سرقتي قلبي

بارت 7-8-9-10-11-12-13-14-15-16

#سرقتي_قلبي
للكاتبة ميار الشمري
الجزء السابع
+8+9+10+11+12+13+14+15

عبير،،،نشفت ملابسي وبدلت ورتبت نفسي وخليت مكياج بسيط وطلعنا خليت السماعة والمايك كالعادة وكعدت بالصدر يم الشيخ والولد كدامنا يصورون  ميار الشمري
بعدين تركوا التصوير وصاروا ورانة لانه ميعرفون الطريق ولازم الشيخ يمشي كدامهم ظلينة اكثر من ساعة نمشي بالسيارة همست شيخ جنة حيل بعدنا ميار الشمري
فيصل ،،،هو هذا البر كل مابعدنا كل ماجان الصيد اجمل لتخافين الامان بالله
عبير،،لا مخايفة بس ماجاية لهيج اماكن صحراوية قبل ميار الشمري
بعدين كامت تجي وتروح سيارات وهو حسيتة ارتبك وبدأ يمشي سريع وعينة ع المرايا الجانبية والامامية وعاقد حاجبة  ميار الشمري
اني هم خفت مااعرف ليش كمت اباوع من المرايا الجانبية حاولت اتكلم مع الولد بالسماعة الي عندي كامت توشوش
كال بقلق شبيهم الولد ميردون ؟؟
عبير،،،يوشوش معناتها همة كلش بعيدين عنة وانقطع التواصل بينة كمت ااباوع ع السيارات الخلفية وهمة ماالهم اثر  ميار الشمري
فجأة كامت تجينة طلقاات عشوائية صرخ فيصل بصوت عالي نزلي جوة المقعد
نزلت واني اصرخ وابجي وصوت الاطلاقات مرعب جان فيصل يمشي بسرعة مو طبيعية حسيت احنة دنطير وجان شكلة كلش عصبي وخايف ومرتبك ورة نص ساعة اختفى الصوت كامت تخربط السيارة
عبير،،صعدت كعدت ع المقعد وكمت ابجي وخايفة كلش باوعت لأيدي وملابسي كلها دم كمت ابجي هاي شنو عزة ميار الشمري
فيصل اباوعلها تبجي وتصرخ كتلها تصوبتي ؟؟
عبير،،،ابجي واكول مااعرف بس ايدي توجعني
فيصل ،،،بعد مااسيطر على السيارة ولان انحرفت بالصحراء ومشيت بطريقة جنونية طار التاير ووكفت السيارة نزلت منها جانت طاكة التايرات لا ضاربيها طلقات واباوع احنة صايرين بوسط صحراء لا اكو معالم ولا اعرف اني وين رحت لجهة عبير وفتحت الباب جانت متروسة زجاج الي تناثر عليها اثر الاطلاقات همست نزلي عبير احنا بأمان مااعتقد احد راح يكدر يوصلنة هنا
عبير ،،،نزلت وجانت الردن مالتي كلها دم  ميار الشمري
فيصل،،معقولة متصوبة بدون وعي نزعتها السترة دأشوف زندها شفتة وهمست لا الحمدلله هاي طلقة عابرتج بس اثر سطحي مداخلة بيج
فتحت الباب الخلفي ونظفت المقعد من الزجاج وكعدتها نزعت غترتي وشديت ايدها بيها وظلت كاعدة بالمقعد الخلفي باوعتلها توجعج
عبير،،،همست شوي
وظليت ابجي ياربي هاي احنة وين وشنو هذا الصار
فيصل ،،،مسلحين هجموا علينة والحمدلله كدرنة نخلص حالنا
عبير،،،همست والولد هسة شصار بيهم وين اختفوا وابجي
فيصل ،،،لا لتخافين ان شاء الله ماعليهم شي جان المستهدف اني بالعملية كلها واتصور رجعوا الشباب ومابيهم اي شي. ميار الشمري
عبير،،،اباوع داير ميدورنة عزة هاي شلون بحالنا بهل مكان المقطوع
فيصل ،،،لتخافين خيتي دائما رعيان وغنامة يفترون بهل بر الا ميمرون من هنا ويدلونا على الطريق الله ميخلي بس الله يخليج لتبجين وتصرخين
كمت افتر على دواليب السيارة واتفحص الطلقات جانت من كل صوب مضربة لا حول ولا قوة الا بالله العلي العظيم اباوع لصحراء ماكو ولابشر ولاطير ولا اي نفس اني لو على نفسي هينة اظل امشي ووين اوصل اوصل بس المصيبة هاي البنية الي شلت ذنبها وبسببي تأذت
عبير،،،جنت خايفة وابجي احاول اتصل بأي احد جانت ماكو تغطية اباوع لشيخ يفتر ويصفن على الصحراء بعدين تقدم وكلي اخذي راحتج سد البوب مالت السيارة وظل واكف على السيارة ومتجي جنت صافنة عليه سبحان ربي الي مسوي من شال العكال والغترة جان بعد احلى شعرة من فوك عالي وساحبة الى ورة وثخين وناعم واسود كامت تغورب الشمس ميار الشمري
فيصل نزعت ساعتي وخاتمي وشمرت عن ايدي وكمت اشتغل بالدواليب مالت السيارة وجانت كلها طاكة كمت ادخن سيكارة ورة الثانية
عبير،،،مليت من الكعدة رجلي كامت توجعني طلعت شوي اتمشيت داير ميدور السيارة ونظفت مقعد الامامي وكعدت بي وظليت احاول بجهازي لعل وعسى احصل احد من الولد
فيصل جان الدواليب مامنها امل خلص سكايري وحسيت نفسي راح انفجر ميار الشمري
عبير،،،جان يدور بالسيارة همست عن شنو تدور ؟؟
فيصل ،،،كلت بعصبية يمكن سكاير خلصت وماعندي بالسيارة
عبير،،،طلعت من جنطتي السكاير وكتلة اتفضل
فيصل،،،باوعت بأستغراب كتلها بس وحدة مااريدة كلها
عبير،،،لا اخذة كلة شأسوي بي اني ماادخن ميار الشمري
فيصل اخذتة واني رافع حاجبي ومستغرب ليش اخذتة اذا جانت مدخن ظليت واكف برة السيارة وهية جوة جانت تحاول تتصل بأحد لكن شبكة ماموجودة اني مجتف وواكف برة السيارة وكل شوي اباوعلها انتبهت اخذت الساعة مالتي الي جنت مخليها يم المقعد وخلتها بجنطتها انداريت على الصحراء وضحكت استهزاء لااااا ياربي شنو هل حظ هاي بس لا ،،،،ههههه مسعد فيصل على هالذبة هاي   ميار الشمري
عبير،،،،طكت روحي من الانتظار وكامت تظلم الدنيا والشيخ واكف برة السيارة صارت عيني على خاتمة والساعة رفعتها اشوفها جان عطرة متغلغل بيها شميتها وحسيت نفسي اريد احتفظ بيها منة خليتها بجنطتي واني اباوعلة مجاان منتبه لان مركز ع الصحراء ظليت اصفن عليه فعلا جان شكلة كلش حلو ويجذب
ميار الشمري