و سُلِبت براءتها ( مكتملة )

3

بمنزل لميس

الام : ٩٠٪ من امتى و ده مستواكي ... ايه مش اخدة بالك انك ثانوية عامة يعنى لعب العيال ده مينفعش

لميس بحزن: يا ماما حضرتك عارفة انى تعبت ايام الامتحانات و بعدين دي لسة سنة اولى

الام : و باقى ايام السنة مكنش فى مذاكرة ؟؟ قعادك قدام الكمبيوتر كتر و مبقتش عرفالك اول من اخر .... مش شايفة اولاد خالتك ماشاء الله عليهم اللى جايبة ٩٧٪ و ٩٥٪ ... من امتى كنتي بتجيبي اقل منهم و بعدين .........

ظلت لميس تستمع لتأنيب والدتها بملل فهاهي تعيد نفس الاسطوانة على حد قولها ففى كل سنة دراسية تجد ما تقارن به بينها و بين اقربائها فإن لم يكن اولاد خالتها اذن اولاد اعمامها و هكذا بدون ان تكل او تمل

لم يوقف والدتها من وصلة التأنيب تلك الا حضور اخيها تامر و تهدئتها لتغادر بعدها الى غرفتها بأعين دامعة متجهة نجو ملجأها الوحيد حالياً " مراد" ...... هاتفته فور اغلاقها لباب غرفتها ليأتيها صوته بعد فترة فتسرد له ماحدث

مراد : بس هي عندها حق ..... محدش ينكر ان مستواكى قل خصوصا انك قولتيلي انك كنتى من الاوائل فى السنين اللى فاتت

لميس بحزن : حتى انت كمان يا مراد

مراد : يا حبيبتى مقصدش ازعلك و الله بس برضو لازم نعالج المشكلة

ظلت على صمتها بعد كلمته " حبيبتي" ليست جديدة على مسامعها فلقد اعتاد قولها بالفترة الاخيرة لكن مازالت تتأثر بها كأول مرة

مراد : لميس ... روحتى فين ؟

لميس بسرعة : معاك معاك

مراد بهيام : ياريتك معايا

لميس : مراااد احنا قولنا ايه

مراد بإصرار : لا قولنا و لا عيدنا .... انا لسة عند رأيي و نفسي تكوني معايا على طول

لميس بخجل : سلام يا مراد ... سلااااام

ومن ثم اغلقت الهاتف من فورها ليبعده عن اذنه محدقاً به بهيام قبل ان يدخل اخيه

احمد : خلصت كلام مع المزة ولا لسة

مراد : وانت مال اهلك .... كنت قاعد فوق راسك انا

احمد : ياسيدي لا فوق راسي و لا غيره بس البت علا جيالى كمان شوية و كنت حابب انك تطير شوية

مراد : علا ؟؟؟ هى مش كان اسمها سما

احمد : لا سما خدت وقتها و خلاااص بح ... دلوقتى وقت علا .... عقبال ما تجيب مزتك

هم بالنهوض من جلسته مغادراً ليردف بطريقه الى الخارج

مراد : ملكش دعوة بيا ... و حتى لو حصل مستحيل ابقى زيك انت و ست علا بتاعتك دي .... سلام

احمد بسخرية : ومالو ... كله بيقول كده .... سلاااام 

بعد يومين