موده رجعت الشقه عاوزه تاخد ليها حمام
بس م قادره مع الازعاج بتاع الجيران حاجه بتضرب الحيطه وعامله ازعاج شديد
من جات الشقه دي الضرب دا حاصل
...........
لمن زهجت مشت ودقت ليهم الباب
طلع ليها عامر
*عامر دا جنو هظار وبتاع ازعاج
اول ماشافه وظاهر من شكله مسكينه وحا تخاف ههههههه
قرب منها وقعد يكورك
عامر: ووواااااااااااا
موده عاوزه تنجلط من الخوف
بس الما اتوقعو عامر
انو موده تقعد تبكي
عامر: بهظر يا 😳
ودموعه تجري وقعدت ليك في الارض
وعامر عاوز يطير من الخوف 😱
يسمع ليك صوت امو جايه
خلاها في محلها وطلع جري من البيت
ام عامر لقت البت بتبكي بدون تساله عرفتو ود اللذينه دا عامر
اصلا مافي غيرو
ام عامر ساعدته تقوم ودخلته معاها
ام عامر: دا الحيوان دا انا عارفه
موده: دا مجنون....
ام عامر: ياريتو لو مجنون كان اتعالج
موده: بس انا م سالتو
ام عامر: اهدي اسي
وعملت ليها عصير وقعدت جمبها تهديها
اخدت زمن لمن تهديها طبعا
وسالته
ام عامر : ساكنه جمبنا ؟
موده: اي بس في ازعاج جاي من بيتكم وكنته جايه اعرف سببو شنو
وعرفته ...السبب خلاس
ام عامر.: ههههه خلي يجي بتصرف ليك معاهو
موده: تسلمي... انا ماشه وبظهر عليك ان شاء الله
ام عامر: يا بتي اظهري اصلا قاعده براي انا والشيطان دا
موده: طيب... فوتك بعافيه
ام عامر: الله يعافيك
موده طلعت ورجعت البيت
وشامه ليك عامر لي ابعد الحدود قطع قلبه وهدا حيله
رقدت اخدت ليها نومه والصباح اخدت ليها حمام ولبست خلاس مارقه وقبل ما تطلع
جات ام عامر وجايباهو معاها
ام عامر: صباح الخير
موده: صباح النور
