في بيتنا مقبرة

في بيتنا مقبرة الفصل الثالث

في بيتنا مقبرة
الفصل الثالث
بقلم أمنية عوض
مشيت فتحت دولابي قلت أطبق ملابسي مدام مافي شغلة شلت الملابس كلها طلعتها وبقيت أطبق والساعة ديك ناس أمي كانو في الهول مع أبوي وأنا قاعدة في السرير أحس بإيد بااااااردة لمست رجلي من تحت قمت مخلوعة وخايفة عايزة أطلع أشوف باب الغرفة بعيييييييد بقيت ماشة وحاسة حألي ماشة ببطئ 😱 ما قدرت أتحمل وبقيت أصرخ وأنا كأني ما ماشة في نفس اللحظة ومن الخوف بصرخ بأعلي صوتي بس كأني ما سامعة صوتي وببكي فجأءة الباب يفتح تجي سبأ ولقتني بدردق في الأرض وأضرب علي الأرض بيدي قالت لي صبأ ماليك جنيتي يا بت ليه بتدردقي علي الأرض كدة 😳
فجأءة لقيت حالي علي الأرض قمت سريع وأنا ببكي قلت ليها سبأ في حاجة ما طبيعية في البيت ده والله البيت ده مسكون 😭
قالت لي قولي بسم الله الرحمن الرحيم مسكون كيف يا بت إنتي شكلك خرفتي قبل يومك ... وأنا ببكي وبحاول أقنعها بس هي نهائي ما صدقتني
قالت لي ناس عمي حامد ومرتو مني جايين أمي قالت ليك تعالي عشان ليهم الغرفة التانية .... قمت من دربي مشيت مع سبأ ورتبنا الغرفة المقابلة علي البلكونة فرشناه ومشيت عند أمي في المطبخ أساعدها وبقيت أشتغل معاه بس لسة عقلي مشوش وخاته الواقف الحصلت معاي دي في راسي حوالي الساعة 3 عصر جو ناس عمي حامد طبعاً لسة شايلين طباع القري جو والأكياس ماشاءالله جايبين معاهم كل حاجة حقت القرية سلموا علينا وكانت معاهم بنت عمي دي صحبتي شديد وكنا أكتر من بنات عم كانت بتجي تحكي لي كل حاجة وأنا كمان لو عندي مشكلة بمشي بحكي من جات قلت خلاث مافي زول بفهمني غير ميادة
مشيت سلمت عليها بحرارة وكنا مشتاقين لبعض شديد دخلتها غرفتي وبقينا نتونس تحكي لي أحوال البلد كيف وأنا بدون مقدمات بقيت أحكي ليها عن الأحداث الحصلت لي ... وهي بقت عاملة كدة 😨
بعد خلصت قالت لي كلمي أبوك ليه بتسكتي عن موضوع خطير للدرجة دي ..
قلت ليها حكيت لي سبأ بس ما صدقتني وقالت لي بتخيل ساي ومشيت عند أمي برضوا ما صدقتني .. .😭
قالت لي طيب بكون بتتخيلي زي ما قالوا ليك؟ ..قلت ليها كيف بتخيل أنا كل حاجة حكيتها ليك صح
قالت لي طبعاً حيرني كلامك بيت بالجمال ده معقول يكون مسكون .. قلت ليها أنا حاسة كدة ... المهم حكينا كدة جات أمي نادتنا قالت لينا تعالوا أعملوا القهوة لأبوك وعمك مشيت
ومعاي ميادة عملنا القهوة وديناه لناس أبوي وعمي جات مرت عمي مني قالت عايزة تشتغل في المطبخ صدام ضبح ليها الحمام وهي فورت الموية حقت الحمام عشان عايزة تنضفه جات شايلة الحلة بعد طفت البوتجاز والموية كانت مغلية عايزة تختها وقعت منها بالغلط وإتكشحت كلها علي الأرض ونص الموية إتكشحت في رجلها لمن برطتها بقت تصرخ
#ومن_هنا_بدت_معاناتنا_
كنا مشغولين مع مرت عمي سريع جبنا ليها معجون وختينا في محل الحريق أمي دخلتها جوه وقعدت معاها أنا جيت لميت باقي الحاجات الكانت واقعة رفعت الحلة وما كنت عارفة الحلة دي هتكون سبب دمارنا عدينا اليوم الأول عادي مافي حاجة حصلت بس بعد 3 يوم من الحادث حق مرت عمي. . بقت تحصل لينا حاجات ما طبيعية
أخوي صدام كان بنضف في الحديقة جات ظهرت ليهو كديسة سوداء من تحت الشجر وكانت بتعاين ليهو بطريقة مخيفة قال ليها بث أبت تمشي تاني قال ليها بث أبت تمشي بس بقت تعاين ليهو من شدة ما بتعاين ليهو لمن دخلت فيهو خوفة طلع من الحديقة وهو بتلفت وراه لحدي ما دخل البيت لقاني في وشه قال لي صبأ
قلت ليهو مالك خايف كدة وبتعرق؟.... قال لي في كديسة في الحديقة
كانت بتعاين بطريقة غريبة طردتها أبت تمشي .. قلت ليهو تعال يا صدام عايزة أحكي معاك إرح غرفتك مشينا وبقيت أحكي ليهو كل الأحداث الغريبة الحصلت معاي هو زاتو قال لي البيت ده بخوف خاصتاً باليل بسمع أصوت غريبة لمن أقوم أفتح النور مافي حاجة .... أنا خلاث كدة لقيت في بقيف معاي في الحكاية دي يعني شاهد تاني لو كلمت أبوي صدام هيكون شاهد لأنو هو كمان بشوف حاجات غريبة
قلت لي أرح نحكي لي أبوي مشينا لقينا أبوي قاعد مع عمي قلنا لي أبوي ممكن نحكي شوية قال لينا تعالوا خير قلنا ليهو بصوت واحد أبوي البيت ده شكلوا مسكون .... أبوي وعمي نططو عيونهم 😳😳
أبوي قال لينا )بنهره (إنتو مجانين ولا شنو قوموا من قدامي يلا بلاش جن معاكم قمنا جارينا بسرعة قلت لي صدام أبوي ما حيصدقنا أفضل نشوف لينا شيخ ... قال لي فكرة كوويسة بس نلقي شيخ وين ...قلت ليهو نشوف من التلفزيون قناة طيبة فيها برنامج الرقية الشرعية بجيبوه بالمساء يعني بعد ساعة كدة نحضر البرنامج ونتصل عليهم نستفسر منهم ... قال لي طيب بعد البرنامج يبدي ناديني قلت ليهو حاضر ...
مشيت فتحت الشاشة وفتحت قناة طيبة بقيت منتظره البرنامج بعد نص ساعة البرنامج بداء ولحسن حظنا كان بحكي عن العين والحسد والمس بقيت متابعة مشيت ناديت لي صدام جاني بسرعة وقعد علي الأريكة إرقامهم ظهرت تحت سجلناه وعايزين نتصل عليهم طلع صدام تلفونوت مافيهو رصيد قلت ليهو مالك شايل تلفون مافيهو رصيد ؟ 😒...
قال لي كيف مافيهو رصيد أنا منزل كرت قبل شوية وعملنا كشف للرصيد طلع فيهو أكتر من 20 جنية بس ليه لمن عايزين نتصل علي الشيخ قال لا يوجد رصيد قلت إحتمال تكون الخطوط مشغولة غايتو ده الجاني في تفكيري تاني حاولنا وفجأءة