتره زنوبا تلح عليه حتى احجي ويه صالح علموده واني اخاف اصير گباله لا انكتل
وعدته احجي وياه بذاك اليوم فكرت اذا اخوي محترم قنع بزنوبا يمكن يقنع بزواجي من حميد ظليت افكر بطريقه ادخل لصالح  واخليه يفكر بزنوبا
غيرة رجل
الجزء الرابع عشر
ظليت يومين اني احاول احجي ويه صالح بس هو ابد نازل عليه كفخ وفشار  ويگلي ادفع عمري كله بس اعرف شسويتي للولد لج حتى النقل لغير مكان وج ميباع بوجهي  وج صديق عمري شكلتي اله وهيج تغير واني ساكته گتله صالح اريد احاجيك بموضوع
خير
انت ليش الى هسه ممتزوج
وانت شعليج
هيج بس دا اسال
امشي ولي منا لا انسيج اسمج
هاي شبيك والله اريد الك الخير
ميجي منج كل خير
جرب وشوف
تعالي من اخير لاظلين تراوحين مكانج
عندي الك عروس 
منو
زنوبا
منو هاي مطربه
لا ولك يامطربه بت عمي
شنو امشي ولي ثوله ملكيتي غير ناس اناسبهم غير بيت عمج گبر لفج ولفهم
شوف صالح انت عندك هواي علاقات وشايف هواي بس ترى اذا تبقى عل امي تزوجك وحده عرمه ومتكدر تعيش وياك او ويه امي
وشنو بت عمج من اهل الله
والله فقيره وكلش مطيعه وابد ماعدها زايده او ناقصه عمرها محاجيه ويه ولد ابنيه خام
شلون شكلها بس لاتشبه عمج
لا لونه فاتج وعيونها كبار ورشيقه
شنو هدفج انو ازوج بت عمج
ماعندي اي هدف بس البنيه صديقتي واحبها واريده تجي يمي اهنا احسن من اجيب وحده وكحه ويصير عدنا اثنين وكحات 😛
وج منو الوكحه
آي هاي شبيك اقصد روحي
زين اني ذبيت ابوها بالسجن شلون ينطوني مره
معليك خليه عليه
خلي اشوفها
اي من نروح للمدرسه شوفها
لا جيبيها اهنا
ليش
احسن
صالح البنيه خام شسوي اله
وج شاسوي اله بس نتعارف شبيج
زين باجر اجيبها اهنا ساعة وحده بس وانت تعال شوفها
اتفقنا
وطلعت منه ممصدكه ان صالح اقتنع يشوف زنوبا شوكت يجي باجر واشوفها واكله يمكن خطيه تموت من فرحه
وصبح الصبح ورحت للمدرسه واني كلش فرحانه واجت زنوبا
وج ابشري
شكو
لج صالح يريد يشوفج
ها منو اني لا صدك منو اني
😑ها نسيتي العربي گمتي تحجين هندي
شلون بشوفني كولي
وج شبيج اليوم كولي لامج رايح بيت صديقتي وجيبي وياج زهراء ساعة وحده تشاوفون
يمه گلبي راح اموت واخيرا حس بيه
وج شحس كال اشوفها مو ازوجها عود لبسي شي حلو وغسلي وجهج
ليش اني مااغسل وجهي عوبه
باعي شوي خلي مرطب شفه وشويه كحل زين
اي
ومشى اليوم وصدك اجت زنوبا هيه وزهراء الثوله بس تضحك
وج اثكلي شيكول عليج
وج وينه الحب
وج عزا اثكلي خلي نشتغل
وج راح اموت
زهراء روحي لعبي ويه امير باعي سوي روحج خجلانه زين
اي بس اشوفه
يااا راح تموتين صالح صالح
وج گلبي راح اموت
واجه صالح يباع عليها وسلم عليه هيه ثوله صافنه عليه وفاتحه حلگها ادغه ميفيد ولايمها خزتني
مد ايد صالح وكمش ايدها گامت تضحك ومجولكه حلكه وصالح ابتسم الها رادت تموت خطيه وانتهت مقابله وراح صالح وهيه بعدها تضحك ميفيد بيه اكله اسكتي ماكو وكامشه ايدها تكول كمشني من ايدي
مخبله والله موطبيعيه هاي البنيه وج يلا روحي لا يحسون عليج
ليش خليني اهنا
يا مصخمه وج روحي
شوكت اجي بعد
عزا بعد لاتجين خلي هو يتحرك
لا فدوه باجر هم اجي
ياا وج استحي وذبي ثگل هو يگوم يركض وراج
مااريده يركض وراي انتظره
تخبلت البنيه وكوه دفعته حتى تطلع من البيت ورحت عل صالح وگتله ها شلونه
لا باس بيها خلي اطلع واطب وياها
شنو لاعيني هاي مو تقشمر عليه تريده اخطبها متريده گول
وج غير نتفاهم
من تخطبها عود تفاهم وياها بس تريدها تطلع وياك مااقبل
وشنو انت وليه امرها
لا بس اخاف عليها منك
يلا عيني روحي ولي منا لا ادفرج
فرحت لان صالح اقتنع بزنوبا هاي بدايه طريقي للارتباط بحميد
غيرة رجل
الجزء الخامس عشر
حسيت الدنيا بدت تضحك الي واخيرا وخلصوا الشهرين واجت ام ابوي لبيتنا وكعدت. ويه امي وتحجي ساعة عياط وساعة سنطه وراها حطينه الغده گالت مااكل اذا ماتوعديني بالخير ظلت امي ساكته كالت والله ياحجيه امر مو امري
امر منو
اخوها
الحزبي الي ذب وليدي بسجن مايدخل بيناتنا احنه اهل ماعليه منه
شنو هل حجي حجيه هو اخوها
وهيه بتنا
يصير خير حجيه انطيني مهله اسبوع نتدارس موضوع
خوش جيبوا اكل
وللعصر طلعت ام ابوي راحت عل بيت عمي
واني گلبي طاير بالهوى ممصدك راح اكون زوجه حميد واجه الليل واجه صالح وصاحني
گلبي رجف
تعالي اميره
هههه
شبيج
اول مره من عشر سنين تكول اسمي
بلا لواكه تعاي اكعدي
ها خير
اخبار زنوبا
ههههه عندك اخبار ورسائل وغرام
سكتي ولج انت مو گلتي انت تقنعين بيت عمج عليه
اي نروح عليهم ونخطب زنوبا
اخاف عمج يرفضني
لا عمي گلبه طيب
واجت فهيمه هاي شكو شعندك ويه اميره
كلشي ماكو
يمه احنه
اسكتي شوفي يمه اني قررت ازوج
منو هاي سعيده الحظ الي ابني حبيبي راح يزوجها
زنوبا
منو زنوبا
بت شاكر
بنت سعديه ام سحوره
يمه لاتبلين عل عالم
ولك قحطو بنات العالم رحت عل بت سعديه
اني قررت ازوج زنوبا مو سعديه
ولك نفس طهاره
هاي سوت الك عمل وخلتك تحب بتها اني اعرف سوالفها سعديه
ظليت اني فاتحه عيوني عل امي لعد لو تدري اني الي جمعت بينهم ههههه لا هسه تفشخني
امي گالت اليوم ام زوجي اجت تخطب اختك لحميد
اي
شنو اي
ينطونا زنوبا ننطيهم اميره
يمه گلبي راد يوكف من فرح وعمت الفرحه بيت عمي وبيتنا ههههه بس فهيمه ماراضيه
واجوي عمامي خطبوني يمه فدوه حميد لابس قاط كل شويه اكرص روحي اخاف اني بحلم
ورحنا خطبنا زنوبا وانطوها النه
طلعنا اشترينا حلقات وسوينا سوا الگعده وفرحة ماواسعتني بس صالح عقد راسنا بالمحكمة اني وحميد تاخرنا شويه الماده تحكم صالح  متمكن
حميد طلعني واشترينا اخشاب صح كانت بسيطه بس كنت اشوفه احلى غرفه الي تجمعني ويه حميد وره شهر عقدنا ورحنا اني وحميد بعالم الحب والخيال اوف طلعنا فراك گله ههههه
اما زنوبا تدخل لغرفه صالح مصبغة مكياج تتطلع كلشي ماكو ومتخربطه اوضاعها ههههه دوومها مفضوحه
حسيت صالح شويه هدا وصار يحب زنوبا 
احنه قررنا نزوج وره شهر
بس صالح مستعجل وازوج صالح وسوا عرسه فندق بابل كلش تونسه واني لبست بدله جويتي وحميد قاط
ومفاجاة  كانت