لقاء القدر

البارت ١

علي :اسمي علي مواليد 1988اشتغل بمطعم شكلي عيوني عسليه شعري كفشه صاحب عضلات. وطويل القامه عندي اربع اخوان اثنبن ولد واثنين بنات اني ترتيبي الثاني بين اخواني احمد الكبير واني الي بعد يوسف الي ازغر مني مزوج واعايش بالخارج وزهراء ورده '''
كنت سابقا مزوج بنت اقاربي وعندي ولد وره 3سنوات انفصلت بعدها عشت ايام كولش صعبه بين شغل وبين البيت انعزلت عن العالم حتئ اصدقائي ما التقي بيهم

كافي لغيت هواي خلي تكمل جكومه ريم

اسمي ريم مواليد 1994مزوجه وعندي اطفال اثنين رفل و يزن. زوجي اسمه ثائر تركت دراستي بعد زواجي عشت احلئ ايام حياتي مع زوجي احبه هواي شكلي حنطيه مايل للبياض عيوني نرجسي شعري طويل نازل جوه خصري طولي 163يعني حليوه شايله نفسي عندي خوات اثنين رانيه ورواء وعايشه بيت وحدي مع عائلتي

ريم:دخلت للمطبخ واشوف الهوسه هااي شنو شكو ليش هيج شمسوين اممم اخ منكم اضل وراكم يلا رفوله كومي انعزل اني وياج يزن ليش ماما موصخ نفسك تعال حياتي
ثائر:ريم ريييييييم ليش تخلين رفوله تلم ملاعيبها وجان اضربها وادفرها
ريم:هاي ليش هيج ضربتني اسويتلك متكولي وليش تدخل بيني وبين اطفالي شنو هل تغير الي صار بيك

ثائر:وتراددين بعد وتعلين صوتج وضربتها وكسرتها تكسر
ريم:بقيت ابجي واكول ليش اتغير عليه اوووف ياربي صبرني لخاطر اطفالي بعد ما اتحمل

خلي اعرفكم علئ نفسي اكيد كرهتوني

اسمي ثائر مواليد 1979شايب مو اني مهندس بالنفط حالتي الماديه زينه شكلي اسمر شعري خفيف متوسط الطول اني من تقدمت لريم كنت احب وحده وابوها ررفضني لان من غير طائفه وبعدها ردت انساها واتقدمت لريم حبيت ريم بس ما نسيت عبير (حبيبتي السابقه)ويوم من الايام التقيت بيها بمكان صدفه كانت مع خالتها وكلتلي والدها مات وعرفت عنها بعدهي ممزوجه وطلبت رقمها واخذته وضليت اتواصل وياها بعدها تغيرت علئ ريم لان حسيت هيه الي. واكفه بزواجي منها '''

ريم:رفوله ماما جيبيلي مي من البراد واني ابجي لان اذاني ثائر من الضرب
رفل:تفضلي ماما. ماما انتي متعوره وتبجين
ريم:لا ماما مامتاذيه حبيبتي انتي ضلي يم اخوج اني راح اغسل وجهي وارجع

ريم:بعد هل فتره الي ضل ياذيني بيها ثاير تركته براحته وهو هم تركني وضل يجيب شنو انريد للبيت وضل ينام بالصاله اني ضجت بهل فتره كولش وحسيت بوحده نزلت الفيس بوك دخلت بكروب مال اشعار ضليت انشر عن ااخذلان والحزن تعودت افرغ غضبي بالنشر انتبهت لشخص اني الوحيده الي يعلقلي بالكروب

علي:كنت داخل بكروب بالفيس واكو وحده حيرني امرها بس تنشر حزن كولت اممم هااي نفس حالي بس اشعارها تجذبني حلوه مع العلم حزينه كنت دائما اخمط منها وما ترد علئ التعليقات بس تنشر كلت اكيد الحبيب وياها وتخاف ترد او تاركها ضليت اخمن اسوالف لوحدي ادري خبل

ريم:مرت ايام هواي واني ما اتكلم مع ثائر ولا هو مجرد طلبات البيت موفرها.
علي:مثل كل يوميه ارجع باليل من الشغل تعبان اكل وبعدين اضل اتصفح وانام
علي:ورد وينج جيبيلي شي ازوحر (اكل)
ورد:اووووي اني بيا حال باله عندي دراسه كوم سوي لنفسك
علي:لج وجه الطاوه كومي سويلي شي حبابه
ورد:اممم قلبي يممه قلبي قهرتني امري لله يمتئ اخلص من اوامرك راح اسويلك طماطه خووووش واحركها علمود اكل وياك
علي:دكومي سوي زقنبوت بس هاا تاكلين بس الدهن خوش
ورد:لابله اني الي طابختها وتكلي بس تاكلين الدهن
علي:ليكول هسه مدري شمسويه طابختلي قوزي دكومي
علي:دخلت للفيس واشوف الي ده اتابعها مخلينها بكرسي الاعتراف واني دخلت لكيت فرصه كولت الها علي:...?

انتهئ اول بارت اشوفكم بخير

كلما تكثر التعليقات كلما انزل اكثر احبنكم 😍

استقبل ارائكم لان تهمني واذا اكو اي اغطاء املائيه غلسو 😆 لانها اول قصه الي

الكاتبه (شهد السكيني)

اول كتاباتي القصه الاولئ