في بيتنا مقبرة

في بيتنا مقبرة الفصل الثاني

في بيتنا مقبرة
الفصل الثاني
فضلت مبحلقة عيوني بخلعة كيف سبأ قالت ما طلعت من البيت بس أنا شفتها أيوة شفتها تاني راجعت نفسي قلت إحتمال بتخيل أو من تعب الرحول ده مشيت رقدت نمت حوالي الساعة 2 باليل أسمع ليك صوت زغاريد وكمان كان صوتها وااااااضح فتحت باب الشباك حق غرفتي بس ما شفت شئ غريب الجو كان هادي بره تاني جيت رقدت وعايزة أغمض جفوني برضوا أسمع صوت الزغاريد مشيت صحيت سبأ قلت ليها سامعة الصوت ده؟ قالت لي صوت شنو أنا ما سامعة شئ قلت ليها ركزي شوية بتسمعي قالت لي إنتي نصيحة يابت أنا ما سامعة شئ خليني أنوم وإنتي كمان أمشي نومي وشالت البطانية إتغطت بيها أنا خايفة ومستغربة في نفس الوقت مشيت سريري ورقدت بحاول أجمع النوم بالعافية حتي قدرت نمت صحيت الصباح علي صوت أبوي كالعادة عشان نصلي الصبح وأنا كنت كسلانة أقوم
رجعت تاني نمت جات سبأ وقالت لي ماليك يا بت نايمة لحدي الساعة 11 ... قمت مخلوعة قلت ليها 11 معقول نمت للوقت ده قالت لي ااااااي أبوي ناداك عشان تصلي معانا الصبح قمتي دخلتي الحمام وتاني ما شفناك إلا جيت لقيتك نايمة ....
قلت ليها أنا قمت ودخلت الحمام كمان بس أنا ما قمت من مكاني ..... قالت لي كيف ما قمتي إنتي كنتي معانا ودخلتي الحمام وما طلعتي بسرعة وأسي جيت لقيتك هنا ختيت يدي في قلبي وحاسة دقاتو إرتفعت قلت ياربي الحكاية شنو بس تاني قلت إحتمال بكون قمت وما حسيت بروحي المهم قمت ودخلت إخدت شاور ومشيت عشان أفطر لقيت أمي طابخة أكله لذيذة 😋
قعدت أكل بشراهه كأني أول مرة أكل لأني كنت جوعانة شديد أكلت ومشيت فتحت شغلت الشاشة وبقيت أقلب من محطة لي محطة لمن لقيت كرتون غامبول وبقيت أشاهد وأضحك أمي جات لقتني بضحك قالت لي بتضحكي براك ماليك قلت ليها بشاهد فلم الكرتون قالت لي ياتو كرتون جنيتي إنتي قلت ليها في الشاشة يا أمي وأنا لسة بضحك عاينت لي بإستغراب ومشت خلتني
رجعت تاني قالت لي ماشين السوق عايزة تمشي معانا قلت أكيد دقيقة ألبس عبايتي جريت جري لبست وبقينا طالعين طبعاً موضوع صوت الزغاريد وشوفة سبأ في الحديقة نسيتوا وطلع من بالي مشينا السوق وإشترينا كل حاجة ناقصانا وجينا راجعين طبعاً البيت بعيد عن الشارع المواصلات يعني بتشوف هداااك شارع حكاية 20 دقيقة كدة بتوصلك نزلنا وماشين في الشارع لحدي ما وصلنا البيت بعد شويتين جرس باب الشارع ضرب صدام قام فتح جات داخلة بنت قدري كدة في العمر ومعاها طفلة صغيرة جات قعدت طوالي حتي من غير ما تسلم علينا نحن إفتكرنا جارتنا لأنو كان في كم عمارة كدة بس بعاد شديد مننا يعني تمشي مسافة حتي تصل أمي جابت ليها موية وضيفتها البنت الصغير بقت تجري تدخل الغرفة دي وتطلع من دي وكل مرة نلاحظ ليها نلقاه تبتسم لينا
وتلوي رقبتها بسيط كدة نحن إستغربنا فيهم أختها الكبيرة ساكتة وتعاين في البيت والتانية تجري هنا وتجي هنا قمت مشيت أعمل ليها شاي بعد عملت الشاي جبت معاه كيك ختيتو جمبها عاينت لي وفجأءة خسيت بخوف غير طبيعي زحيت منها وقعدت جمب أمي أنا وأمي وسبأ بقينا نعاين لي بعض البنت بعد خلصت الشاي والكيك قالت لينا حلو أخيراً إتكلمت أمي قالت ليها عجبك نجيب ليك تاني هزت راسها يعني اااي تاني مشينا جبنا ليها أكلت ومن غير تقول لينا ماشة أو مع السلامة طلعت مرقت والغريبة جريت وراها عشان اسألها من أسمها لقيتها ماف الشارع ما فيهو أي زول وحتي البنت الصغيرة الكانت معاه
مشيت قلت لي أمي البنتين ديب غريبات طلعت أقدم البنت الكبيرة قليتها ماف في الشارع قالت لي بتكون مشت بيتهم بس أنا كنت حاسة في حاجة ما طبيعية تمينا يومين في البيت والأمور كل ماشة تخوف بس ما حاولت أخوف زول من ناس البيت يعني مكتمة الأمور في قلبي وبقيت أسمع أصوات غريبة. كل ليلة والأغرب جاية من تحت السرير حقي بخت المخدة عشان ما أسمع حاجة وبرجف من الخوف الساعة عملت 1 واحدة جاتني سبأ صحتني قالت لي أرح الحديقة نشم هوا قلت ليها الساعة دي بس الوقت متأخر قالت لي سريع نمشي ونجي أصرت علي لمن قمت وطلعت معاها وما ركزت في السرير إذا كانت قاعدة ولا لا مشيت معاها وبقينا نتأمل في السماء. ..وحكينا شوية

مع بعض بعد شوية لقبتها ماف جمبي عاينت جاي وجاي ما لقيت زول بقيت أنادي عليها سبأ يابت يا سبأ وينك وأنا خايفة وأرجف قمت جارية علي البيت وببكي من الخوف ضربت الجرس ماف زول فتح بقيت ما عارفة الباب قفل كيف كان فاتح لمن طلعنا بعد شوية أشوف حاجة جاية من بعيد وطويلة وسوداء بقيت أصرخ بأعلي صوتي أبوي أمي صدام سبأ ألحقوني يا ناس يا أبوووووي خلاث الحاجة السوداء بقت تقرب علي وأنا الفيني كلها كملت وأشوف كلاب جارية وكدايس جارية منظر كان لا يحتمل وخلاث لمن الشئ السوداء قربت علي ولمستني وخرشتني. بقوي أنا صرخت بأعلي صوتي وقمت مخلوعة لقيت نفسي في سريري وسبأ نايمة في سريرها قلت بسم الله بسم الله الظاهر كنت بحلم أنا تاني رجعت نمت