سرقتي قلبي

البارت 17-18-19-20-21-22-23

#سرقتي_قلبي
للكاتبة ميار الشمري
الجزء16+17+18+19+20+21+22+23
#قصص_عراقية_حقيقية
عم عبير ،،،ارتخى وسكت وكعد وكال بأمكاني اتنازل عن القضية بس بشرطين
فيصل،،، موافق عليها بدون مااسمعها
المحامي ،،،طول بالك فيصل خلي نسمع شروط العم شنو اتفضل عيني شنو شروطك ؟؟
عم عبير،،،10 ملايين تعويض وضرر عن كل الي لحقنا ومصاريف علاج عبير ووالدها    ميار الشمري
فيصل،،،دنكت وكلت موافق
المحامي ،،،هذا شرطك اعتبرة صار والثاني؟؟
عم عبير،،،يتزوج عبير ويخلصنا من الفضيحة الي اجتنا من تحت راسة حتى وان كان زواج شكلي وفترة من الزمن  ميار الشمري
المحامي باوعت لفيصل وكلت شنو رائيك
فيصل،،،غمضت وتنهدت وكلت موافق
بس هم عندي شروط
عم عبير،،،لا شروطك مامقبولة مامن حقك تشرط
المحامي هسة دسمعها ياعيني والك حق ترفض او توافق
عم عبير،،،اتفضل شنو شروطك
فيصل،،،تجيبلي باجر استقالتها من القناة قبل لا اعقد عليها واطلع اليوم قبل باجر  ميار الشمري
عم عبير ،،،موافق اطلعلك اذا تحب اليوم بس تعقد عليها واستقالتها باجر اجيبها الك وشوكت متحب تاخذها لبيتك اخذها
فيصل،،،اوك اسقط الدعوة وخليهم يطلعوني ومن تفيق عبير نعقد
عم عبير،،،لا لا عيني شنو الي يضمن متتراجع بكلمتك
فيصل،،،له له مو اني الي اتراجع بكلمتي اعتبر كلمتي مثل السيف ولو على كطع ركبتي مااتراجع بيها
عم عبير،،،اليوم اطلعك وباجر تجيب المبلغ واجيبلك استقالتها واتوكل عنها وازوجك اياها بالمحكمة
فيصل،،،صفنت بي شكد نذل لعد كتلة اوك ماشي   ميار الشمري
فيصل ،،،سقط الدعوة عمها ودفعت كفالة عن السلاح وسحبوه مني  جانوا مجمعين اقاربنا ونص العشيرة واشتغل الطك والناس تهنيني بسلامتي وفرحانين بطلعتي  ودخلوني بهوسة وزفة لمنطقتي ولبيتي وجانوا يكولولي شيخنا احنا بظهرك وماننطي بيك ولا نصدك كل شي نكال عنك وكلنا عد عيناك فرحت كلش وارتاحيت اهلي وناسي مانطو بية ويعرفون معدني بس جنت كلش تعبان وجسمي مكسر وحالتي حالة ميار الشمري
من دخلت للبيت شفت والدتي حالتها حالة وبين الحياة والموت بس فرحت بشوفتي كلش
غسلت وغيرت ملابسي وكعدت يم راس الحجية وبوستها جنت من النوع السراني ومااحب احجي او اشكي همي  ميار الشمري
امي ،،،يمة والله ماصدكت اشوفك بعد والله بيومها كلبي حسني بس ماكدرتلك ولا كدرت امنعك
فيصل،،،دنكت يمة الحمد لله عدت على خير انسي يمة كلشي
كالت والدتي عمك متعب ماقصر هو ومرتة وبناتة ووكفولنا خوش وكفة ولوما هو جان اني حالي غير حال
فيصل،،،جزاه الله خير ربي يكثر من امثاله نعم العم ونعم الظهر  ميار الشمري
ام فيصل،،،واني حجزت بنتة زهور
فيصل،،،يمة مو وكت هالحجي الله يخليج 
ام فيصل،،،،جان والدك حاجزها الك من هية وصغيرة وهاي وصيتة من قبل ليموت وانت تعرف هالشي كلش زين ومن صار الي صار وياك محد وكفلنة الا همة
فيصل،،،يمة انتي سمعتي بكل الي صار وياية والاشاعات والتهم الي لفقوها الي
ام فيصل،،،وليدي مو ثبتت برائتك واسقطوا حقهم وطلعوك  ميار الشمري
فيصل،،،يمة طلعوني بس بشروط
البنية الي جانت وياية هم معروفة وسمعتها صارت على كل لسان وهية ماالها ذنب اهلها طلبوا مني اتزوجها مقابل ان يسقطون حقهم  ميار الشمري
ام فيصل،،،عزة وخليت ايدي على خدي فيصل هاي مو من ثوبنة شلون تصير مرت الشيخ
فيصل،،،يمة شنو اسوي لعد فهميني؟؟
ام فيصل،،،اويلي عليك يمة وزهور ووصية الشيخ   ميار الشمري
فيصل،،،اجليها يمة مو وكتها هسة
ام فيصل،،،وليدي هاي الحضرية راح تنزل عكالك وتقل من شانك بين العربان  ميار الشمري
فيصل،،،يمة ماراح اتزوجها اذا متستقيل والبسها عباة وبعدين هو زواج شكلي فترة وينتهي كلشي
ام فيصل،،،نصيت وكلت والله يمة مااعرف شأكولك شور عمك وشوف
فيصل،،،ان شاء الله يمة  ميار الشمري
تكلمت مع عمي ابو زهور على وضعي كلة وشصار وياية
ابو زهور ،،،عمي انت  نطيت كلمة الهم وكلمتك متثنى ووعد الحر دين منحقك اربع والشرع محللك وشيوخنا كلها تثني وتثلث وتربع هم لكن الحضرية اذا متكون كفو وتصونك وتصون عرضك وشرفك لتخليها على ذمتك ابد  ميار الشمري
فيصل،،،ان شاء الله عمي
ابو زهور،،،وشوكت ماردت زهور كبع واخذ وهي بنت عمك بعد مو غريبة ومقرية فاتحتكم من جان ابوك الله يرحمة بالحياة
فيصل،،،عمي اتشرف بنسبكم بس خلي تعدي هالايام على خير
ابو زهور ،،،والانتخابات فيصل
فيصل،،،نصيت تركتها وطلعت من عيني بعد كل الي صار راح انسحب واكتفي بالي صارلي والحمدلله على كل حال
فيصل،،،ثاني يوم بلغني المحامي فاقت عبير وماخذين اقوالها بس متقبل تنعرض للفحص ولان سقطوا الدعوة انغلق كلشي فأنت بعدك على حجايتك تعقد عليها
فيصل،،،اي طبعا مستحيل اتراجع لعبتهم هاي ولعبوها صح وحلال على الشاطر  ميار الشمري
المحامي اوك حضر المبلغ وتعال للمحكمة حتى نتصل بعمها
عبير،،،اخذوا اقوالي وحجيتلهم كلشي جان عمي بس يخزرني من طلعوا امي وعمي كالولي انه رفعوا دعوة على فيصل وشنو صار بي وانه عمي مااتنازل الا من شرط عليه يتزوجني حتى تسكت العالم وميظلون يحجون على سمعتي  اتخبلت وصرخت على عمي حتى يطلع من حياتي وليتصرف من كيفة
طلع عمي وهو يصرخ علية وعلى امي كمت ابجي على الي صار مع فيصل
من تحت راسنة
وشلون فرضني عليه فرض
كعدت امي يمي تبجي عبير هو هذا احسن حل ابوج هم نفس رأئي عمج لتصدكين هين علينة بنتنة الوحيدة ننطيها لواحد مثل فيصل. ميار الشمري
عبير ،،يمة ليش هيج تحجين على فيصل مو زين قبل يرتبط بوحدة مثلي ماما صعب واحد مثلة يرتبط بحضرية طبائعهم وعداتهم وتقاليدهم تحتلف عنا كل الاختلاف
امي ،،،اي اعرف لذلك شرط ميعقد عليج الا تقدمين استقالتج همجي
عبير ،،،،ميلام عاشت ايدة
ام عبير ،،،هاي شبيج تخبلتي عبير
عبير ،،،لا متخبلت بس هالقناة جان المفروض فيصل يرفع عليهم دعوة ويغلقها كلها نفاق وجذب واني اصلا بعد مااتشرف اكون بيها
ميار الشمري
وللقصة بقية،،،،،،، #سرقتي_قلبي
للكاتبة ميار الشمري
الجزء 17
فيصل،،،رحنة للمحكمة وعقدنا ونطيتة المبلغ ونطاني استقالة عبير اخذتها وباوعتلى بطرف عيني وعفتة ورجعت للبيت  ميار الشمري
عبير،،،جابلي عمي العقد مالت الزواج وجنت طالعة من غرفتي الي بالمستشفى وكاعدة اني وامي يم ابوية جان لسانة ثكيل ومو كلشي ينفهم عليه ظليت حاضنة ايدة وابجي واكول شلون هيج انكلبت حياتنة من جابلي العقد عمي وكلي بأي لحظة ممكن يجي ياخذج جنت اباوع لابوية وامي واحس الحسرة والقهر بعيونهم بنتهم الوحيدة هيج يصير بيها وهيج ترتبط جنت مابين فرحان لان ارتبطت بفيصل الي ماحبيت ولا حسيت هالاحاسيس لغيرة وبين اهلي ووضعهم وشلون ممتقبلي لغيصل وويلي عمي الي صغرني وحسيتة فرضني عليه فرض وويلي فيصل وشلون دمر مستقبلة من تحت راسي ولو جنت احس فيصل ميفكر بهل طريقة واكيد راح يفرح بأرتباطنة كلت خلي ابيع ثكل ومااكلمة الى ان يهدة وهو يكلمني  ميار الشمري
مرت الايام ومااتصل فيصل وبابا طلعناه من المستشفى وبدأ يتعالج علاج فيزيائي والتهيت ويا بس جان فراغ فضيع بداخلي على دوامي وتأكدت انه فيصل ماخذ مني موقف بسبب الي صار لان عدة اسبوع من عقدنا وهو لا حس ولا خبر
ومرة كاعدين الظهر ووحدة من القنوات جانوا مسوين روبورتاج عن الفساد والمرشحين للأنتخابات وشلون تاريخهم حافل بالفضائح والجرائم المخلة ومن ضمنهم ذكروا فيصل ونزلوا صورة من جان مكلبش وديدخلوا الشرطة للمركز انقهرت كلش وكمت ابجي عليه كلت اني لازم مااسكت شفت اسم المعد وعرفتة جان زميل الي حاولت ادبر رقمة مالكتة اتصلت بأستاذ عدنان وطلبت منة عنوان القناة دزلياه وكلي عبير اتركي هالموضوع ماطول ماذكروج بالروبورتاج طلعي نفسج من هالقصة ولاتتورطين اكثر   ميار الشمري
عبير،،،صار زوجي أستاذ عدنان يعني بالحالتين متأذية وهذا ظلم واني صاحبة المشكلة واذا ماابري منو راح يبري وبعدين مو طلع براءة الى متى الصحف الصفراء تصعد وتحقق نجاحها على اكتاف اعلام المجتمع والفاسد الصدك محد يكدر يهوب صوبة   ميار الشمري
اخذت العنوان ورحت اغير ملابسي
فيصل،،،الظهر اتصلوا بية وكالولي دير للقناة الفلانية وشوف من شفت فار دمي وشمرت الريمونت على الجهاز اتصل بية المحامي مالتي وكلي تكدر ترفع قضية على القناة طعن وتشهير وقذف خاصة من بعد ماثبتت براءتك
فيصل،،،انت وين اعرفلي عنوان القناة اني جايك   ميار الشمري
غيرت ملابسي وطلعت شفت ابن عمي وصديقي جانوا فايرين على الي صار وكالوا احنة وياك للموت وماراح نعوفك ركبوا وياي ورحنة ماوصلنا الى العصر ومريت للمحامي ورحنا للقناة الولد جانوا حامين ومن طبينة بلشوا يصرخون ويسبون لزموهم الامن وطلعوهم طلبت اتكلم مع صاحب القناة ودخلوني الة جان خايف ومرتبك هلة ومرحب بينة كال هذا الفيديوا تلفنا وراح يتحاسب هذا الصحفي وهو بعدة مبتدأ ويدور شهرة فيصل فار دمي وصرخت تشتهرون على حساب سمعت الناس انتو شنو لا ذمة ولا ضمير   ميار الشمري
المحامي طول بالك شيخ اني اعرف شلون اخذلك حقك
صاحب القناة بلش يبلع بريكة وطلب عصير وكال متطلعون منا الا وانتو راضين وراح نقدم اعتذار رسمي من القناة ونكررة بأكثر من وقت
فيصل،،،جنت نار والمحامي كل شوي يطبطب على كتفي ويطلب مني مااعصب   ميار الشمري
بعدين اتصلوا بصاحب القناة وكالولة الصحفية عبير الكناني جاية تريد تقابلك بسبب الي انعرض كال طببوها احنة دنتكلم بنفس الموضوع سد التلفون واندك الباب ماخطرلي انه عبير ممكن تجي دخلت عبير ووكفت على حيلي وهية هم انصدمت من شافتني جانت لابسة بنطلون حصر وقميص شيفون وايدها امبينة منة صعد الدم الى راسي وكمت اخزرها
عبير،،،من طبيت انصدمت بوجود فيصل هناك فرحت بداخلي لان شفتة بس جان متغير ضعفان ومخلي لحية جان يخزر بية بعدين جرني من ايدي وكال اترخص ياجماعة شوي طلعني برة بالكندور وهمس وهو يكز بسنونة ولج شدتسوين هنا ؟؟ وشنو هاللبس هذا بالله عليج ؟؟  ميار الشمري
عبير،،،همست واني خايفة منة فيصل شفت الخبر عنك اليوم بهاي القناة والمعد الي مفبرك الفيديو اعرفة وجنت،،،،
فيصل،،،قاطعتها عبير اغمض افتح ماالكاج هنا وحسابي وياج بعدين يلا وغمض
عبير،،،خفت كلش وفعلا طلعت واني مصدومة لا مستحيل هذا مو فيصل معقولة شبي اخذت تكسي ورجعت للبيت   ميار الشمري
فيصل،،،انحرجت وطلعت من القناة وكفت كدام السيارة واباوع على الشارع يمنا ويسرة اتأكدت راحت كلت لازم اجيبها يمي واعرف عبير راح تعبني بس هي زوجتي عجبني او ماعجبني ومحسوبة علية خابرت على عمها وكتلة اريد اخذ زوجتي كلي اي حقك كتلة انطيني عنوانهم كلي راح انتظرك يمهم   ميار الشمري
رحت ووصلت ظليت كاعد بالسيارة ومتردد بعدين طفيتها ودكيت الباب وطلعلي عمها
عبير،،،من كال عمي حضري نفسج زوجج راح ياخذج خفت كلش وماما كامت تبجي   ميار الشمري
فيصل،،،دخلت انتظر ودخلت امها جانت لابسة تراكسود وايدها طالعة مكدرت حتى ارفع عيني عليها سلمت واني مدنك
ام عبير وصيتة بعبير وجان ميباوعلي صح جان حليوة ومرتب بس يظل عربي عبير طلعت وسلمت بصوت ناصي وكعدت وكف فيصل وكال لازم
نطلع هسة شوي طريقنا بعيد وهمس بدون ميباوعلي يلا عبير كتلة خلي اجيب اغراضي كلي لااا اتركي كلشي اني اجيبلج اي شي تحتاجي
عبير،،،بس ،،،،   ميار الشمري
قاطعني وكلي لتركي كلشي بس جيبي اشيائج الضرورية
طلعنة وماحجة شي فيصل وجنت اباوعلة مركز على الطريق بعدين وكف على محل رداءات وكلي نزلي وفتح الباب نزلت مستغربة
طبينة وكلي من اليوم هذا لبسج وجسمج بعد متبرزي ولا يظهر منج شي فهمتي
عبير،،،جان يحجي وعيونة تجدح نار ابتسمت حسيت ديغار فيصل كلت ماشي    ميار الشمري
فيصل ،،،بصراحة استغربت لان وافقت بسرعة بدون متناقشني جنت متصورها حتعبني
اختاريت عبايات وكلي لفي حجابها ولحكيني لسيارة
عبير لبستها واني اضحك على شكلي وعبالك صرت مثل اهل القرى من طلعت من المحل احس العالم كلها تباوعلي وكل شوي اعثر بيها ركبت بالسيارة وفيصل حابس الضحكة
فيصل،،،جانت طالعة تخبل وج لو شماالبسج تجذبين وطيرين العقل بس خطية جانت كل خطوتين تعثر
ميار الشمري
وللقصة بقية ،،،،،، #سرقتي_قلبي
للكاتبة ميار الشمري
الجزء18
عبير ،،،ظلينة النص الطريق منحجي شي همست فيصل احجي ليش ساكت
فيصل،،،باوعتلها بطرف عيني وكتلها معندي شي اكولة
عبير،،، فيصل انت ليش هيج دتعاملني
فيصل،،،يعني مافهمت شلون تريدين اعاملج عبير اتحطمت والله وكلشي بنيتة صار سنين انهدم على راسي ولبستوني تهم ولد الشوراع وولد الحرام ميسوها وهاي اليوم شفتي وسمعتي بنفسج شحجوا عني بالتلفزيون ليش عبير؟؟ مو انتي اكثر وحدة تعرفين شصار ويانة واكثر وحدة مطلعة على الصار تتهموني وتساوموني على سمعتي بفلوس!!.
عبير،،شلون ؟؟ شلون؟؟
ترة مااسمحلك مو احنة الي نلعب هيج لعبات اني هم بنت عشاير وماارضي بالحرام
فيصل،،،ههههههه شوفوا منو الي ديحجي عن الحرام خليني ساكت
عبير،،،باوعتلة ودمعي بدأ ينزل مني بلا مااحس همست فيصل تعايرني لان فتحتلك كلبي وحجيتلك مشكلتي
فيصل،،،كمت اضرب على السكان لخاطر الله اني شحجيت همست ماقصدت الي بالج والله انتي فهمتي غلط
عبير،،،فيصل ماحجيت مشكلتي لأي بشر ومن فتحت كلبي لاول مرة بحياتي وحجيت حسيت حجيت للشخص المناسب ودموعي بعد ماالحك عليها  فيصل ،،،يمعودة صلي على النبي عبير فهمتي غلط والله
عبير،،،مامتندمة لان حجيتلك بس متندمة لان ضيعت مستقبلي ونسفت كل احلامي وطموحاتي وتنازلتلك لان حسيتك حب حياتي بس انصدمت بيك
فيصل،،،عبير والله هذا الموضوع ماجان بالي اصلا ناسيه انتي فهمتي غلط وبعدين شدعواج لا تتندمين ولا تقهرين بروحج جان الاتفاق مدة وننفصل حتى لو زواج على الورق وهو هذا الي راح يصير وارجعي عيني لوضعج ولشغلج وحياتج
عبير،،،مسحت دمعي وكلت بتكبر هو هذا احسن حل لا انت تناسبني ولا اني اناسبك
فيصل،،،جانت تبجي عبير من كل كلبها حركت كلبي وتندمت لان حجيت وياها هالحجي ظلت تدعي على عمها لان ذبها هالذبة وانه ضيع كل احلامها ومستقبلها كلماتها جانت تجرحني واخذت عهد على نفسي شلون ماجبتها ارجعها ورة فترة وانفصل عنها وكل واحد يعيش حياتة مجان بالي هية مجبورة علية وعمها لعب هاللعبة كلها واخذ الفلوس مني واصلا ماالة حق بيها وثبتت برائتي
فيصل،،،همست رجاءا لتبجين قربنا نوصل واهلي راح يشوفوج بهل منظر
عبير،،،مسحت دموعي وكلت بكلبي يعني الي يهمك اهلك بس!!
انقهرت لان انصدمت بالوجه الثاني لفيصل وكلت لا هو ولا عشرة مثلة يذلوني او يهزون شعرة مني كلت لازم اكون قوية واحفظ نفسي وكرامتي وخاصة راح اعيش بمنطقة غير منطقتي وتربية غير تربيتي وعيشة غيرعيشتي اكيد كل تصرف راح اتصرفة. راح ينحسب علية لان حضرية وجايتهم من المدينة ميار الشمري
دخلت لبيتهم بس جان يختلف عن دخلتي الة اول مرة مجان اكو ذاك الترحيب ولا ذيج الوجوه وحدة من خالاتة كامت تهلهل وكالت هاي فرحتنة الجبيرة فرحة الشيخ ابو قلب الطيب شيخ الشيوخ واليوم نسوي حفلة صغيرة ونزفكم لعد مو عرسان بعد بيتي الله يسعدكم وبوستنة وظلت تهلهل اني عيوني مو رمة وعباس كالب وجهة وكأنه بعزة ام الشيخ جانت ساكتة ومحجت شي وعماتة ونسوان عمامة يتبسبسون ومعاجبهم الوضع فرات فرحت بية كلش وكالتلي تعالي اشوفج غرفتكم رتبناها بسرعة اني وبنات خالتي من خابرنا الشيخ وكال راح اجيب عروستي من دخلت جنت مخنوكة بجية وحسيت اريد ارجع لحضن ماما وبابا وهذا المكان ميناسبني ولا اريد ابقى بي  ميار الشمري
فيصل،،،عبير من دخلت وهية مختنكة شكد تندمت على الحجيتة فتحتلي قلبها وثقت بية وشلون خنت ثقتها ونزلت من عينها جنت فشلان من نفسي البنية ماالها ذنب وحالها حالي كلت ان شاء الله فترة وكل واحد يشوف حياتة بس كون الزم نفسي وتظل هيج متنطيني ريك لان عيونها وكحة واكبر رجال تجيبة بعيونها
عبير،،،جابولي فستان ولبسوني ووظلوا يهلهلون واني ضايجة جانوا اقاربهم كومة وذبحوا وصبولهم عشة وتعشوا وراحوا جنت بغير عالم وضايجة كلش ودوني للغرفة بعدين زفوا فيصل واني كالبة خلقتي ميار الشمري
فيصل،،،طبيت واني اباوعلها بطرف عيني  نزعت ملابسي ولبست تراكسود كعدت على القنفة ومحتار شلون راح تكضي الليلة فجأة شمرت بوجهي عبير المخدة ابتسمت وعرفت وين راح ابات وصلت الفكرة ميار الشمري
عبير،،،كمت ادردم بصوت ناصي والله لوما عيب والله لا ابيتك برة بس هينة فيصل طفيت الضوة ونزعت ولبست برمودتي ونمت على الجرباية
فيصل،،، والله لوما اول ليلة هنا جان عرفت شلون اتصرف وياج خاتون بس خلي تعدي هالليلة على خير وباجر يصير خير ميار الشمري
نمت على القنفة وجانت ضيكة ونصي راح يوكع جنت حتى مااكدر انكلب والخاتون تتكلب على الجرباية بوحدها
عبير،،،نمت واني مبتسمة ريحتة متغلغلة بالفراش اشم بالمخدة كل قوتي وحضنتها ونمت ميار الشمري