بالسادس عافني مو مثل قبل لان بده من العطله سافر 3شهور للبصره اشتغل وي عمومته اشتاقيتله كلش ومن رجع وكت الدوام التهى بدراسته ومحاضراته لان سادس جنت اشتاقله وجان كل ميشتاقلي فد نوب ياشرلي من الشباك مال غرفته اصعد للسطح نسولف لزم ايدي سالفه ساعه وانزل كل يومين واني التهيت تعلمت اخيط واشتريت مكينه وكمت اخيط هدوم للعالم شوي شوي جراجف على جهاز طفل لحد ماضبطت الخياط واجاني ال2متوسط التهيت بالقرايه وميصير عدي وكت اكمل خياط العالم ونوبات كل يومي تصير 3ايام واني ممحاجيته ومن نتشاوف احس عيونه كلها شوق
سرمد- التهيت بالدرسه والشغل كمنا منتلاكه هواي بس ابقى اشتاقلها وببالي ابني مستقبلي وياها كملنا سادس وهي كملت 2صارت ب3واني طلعت معدل 92انقبلت هندسه اخويه قرر يسفرني اكمل دراستي بره يعني اربع سنين بلندن
فرقد- سرمد حبيبي هذا مستقبل وهنا بالعراق للاسف ماكو مستقبل اني اريدك تصير فد شي افتخر بي اطلع للندن وكمل دراستك طبيب احسن من مهندس هنا مو ناجحه الهندسه بس الطب تكدر تفتح عياده واشو الحمد لله ابويه عافنه كومه فلوس وانت سبع مدبر مو صراف اطلع وكمل بره
سرمد- عجبتني فكرته بس شون اعوف غسق اربع سنين
غسق- من عرفت الموضوع تخبلت راح اشتاقله شون هو بصفي والوب على شوفته مو عاد بلندن حتعوفني
سرمد- حبيبي اكمل دراستي وارجع اتزوجج
غسق- واذا نسيتني
سرمد- ولج شون انساج صرتي وصله من كلبي غسق- عفيه خابر دائما
سرمد/ طبعا وسافرت
غسق- من سافر بالبدايه جان كل يومين يخابرني وراها صار كل اسبوع وراها صار كل شهر دنمتحن نهايه السنه مال ثالث متوسط هو هسه هم ديمتحن اول طب صار شهرين ممخابرني صار التهجير اهله شالو من المنطقه كعدو بحي البنوك لان ارقى واخوهم واصل فشترو بيتين هناك سلمى تزوجت وصارت مدرسه رشا صارت بالكليه هندسه حاسبات مخطوبه لابن عمها
مراد اخويه شال ايده من مصروف البيت لان اني كمت اخيط خياطي صار فن وجمعت 6ملايين رممت بيتنا وصبغته والباقي اشتريت بي ذهب كمت اخيط واشتري ذهب اخويه مراد كام ميحاجيني لو يضربني يروح ويجي ماله دخل بيه مراد دائما يخابرنا واستقر يم خالي وخطب بت خالي انقطعت اخبار سرمد وبقيت مهتمه بدراستي اني هسه رابع عام وشاطرهً كلش وعدي فلوس ممحتاجه احد خليت خط يوديني ويجيبني للمدرسه وحنروح اني وامي للحج هالسنه نجحت من الرابع تقدمولي ناس هواي واني ارفض انتضر وعد سرمد المقطوعه اخباره فد يوم دك التلفونً رشا خابرتني طلعت متزوجه بالحله هي وسلمى اخوه وسالتني عن حالي وشكو ماكو بشرتها كتلها رحت للحج والحمد لله باحسن مايكون كلتلي امي الباجر تجيكم فرح كلبي كلت اكيد حته تخطبني لسرمد كتلها كل الهله بيها وصدك جتي وضلت صافنه عليه صرت احلى من قبل نضجت اكثر فتحت الموضوع وي امي امي كلتلي شنو رايج يمه يردوج لابنهم ابتسمت وهلهلت ام سرمد واني كلبي طاير بس ليش مكلي سرمد اجوي وسوو الفاتحه قروها سالت رشا لعد سرمد شوكت اجه رشا كلتلي مجاي سرمد بعده بلندن وابد ميخابرًهنا حسيت الدنيا وكفت قروً فاتحتي على اخو فرقد كملت رشا امي زعلانه على سرمد حاب وحده بريطانيه يريد يتزوجها كلتله لا ريدك ولا ريدها وهو بعد ما اتصل بينا صار شهر انصدمت هذا سرمد هيج يسوي وافقت على فرقد عناد بي وهو ميتعيب وفقدت الامل يرجع سرمد بعد فرقد دخل شافني وصلى على محمد من شافني فرقد صار لواء ويمشون وراه حرس صار العرس وفرقد ماكو تواصل ويايه ابد ماخذني على كد عقلي اني 16سنه وهو27سنه الفرق بينا جبير وضل شوي شوي يله دخل عليه مكدرت احبه قاسي وميعرف يتصرف وي مره عكس سرمد فرقد جان اقل شي يمد ايده واني احس الي مركزي وشخصيتي من بعد ما استقليت بشغلي ىاعتمدت على روحي فرقد ضيع كلشي لادراسه لا شغل احلام ماكو امه خطيه انشلت وسلمى ورشا بالحله ميكدرون يجون اني عدي مشتمل فوك اهله نزلت جوه لان امه ببحدها اداريها ونوبات يطلع خفر يومين ويرجع ارتاح بيهن منه ومن قساوته من يجي لحد مايطلع يصيح وميعجبه شي حاىلت ويا بكل الطرق بحنان برقه بشخصيه بزعل جان يضربني وياخذ الي يريده ميفيد ويا شي صا ر سنه على زواجنا اني حامل ب9 صار غدي ولاده وجبت سميته مراد على اسم اخويه وفرقد كيف بالولد شوي فتره صار بيها عدل مكام يضرب ويصيح ورجع نفس الحاله اليوم احد طلع فرقد الفجر ولحد هسه مراجع وتلفونهً مغلق وامه كلسا تسال عليه ضل بال
