Minsan Kitang Minahal
Ikaw na sa akin ay nagpapasaya at nagpapangiti
Ikaw na nagpapaangat ng magkabilang dulo ng aking labi
Para sa akin ang ngiti mo ang pinaka matamis sa lahat
Sa mga panahong ika'y nakasama ang saya ko'y walang sukat
Ang iyong boses ang pinaka kabisado ko
Ang tinig mo sa aking alaala ang nagsisilbing hele ko
Kahit na hindi ka man marunong umawit o kumanta
Hindi ka man bihasa sa pagtugtog ng gitara
Ikaw pa rin ang nagpapatibok ng aking puso
Sa araw ko ay ikaw pa rin ang bumubuo
Ikaw ang nagturo sa akin ng simpleng ligaya
Ang ligaya ng taong umiibig ay walang kasing saya
Di ka man kasing pogi ng ibang lalaki
Di ka man pansinin pag ikinumpara sa marami
Ikaw man ay hindi magaling na manlalaro
Ikaw man ay hindi tulad ng ibang matalino
Ang mata ko'y sadyang ikaw ang natatagpuan
Ito'y sumasama pumunta ka man kung saan
Sa tuwing nakakasalubong ko ang iyong mga mata
Lumilihis ako dahil ang puso ko'y ikaw ang sinisinta
Sa mga araw na nakakausap at nakakatabi kita
Pagpasensyahan mo na kung ang saya ko'y sumosobra
Pasensya na kung ako ay puno ng ligaya
Di ko kasi makubli ang umaapaw na saya
Ipagpatawad mo kung kulang ang araw ko kapag hindi kita nakikita
Patawad kung ibig talaga ng puso ko na angkinin ka
Pasensya na dahil ang puso ko'y palaging sinisigaw ang mga katagang "Mahal Kita"
Ipagpatawad mo kung ang tanging hiling ng aking puso ay sabihin mo rin ang "Mahal Kita."
Salamat sa bawat oras ng pagsama mo sa akin
Sa mga sandali na tila ba'y nahipan na ng hangin
Sa mga pagkakataong ang puso ko ay umasa
Salamat dahil hindi ko malilimutan na umibig nang mag isa.
BINABASA MO ANG
Inspirasyon: Mga Tula Mula sa Puso
Poésie"Salamat sa bawat oras ng pagsama mo sa akin Sa mga sandali na tila ba'y nahipan na ng hangin Sa mga pagkakataong ang puso ko ay umasa Salamat dahil hindi ko malilimutan na umibig nang mag isa." ~Minsan Kitang Minahal