غيرة رجل

البارت 31-32-33-34-35-36 الأخير

غيرة رجل
31)
ظليت يومين مااداوم كلش نفسيتي تعبت فكرت اسافر جان الوضع شويه مكهرب امريكا تهدد وداخلين انذار كلت خلي تصفى اشتاقيت الها هوايه ضيعت هوايه اني مده ظلت يمي ليش مدخلت لگلبها گلبي ماكلني واكول هسه كاعد تفكر بحميد شنو من مبخوت هذا رجال ميت واكو ناس تحبه ووفيه اله اووف حتى هدومها موجود يمي ارجعها اله واشوفها هاي شبيه اني اظل اهين بروحي البنيه متحبني وكارهتني واني بس افكر بيها

ظليت يومين اتعذب وامي مبطلت مني عل مابيج خير معرفتي تربطيه بولد اني مكدرت اكون وياه بفراش واحد بس هو يحبني مبين عليه ادري يحبني فكرت اروح اله للبيت لا بس هو گلي طالق  مااريد اعوفها مشتاقه اله كلشي بيه حلو حتى من عاگد حواجبه رحت عل صالح وگتله اريد احجي وياك
شكو طلاك وطلگتي بعد شتريدين
اريد ارجع لعمر
شنو
اي اريده مااريد اطلك
وج هو لعب جعاب يوم اريده ويوم لا؛
الي عندي گلته اريده
يصير خير ست اميره هسه روحي والله كريم.
انت تشوفه بالدوام
لا
ليش
ماادري
اخاف مريض
اها گمتي تخافين عليه
يلا تصبح عل خير
رحت لغرفتي واگول هاهيه كافي فراك .

ومشت ايام وعرفت اميره تريد ترجع الي طرت من فرح ورحت عليها وشفتها   وكمشت ايدها عيونها فرحانه بيه ماكو بيها خوف كله الي شبكته احساس يخبش مينوصف ابد تحبني واخيرآ
هذا الي تمنيته من يوم الي شفتها بيه كام صالح يگح انتبهت عليه هههع ولايمي عبالك الدنيا بس اني وياها گتله امشي نطلع اني وياج ابتسمت خلي نعقد امشي هسه نعقد صالح بعد اذنك
يلا براحتكم
ورحنا يم شيخ وعقدنا اووف مصدكت تكون الي مره لخ رحنا لبيتنا وامي هلهلت يلا يمه روحي
ولك شبيك تدفع  طالعه
رحت عليها قافله باب
اميره فتحي
مو هسه
ليش
خل اكمل
ظليت اروح واجي يمكن ربع ساعة خلص صبري دكيت الباب وانفتح اشوفها بسيت النوم وحاطه مكياج طالعه تخبل معرفت شلون ابدي وياها حسيت روحي طفل ولگه امها بوسته ظليت اشبك بيها واجعص بيهاوهيه مستسلمه الي وذايبه رحنا لعالم أحلام 

ردت اگوم من يمه
وين رايحه
للحمام
تعاي ابقي لترحين بعدني مشبعان
هههههه عوفني عمر هسه اجي
دخلت للحمام واباع عل جسمي شمسوي بيه ومااشوفه اله يمي بده يبوس عمر اوگف
شبيج شواربك تاذي
تعاي نسبح سوه
يلا

كافي يلا روحن نامن خلو العرسان يتونسون وحدهم عيب😂😁😁😁😁
غيرة رجل
32
وضلينا ثلاثة ايام واحنه منطلع من غرفه هههههه حوبه 6اشهر جان قحط بيها عمر رجال حبه يختلف عن باقي اي حب. جان حب تملك حب رجل مجنون ميقبل اي احد يشاركه بيه حتى لو امه او اي شخص اگله احبه مثل اخوي يضوج حتى باختيار اشياء يگلي ياهو ترديه اگله هذا بس هو يختار الي يريده ماالي اي راي. حتى من اخوه يتخبل ميقبل حتى اسال عليه .
ورجع يداوم ويگلي متمدين راسج خارج البيت متطلعين بالبلكونه اني اجاوب ميخالف اميره لاتسوين عصبي سمعي كلامي بلا اي نقاش اكله اي ميخالف وبدت الحرب ويه امريكان وصار عمر اعصاب وميتحجى حتى من يلمسني بعصبيه وبااذيه من اگله دا اتاذه يزيد جنت اسكت اگول اعصابه تعبانه مرات اتهرب منه بس هو ميفيد وياه لاتهرب واعتذار ياخذ الي يريده ان جنت راضيه او لا؛رغم كلشي بس اني عشقته كمت اشوفه احلى شخص بدون منازع حتى من يعصب احبه صح صار ماعندي اي راي او كلمه بس راضيه مهم وياه واحتلونا امريكان وصار السقوط وصار النهب وقتل وصار عمر ميطلع من البيت ماكو بعد دوام انحلت دوائر مالتهم وصاروا همه مستهدفين دارت الدنيا عليهم امه جانت تگله سافر بس هو قافل اكثر وقته يلعب بالسلاح مالته يخليني انرعب هوايه احس بيه بركان يريد ينفجر شويه منطقتنا احسن من منطقه اهلي بدا صالح يتحضر هو زنوبا للسفر جنت اگله احنه هم بس هو قافل عصبي حتى كام ينام بالصاله مو يمي
مره گلي اذا رادو يكتلوني مااروح وحدي اخذهم وياي گام ميفارق السلاح اني صرت اعصاب ادعي الله  لايحرمني منه مااريد غير بس اضل وياه اذا صار عليه شي اتخبل بس الفكرة ترعبني
بهاي اثناء زنوبا صارت عده ولاده مبكره وجابت ولد وسموه امين عل اسم ابو صالح مگدرت اروح اشوفه منطقتهم مو امان حتى صالح  ميبات بالبيت مالتهم
اما اخو لعمر صار هو يتسوك النه ويجيب اشياء الي نريده ومرت ايام عصيبه عليه كلش گمت احس بشعور امي من جان ابويه يروح للحرب وتظل تبجي لاتترمل احس غصه بگلبي. يارب لاتحرمني منه مااتحمل صدمه لخ. من اروح يمه يظل يتناگر وياي ويدردم اعصابه تعبانه ميقبل البس ملابس نوم يكلي لبسي مستور  اكثر من مره دلاني عل فلوس وحجى الي عل املاك عدهم واملاكه هو الخاصه  بيه من يحجي يهج كانما ديحضرني للاسوء شي جنت اسد اذاني واگله مااسمعك. وسافر صالح وزنوبا بلا مااودعهم وضلت امي وامير بالبيت بعدين يروحون وراهم من يلكون مكان زين ومرت ايام وعمر لحيته طوله ويقضي الوكت كله يتدرب ملامكة يضل ساعة وره ساعة يقضيه يتدرب اكل قل
وبيوم 9/21 طلع عمر بسيارته ومرجع  ظليت الليل كله انتظر ماكو تخبلت امه واخوه معافوني ظليت الوب عليه ممصدك بعد مااشوفه دمعتي منشفت ليش مستكثرين عليه الفرح ليش تاخذوا مني مر شهر واحنه منعرف شي عنه الله لايراويه لااحد من تقفد شخص عزيز ومتعرف هو وينه لا هو عايش ولاهو ميت گلبي نار ولوعه هو من طلع مااخذ هويته وياه وره شهر طلعت حامل بس فرحه مدخلت گلبي شسوي باابنه اني اريد هو اريد حضنه اريد اشم عطره مااريد شي بس هو. امه واخوه مبطلوا سؤال عليه ودفع فلوس بس علمود يعرفون مصيره امه كل شويه متخربطه سكر وضغط اني صرت حطام لا اني عايشه ولااني ميته من اگوم اوكع من طولي ياربي اذا عمر ميت موتني وراه مااريد اظل عايشه  واذكرت مرة عمي من تگلي انت مثل امج تگمعين رياجيل ومرت ايام واخو مبطل سؤال عنه الى ان يأسوا منه وفكروا بعد ماالهم عيشه بهذا البلد وقروا يسافرون ظلت امه تتوسل بيه اروح وياهم بس اني مقبلت جنت اگله انتظره يرجع وره اسبوع سافروا اهله واني رحت لااهلي يم امي وامير وظليت عايشه ويه ذكرياتي الي هيه بس ويه اموات
غيرة رجل
جزء33() 
وبدت بطني تكبر واني اكول لاابني شراح اگلك عل ابوك الي حتى گبر استكثروا عليه  طلع بعد مرجع وبدت امي سوالفه عل طالبي بالورث ليروحن ياكلون حقج وتطلعين من مولد بلا حمص اني صافنه عليها هاي شحجي وياها هو عزيز گلبي راح وخلاني تريد ادور وراه فلوس جان ماعندي اله صوره بس هويته مگابلته وگاعد واحاجي بيه ليش عفتني ليش كل الي احبهم يموتون اني نحس لو ادري محابتك وظاله كارهتك شعشت وياك هاي كم يوم اوووف ربي فدواتك كله عمري 19 سنه واني شايفه ضيم وبلاوي ربي مااريد بعد اعيش جنت افكر انتحر بس شلون وطفل بطني ومرت ايام سوده عليه وتقرب موعد ولادتي واني كارهة الدنيا ومابيها راحت امي اشترت كم حاجه لطفل امي تكلي شراح تسميه.
يمه ماادري خابرت امه تسال عليه وكتله اني مبقه شي واولد كتله عل اسم گالت بكيفج قررت اسميه يزن.
طبعا حماي كل فتره يدز الي فلوس وهو عمر عنده فلوس واجت موعد الولادة مالتي جنت كلش ضعيفه ومابيه حيل اتطلق ظليت الليل كله اطلق تعبت حيل وبعدين ولدت واجه يزن يضحك للدنيا وميعرف ابوه وين ظليت اول ايام ابجي وكنت ارضعه واذكر عمر.
وفد يوم فتحت الباب والگه حماي احمد بالباب تفاجات بجيته كان كلش سعيد وكلي لكيت اسم عمر بالسجن مال ابو غريب عد امريكان من فرحه اغمى عليه مصدكت عايش موجود اسم باليونسيف
ووكل محامي حتى يطلعه وگلي اول ميطلع يسفره سوريا لهذا احنا لازم نسافر اهناك وبده حماي يصفي بااملاك مالتهم واليكدر يااجره اجره وحول اغلب الفلوس  لسوريا واشتروا اهناك بيت وبدينا رحلتنا اني وامي وامير ويزن وسافرنا ال سوريا امي راحت يم صالح واني رحت بيت اهل عمر وعمتي موسعتها الدنيا من شافت يزن وظلينا ننتظر عمر يطلع ويجي النا ومر شهر وشهرين واني انتظره وخابر حماي وكال عمر طلع يمه گلبي راد يوكف من فرحه يزن گام يكعد ممصدكه راح اشوف عمر وخلال يومين هم اجوي سوريا واندك الباب وفتحته واشوفه يمه مسيطرت عل روحي شبگته وابجي وابجي ابوس بيه وامه تبوس بيه بس هو ساكت ابد محجى ولامبين عليه اي تأثير ولاعبالك صار شكد مشايفنه وكعدناوجبت يمه  يزن حتى يشوفه بس ابد مشاله ولا كأنما ابنه .واجه صالح وزنوبا وياهم امين وزنوبا هم حامل.
ممصدكه شوكت يجي ليل واكون وياه وانام بحضنه واكون بين ايديه واجه الليل ودخل عمر للحمام يسبح ومن طلع من حمام جنت متحضره اله مثل عروس دخل للغرفه وشافني گال تعبان اريد انام .
انصدمت كلش منه ودار وجه ونام اجيت يمه حضنته كلي لاتتقربين عليه وخرني
غيرة رجل
34
مكدرت افهم شبيه وكلت ويه روحي يجوز تعبان خلي اعوفه طبعا ليله جانت كلش طويله لان هو كل شويه يگعد من نوم ويصرخ اكثر من مره  كان يزن يمنه بالغرفه كل شويه يفززه وحرت بيه ميقبل اطخه كان لابس هدوم كامله اني اعرفه هو ينام بالملابس داخليه جان جو مو حار بس هو كلش يعرك هوايه وصار الصبح واني منايمه ابد كانت عمتي كلش حاسه باابنها بس هو ميخلي احد يتقرب عليه احمد گال احنه ننطيه وكت اذا متحسن نودي لدكتور نفسي يشوفه الصبح سويت اكل لعمتي ولااحمد وبديت اسوي اله اكل اعرف شياكل بس هو بقى بالغرفه مطلع كل ساعة يروح لحمام مااعرف شيسوي اني خفت احتك بيه ليروح تصير الي مشكله خليته عل راحته .دخلت اله اكل شفت يروح ويجي بالغرفه گتله جبت الك اكل حطيت عل ميز
شوفي اني مااريد تبقين وياي بالغرفه سمعتي
ليش اني زوجتك اكدر اني وياك نتخطى مشكله
اخذي ابنج وطلعي اريد ابقى وحدي
حسيت بيه عصبي اخذت يزن وطلعت بس وين ابقى وصار عندي خيبه امل جبيره هذا مو نفس عمر هذا واحد مهزوز ماعنده ثقه بنفس حتى لبسه ماادري شلونه غير شخص تماما ميقبل يختلط ويانه رحت عل اخته وكتله لازم تعرفين شنو الي ديمر بيه عمر بحكم انت دكتوره
كالت حبيبتي امريكان عادة عذابهم يكون نفسي اكثر من جسدي
مافهمت
يعني مثلا يضلون نهار كامل جابريج عل گعده معينه او يخلوج تسمعين موسيقى صاخبة طول اليوم او يخلوج متنامين او يعتدون عليج جنسيا زائد انه يعروج بالكامل امام الجميع اساليبهم تخبل الواحد  رجلج هسه مخبل رسمي مثل قنبله ميعرف شلون او شوكت تنفجر اني انصح توده مصحه هذا خطر علينا
ظليت اسمع واني مااعرف شااسوي شلون اساعده
احمد حاول اكثر مره يتقرب اله بس هو بحاله هيجان دائمآ
وقررنا نودي لدكتور وفعلا ودينا بس الدكتور  كاله ينراد اله وكت طويل يلا يستجيب للعلاج وبدينا مرحله العلاج وياه مرات اشوف نايم اجي اگعد يم راسه العب بشعره اووف شگد مشتاقه الك عمر ارجع الي وين هذا الشخص هيبه الحاد الطباع وين عيونك الحلوه ارجع حبيبي لحضني ارجع الي واحضني  عوضني عن حرمان اخذ ابنك بااحضانك.
وعدت ايام وهو ماكو تغير بحالته طلبت من احمد يجيب اله شغلات مال رياضه وملاكمه بلكي تتحسن نفسيته  وفعلا الولد راح وجابه وبدينا بنصبه كان عمر يشوفنا اني واحمد نشتغل وحتى عبير تشتغل ويانه بس ميدخل بس يتفرج يعوفنا ويطلع
اهتميت بااكله هوايه بس ردته يرجع جسمه مثل گبل ردت اشوف جسمه بس ابد ميقبل أحد يتقرب عليه مره باليل كعدت عليه يصيح رحت عليه جان عرگان جبت وصله وامسح وجه وظليت اقره عليه ادعيه ظل يباع عليه وحط راسه عل صدري ظل حاط راسه وگلي تعبان اريد ارتاح بسته من راسه وامسح عل راسه تقرب الي اكثر كام يبوس بيه مصدكت بادلته واستسلمت اله بس عل غفله انتفض مني وكلي اطلعي بره
عمر هاي شبيك حاولت ارجع شو هذا كمشني من ايدي وطلعني وقفل الباب جانت حالتي حاله صدك اتاثرت واندمجت بس ليش اتوقف ظليت الليل كله مانمت .وره يومين اجه ياكل ويانه وجنا فرحانين بيه ونضحك بده احمد يكول نكات ونضحك شو هذا گال كافي تضحكين كومي جيبي الي مي اني خجلت منهم وكمت رحت اجيب اله مي
احمد گله عمر هاي شبيك خطيه ترى انت مو جايبه بس خدمه هاي انسانه عده مشاعر
شو هذا گام وهجم عل اخوه ويضربه وامه واخته بينهم يعيطون واجيت احاول افاكك بينهم امه طلعت اخوه بره هو عيونه نار اجه عليه انت شيكايله عليه اني مو رجال وجرني لغرفه جر اريد افلت منه مااكدر امه خربت وعبير حارت بيها دخلني للغرفه وبدا يضربني اتوسل بيه يعوفني
هسه اراويج منو مو رجال
كان جسمه مشوه خفت منه اكثر
كام يشكشك بهدومي  مااعرف شنو الي صار بس جان اشبه بتعذيب مو علاقه بين رجل وامراة اشبه بااغتصاب كام مني وهو مثل منهار وكعد بالگاع وحط راسه بين رجليه ردت الم بروحي جسمي كله دم ويوجعني ردت بس استر روحي واطلع عل ابني اليبجي بره خفت لينتبه عليه بس تناوشت الباب وطلعت وقفلت الباب من بره جانت عبير تبجي واني دخلت للحمام اغسل اريد اعرف او افسر الي صار ليش هيج ردت فعله كانت
من صحصت امه گالت نودي للمصح الى ان حالته تستقر
غيرة رجل
35
ورجع احمد للبيت وجه مزورك خطيه اخته سوت اله كمدات مكدرت احجي شي عل الي صار بيني وبين عمر بس عرفوا هو ضربني من كدمات الي بوجهي ظل محبوس بالغرفه ومن الصبح ودينا عل دكتور كلش جبير من اطلع عل حالته گال هذا خطر عليكم لان حالة كلش متازمه لازم مصحه گلبي گام يوجعني شلون حبيبي يدخل مصحة من رجعنا للبيت جنت منهاره كلش. عمر كان كلش هادئ رحت عل عمتي وگتله عندي الحل
شنو گولي بنتي
اخذ عمر واسكن وحدنا بشقه واني اعالجه
يمه يروح يگتلج
لا تخافين بس انت يبقى يمج يزن لان مااكدر اخاطر بيه
وتعوفين ابنج
خاله مستعد اموت علموده
كامت باستني وگالت اخلي احمد يشوف الج شقه وحدكم
وفعلا طلع حماي عل دلالين يدور شقه
واحنه ظلينا قافلين الباب عليه بس اني كنت ادخل عليه اسوي اله اكل وعصاير جنت احسه ابني مرات اشوفه يبجي
واگول ويه نفسي شسوه بيك الي خلوك هيج تبجي مثل نسوان الله اكبر عليهم جنت اذوب اله حبوب بااكل لان ميقبل ياخذهم من يصحى يگوم يلعب رياضه
واجر النه احمد شقة وبديت اجهزها سويت اله غرفة رياضه وغرفه من تجيه الحاله احبس بيه وگتله لااحمد كل يوم يخابرني حتى اگله احداث وهو بدوره يگول للدكتور ويسوك النه مسواك واجت لحظه تحولنا الى شقه جانت لحظه صعبه عليه اعوف بيه ابني يعني راح ينفطم مني وتحولنا جان عمر هادئ جدا غمرته بحناني. هم حوله الى وحش مهمتي ارجعه انسان عاملته مثل الطفل واستمريت بالعلاج اني اعرف حاله تجيه لمن يگوم يروح ويجي ويتعرق اخليه بالغرفة  وحده واقفل الباب عليه يبدي يصرخ ساعه وساعه يبجي الى ان يهدا وادخل عليه مسويه اله كله خضار وعصاير كلها طبيعي واحجي وياه شلون التقينا وشلون بدا حبنا ظليت اسجل ساعة الغضب مالته كل شكد تجيه وانقله لااحمد واحمد ينقله للدكتور جانت الحاله  تجيه ثلاث مرات يوميا وتطول ساعتين خلال عشره ايام صارت الحاله  تجيه  مرتين باليوم الدكتور گال هذا تتطور جبير .كلش فرحت هوايه تعبت وياه تقريبا هو نومه متقطع وانطاني احمد ادويه تخليه ينام متواصل حتى حاله تستقر نوم المتواصل يساعد عل هدوءه ومر اسبوع لاخ بس عمر بقى تجي الحاله مرتين بس الوكت مالته قل صار ساعه وحده بس. بعد ماكانت ساعتين . وكال الدكتور من تبدي الحاله عده تقل لازم اكون وياه حتى نشرف مدى خطورته وهاي كانت مرحله الصعبه
غيرة رجل اخير
36(ام احمد)
لما صار لازم اتواجد وياه بالغرفه گلبي وجعني عل ابني خاف يصير بيه شي ويبقى بلا ام  وخابر احمد وگال اني اجي وياج  بس ابقى خارج الغرفه من تتازم اوضاع ادخل. صح احمد نفس طول عمر بس مو ضخم ولا يگدر يوكفه عد حده لان عمر ملاكم وهذا بحياته ملاعب رياضه وبنيته مو مال رياضين  قبلت بااقتراح احمد بس خفت لاعمر يسوي بيه مثل ذيج مره واحمد موجود صعبه كلش.
واجه احمد هو وعبير كالت اني اضرب راسا إبره  مهدئ كانت فتره حاله هيه 45 دقيقة  وبده عمر يتوتر واخذت من ايده ودخلت للغرفه وبديت احجي ويا عل شلون اول مره التقينا ووكعت الصينيه بحضنه بس هو كان منفعل كلش يروح ويجي وحجيت اله شلون جنت اشتاق اله وشلون تمنيته يكون وياي من جبت ابنه وشوفته صور يزن بس كان بغير عالم اتقربت منه وكمشت ايده وبسته گتله انت قاتلت حتى احبك عمر اني راح اسوي المستحيل علمودك احبك عمر انتبه عليه وحصرني بالحايط نفسه سريع اتقرب عليه صح جان گلبي خايف بس حاولت اكون وياه طبيعيه واظهر كل الحب الي عندي كمشته من صدره
عمر احبك
رفع ايده وكمش راسي قوي ردت اصيح بس كلت لا خلي اصبر
عمر احجي انت بعدك تحبني
وضعي جان لايحسد عليه مثل قتال بين عصفور ونسر. رفع ايده راد يضربني غمضت عيني بس مضربني ضرب حايط فتحت عيوني عافني رواح گعد بالگاع وبده يبجي رحت كعدت يمه خله راسه بحضني
اميره وجهج الوحيد الي جنت اذكره واشوفه بالمعتقل انت الوحيده الي كنت اريد اظل عايش علمودها انت الوحيده الي كنتي سبب قوتي من يغمى عليه من تعذيب اشوفج يمي وتلعبين بشعري وتگولين الي عمر احبك.
وانفتح الباب ودخلت عبير وشافتنه ابتسمت وطلعت
ظليت العب بشعره ولحيته هو مستسلم الي وغفى ونام.
بدا عمر يتحسن وكان كل مره يحجي شي بسيط عن ظروف اعتقاله وصارت الحاله تجيه مره وحده واقل عنف واجه دكتور وشافه وگال تحسن كبير هسه لازم بعد نسوي الج تمثال ونحط بالمسشفى مالتنه انت عالجت حاله صعبه
وكامت عمتي تجي وتجيب يزن وياها وعمر بده يلعبه ويشبكه جنت طايره من فرح عليه خفت لا يزن يكبر هو محاس بمشاعر ابوه مثلي بالضبط جنت اتمنى ابوي يضمني او يحطني بحضنه .بديت اطلعه للمتنزهات واظل كامشه ايده واكول للعالم كله مراح اتخلى عنه وبده عمر يقبل ينزع هدومه كدامي صح المنظر بشع بس كنت مااظهر اله هذا وكام يخليني انام بصفه  ورجع الدكتور عليه وغير اله ادويه ونبهني انه هو راح يظل يشرب بعض هاي ادويه العمر كله ولازم ابعده عن جكاير والشرب وكلي هسه طبيعي وتكدرين اتجيبين ابنج هم طرت من الفرح ممصدكه  الي اسمعه ورجع عمر مثل گبل يهتم بروحه وزين لحيته وخبال مالته مال غيره رجع اله وسوينه حفله جبيره  وعزمنا اهله واهلي ومن خلصت الحفله رحت نومت يزن بغرفته
واجه عمر عليه واشوف بعيون اشتياق وحب وغرگنا اني وياه بالحب

وره سنتين
اميره مطلعين يعني متطلعين
لا اشو اطلع
لاتعاندين ترى اكسر راسج
متكدر
شنو
ههه لانك تحبني وتخاف عل نونو الي بطني
متعرفين لعد
لااعرفك مخبل وغيرتك مال مخابيل
هاي عليمن
عليك
اصبري الي
ههههه احبك امووت عليك وعل خبالك وغيرتك
وبسنة2010رجعنا للعراق بس مو بغداد سكنا بااربيل وعشنا أحلى حياة ويه زوجي وحبيبي عمر

وخلصت قصتنا وشكرا عل متابعتكم الي واسف طولته عليكم

تحياتي الكم /قصص عراقية حقيقية