قصة اليوم الحب والاعراف للكاتبه همس ليل 😘
السلام عليكم اسمي ورد...مواليد ٩٠ حتى تفتهمون قصتي لازم احجي قصة اهلي ....والدي من اهل الجنوب ...كان اصغر واحد باخوته عنده ٣ اخوان كلهم مزوجين من بنات عمهم هن تلاثتهم اخوات ...جدي صاحب كيعان وحلال ومتمكنين ....عمامي كلهم مخلصين كليات ومعاهد بس تاليتهم ...رجعوا لكاعهم وتعاونو عليها ...بس والدي ماقبل من تخرج راد يتعين شكد حاول جدي وياه...ابد ماقبل...بيبيتي وكفت وية والدي لان جان بزر الكعدة وتحبه حيل لذلك شيريد تسويله....طبعا بيبتي مرة كوية بس مو لئيمة بالعكس طيبة حيل.... ابوي من خلص كلية التربية ...وخلص عسكرية تعين....عدهم بيت خالهم بغداد مرة صار عدهم مناسبة....ابوي جاب بيبيتي لهم وبات يمهم ....قبل الناس بالصيف تنام بالسطح....هو صعد لان اختنك مامتعلم على المدينة ...همة بريف وكيعان واسعة وهوة طيب...وهو بالسطح سمع صوت بسطح الجيران مال البنية جانت ترش السطح وتغني بس بصوت ناصي ....قبل ماتصعد العائلة جان وحدة من البنات تصعد ترش او تغسل السطح وتفرش حتى من يصعدون يكون الفراش والمكان بارد....طبعا هو تربية عرب ماتسمحله غيرته يباوع على بنت جاره...بس جذبه صوتها ومن شافها...تعلق حيل ببها ...جانت بيضة طويلة برشاقة ...والشعر اسود ليل ضافرته لان طويل ...ظل طول فترة وجوده بيت خاله يصعد من وكت حتى يراقبها....من حس راح يرحون محاجي البنية وكايلة لها اني اريدج...وحاجيلها عن نفسه بس مامطول....رجعوا لمحافظتهم ...وظلت البنية اباله ...اهل البنية عدهم تلفون ارضي ..بس اهل ابوية لا ....بقى اقل الشهر ورجع لبيت خاله بحجة عنده معاملة...وبقى يومين حاجي وياها ومتفق ب تخلص هالسنة يجي يخطبها ....وماخذ رقم تلفونهم....طبعا والدي واهله كلهم سمر بس مو طوخ وعيونهم ملونة وطوال وجسم ...هيبة وشخصية...لذلك البنية هم نعحبت بيه.....من يرجع لاهله يروح لبيت صديقه بالمدينة حتى يخابرها....وبين فترة وفترة يتحجج حتى يجي لبيت خاله يشوفها...بس من صار الشتى صار ماكو نومة بالسطح ....كام يروح لمدرسته ويباوع لها من بعيد ....خلصت سادس...ولازم يوفي بوعده ويتقدم .....حجى وية امه.وابوه وهنا كبت العيطة...جدي رفض ...لان يريد ياخذله بنت اخوه ومايقبل بوحدة غريبة النوب بنت بغداد...وبعد مشاكل كومة وية اهله ...ومشاحنات...ابوي عاف البيت واجى لبيت خاله وبقى شهر...بيبيتي تظل تنق علة جدي وتالي قنتعته...وتقدموا للبنية..
النوب اهل البنية رفضوا لان محافظات وهي جانت وحيدتهم...بس عدها اخوة ...وابوي مشى كومة ناس وشيوخ يلا قبلوا ينطوهة له
..ازوجوا...طبعا البنية امي....نسوان عمامي جانوا يغارون منها ..لان بنت مدينة وماتعرف تطلع للزرع ..فراوها الويل بالبيت ...جبير وخطارهم كايم كاعد...وهن من يرجعن يذبن الشغل كله على امي...كامت تتعب وهي مدللة وكامت طلع تعبها بابوي...حبلت وجابت اختي الجبيرة رؤى...وبعد سنتين اجت لمة.....بدين يعيرهن خلفتج كلها بنات ...بيبيتي جانت تحبنا على حب ابوي وهم هي ماعدها بنية...وعمامي كل واحد عنده ٣ او اربع ولد وبنية...ماعدا عمي الجبير ماعنده ولا بنية ....هالشي زاد الطين بلة لان شافو شلون بيبيتي تتحيز لنا واحنة بنات...مشكلة من المشاكل كبرت بين امي وابوي ..مد ايده وضربها هي تخبلت واجت لاهلها زعلانة كانت حامل لية ...واهلها بعد ماقبلوا يرجعوها الا بشرط...
كان شرط اهل امي ياخذلها بيت بغداد...وطبعا جدي ماقبل ...امي بقت سنة يم اهلها زعلانة ..ولدتني يم اهلها.وابوية مشاكل وية جدي لان يريدنا.. وبيبتي من شافت ابوية شكد تاذى ...قنعت جدي يشتريله بيت بغداد ...طبعا البيت باسم امي صار لان ماعنده ٥٧ ....وبقى ابوية يروح كل اسبوعين لبيت اهله وياخذ اخواتي دائما اني جنت صغيرة مايكدر ياخذني ....بس امي ابد ماراحت بعد لبيت جدي حتى من صارت ضربة الامريكان هم مقبلت تعوف بغداد وتروح يمهم ....وجدي بقى زعلان على ابوي ...لحد يوم...ابوي داخل عليه ومتعذر منه وبايس ايده ...ومن راجع لبغداد ...سوة حادث بالطريق ومات....جان عمري سنتين....
جدي نجلط بوقتها... واهل ابوية حملو المسؤولية لامي ....بس بقو كل شهر عمي الجبير يجيب بيبتي ويسوكلنا مسواك كامل وينطي راتب لامي ..طبعا من حصة ابوي ...بقينا ٣ سنوات على هالحال...بس خوالي قررو يزوجون امي...كال بعدها صغيرة وعدها بنات...اهل ابوي تخبلوا...وجدي راد من عمي الجبير يزوجها علمودنا...امي مقبلت كالت اني احب عباس وماكدرت اتحملهم...وعادوني...النوب اخذ رجل اختهن...ومرت عمي تخبلت وصارت مشكلة...وكانت النتيجة ...اهل امي قرروا يزوجوها لابن خالها...مزوج ومرته ماتخلف... اهل ابوية قرروا ياخذونه منها... وامي لا كدرت على اهلها ولا على عيالها....
اني جنت عمري ٥ سنوات ماذكر بس لقطة وحدة من اجوي ياخذون اخواتي وهن يبجن وامي تبجي...واني اجلب بامي ماقبل اروح وياهم ...ومن يطلعن اخواتي اركض اجلب بيهن...اخر شي خلوني يم امي واخذوا خواتي بعد ماشفتهن....
امي زوجت ابن خالها جان اسمه عبد الله...خلفت منه ولد اثنين ..احمد ومحمد...رجل امي جنت اصيح له عمو ...جان خوش انسان حيل راعاني ومافرق بيني وبين اخوتي… .ها نسيت اكول امي باعت البيت واخذت مشتملين واحد كعدنا بيه واحد اجرناه وبيت جدي اهل امي انباع وكل واحد اشترى بمكان ...بعد السقوط وبالتحديد ٢٠٠٤ ابو احمد جان بالمخابرات خاف من الوضعية قرر نسافر لسوريا ..اني ماعندي جواز ولازم يحضر واحد من عمامي ...كان عمري١٤ سنة....ابو احمد كال لامي لازم تتصلين بيهم...رادت منه يسويلي جواز مزور ماقبل كال كلشي يصير ...وصارت مشكلة بينهم...هي تكله ياخذوها مني ...وهو يكول ذولة عشاير ماتقارش وياهم....اخر شي قرروا يتصلون بيهم عن طريق بيت خالهم...الي جانوا جوارين بيت جدي....اجى عمي الجبير….
وتعارك وية امي كاللها تقصدي ماتركين عنوان لج ...حتى بنتج زوجناهه وردنا نتصل بيج حتى تحضرين معرفنا...وبنتنا...نريد نعرف اخبارها...وهي تكوله لو صدك حجيك جان كدرتوا توصلون ...وبعد قيل وقال عمي كال لها انطينا بنتنا ...امي تخبلت...وصارت مشكلة جبيرة...وطبعا ماكو شي اسمه محاكم..هم قانون ومحكمة...لذلك كدروا ياخذوني من امي...بيومها صار عزة عدنا اني ابجي وامي ادك وتلطم وتلوم بابو احمد...اخذوني من امي وعبالك دياخذون روحي...هي مجلبة بية بجهة وعمي بالجهة الثانية...رحت وياه ...لعالم غير عالمي...لناس يكولون اهلي واني ماعرف احد بيهم ولا شايفتهم...خلصت الطريق بجي لحد ماتعبت ونمت...كعدني عمي كال وصلنا....
