ورد..رحت يم بيت عمي ابو قاسم...رجل رؤى حباب حيل ويحبها مبين عليه وابنها فدوة لله يخبل....وام قاسم افقر من اختها ام علي ومها صارت صديقتي...بس يبقى الحقنة باسم....ماعرف من يشوفني يتكهرب...بيوم الي وصلت هو طالع..
نجمعنا بالليل بالهول ...جنت مترددة من عمي بعدين اكتشفت شخصيته تختلف ينكت ويشاقة ومن خلصنا عشى رحنا بغرفة مها ويانا رؤى وخلصناها سوالف وضحك كسروا عليا الي صار...
اني نمت بغرفة مها ...ثاني يوم جان عدهم شغل بالزرع كلهم طلعوا وبقيت اني وابن رؤى ...عود ردت اصير شاطرة واسوي غدة ...حطيت الدهن على النار وداثرم بصل بجى عباس عفت الطباخ ورحت وظليت اسكت بيه وهو يبجي...سمعت واحد يصيح هاي شكو ...طلعت اركض لكيت المطبخ عبارة عن دخانة سودة...
باسم ...شنهالدخان ...
ورد...يا نسيت الدهن على النار
باسم....ثول اي والله ....ركض طفى الطباخ...واني فتحت البوب والشبابيك ...هو سحبني خارج المطبخ لا نختنك بالدخان
باسم...مادكوللي شمالج ثولة تنسين الدهن...ويافهيم كالج اطبخين
ورد...نقهرت من حجيه ..وردت افهمه بس مانطاني مجال
باسم...السرحان والتوهان بطلي وانتبهي لشغلج...و...سمعنا بجي ابن رؤى ركضت عليه لكيته طاك بجي هو وكف بالباب وهز ايده ومشى..بقى الطفل يبجي واني ابجي وياه
من اجوي الكل يسأل شنو الي صار هو ساكت واني متت مستحة
باسم...جاغير اليوم ردت اتندر واطك لي بيضة ودك تلفوني نسيت الدهن على النار واحترك...
اني تفاجات وبقيت صافنة عليه ...وهو خزرني ..نزلت عيني
ام قاسم...يايمة من يمتى انت اطك بيضة لك ...وبنت عمك يمك ماتردك لو طالب منها
هو باوع لي وضحك باستهزاء
باسم...على الجايات...وطلع
رؤى...تعاي وج شجرى اليوم
ورد...ماكو شي
رؤى ...اني شفت الجدر المحترك..مو مال طاوة بيض
ورد..سولفتلها عن الصار
رؤى...صخام...ورد الي ماتعرفيله لا تدخلين بيه ...هاي شغلة..وشغلة الخ...لا تتعشمين باحد..ترة كل واحد بيهم محجوزة له وحدة...ولو تنطبق السموات ماياخذون له غيرها...ولا تنسين قصة اهلنا ...خليها كبالج دوم يابنت ابوي...
ورد...مافتهمت
رؤى...عكبة تفتهمين الحجي....وظليت افكر وية نفسي باسم مامسوي ومدافع لوحدة ... يارب دخيلكم عدي الامور لخيتي على خير
بالليل..اجى امير وكعدوا بالحديقة مها حيل تلبكت وصارت ماتعرف شسوي
ورد....جا شمالج كمت ترجفين
مها...هههه ها بنت عمي صرت تحجين مثلنا
ورد...من عاشر القوم...صدك شبيج مها
مها...انت صرتي صوحبتي...واريد احجيلج...اني اعشكه لامير...والمفروض من يتخرج يزفونه
ورد...تفاجات من الحجي وضجت...وذكرت هم لمى...ليش انت مخطوبين ..
مها ...احنة ناس محجوزة لناس...اني لامير ولمى لباسم...وبقة بس محمد وها جيتي انتي
ورد...اني مازوح بهالطريقة
مها...حسج يا شمالج لايسمعونة
ورد...وليش خايفة...بعدنا نحجي ودخل امير للمطبخ
امير...السلام عليكم...شلونج ورد...شلونج مها
ورد..الحمد لله انت شلونك...مها تلبكت حيل
امير...بخير...جا ماشتاكيت لنا ...ورجعتي ...حبوبتي حيل مشتاكة لج
ورد...شلونها
امير...اذا تحبيها ليش ماتسالين عليها
ورد...ماصار يومين من عفتها
باسم...اجيت اخذ جاي وسمعت حجي امير وية ورد..ضجت حيل وافتهمت هو يقصد نفسه مو حبوبتي...وهي تجاوبه شكد صلفة
باسم...مها تعاي صبي جاي لنا
ورد...اصبلكم اني
باسم...لا رحمة لوالديج لا ترحين تحركينة
ورد...حيل نغثيت وماعرفت اجاوب
امير...شمالك باسم ورد تريد تساعد
باسم...مها صبي الجاي...وطلع وامير لحكه
مها....لاتاخذين على خاطرج...اشرت لها بمعنى اعرف...ورحت للغرفة..لو بس اعرف ليش هيج يسوي وياي....
امير..جاشمالك باسم علويش احرجت البنت
باسم...ماهكيت كلبك رجيج يابن عمي
امير...ماعرفن شكلك ...شو احسنك مو على كيفك
اسمي امير مواليد ١٩٨٤ ...ثالث هندسة طويل القامة...رشيق صاحب لحية خفيفة وعيون زرك ...احب ادشاقة واداهر وية الكل...كلنا عائلة وحدة وناس تحب ناس لان الاباء اخوة والامهات اخوات....يوم رجعت من الكلية وصلت باب المطبخ ..سمعت صوت اغاني وكفت بالباب شفت بنية مشلها دشداشتها وتمسح بالماسحة وتغني وية المسجل ظليت صافنة عليها...بعدين اجيت انبهها ..شفتها كامت تركص...جمدت بمكاني وماعرفت اتحرك...لحد مانطخت بية يلا استعاديت تركيزي....هي فشلت خطية راحت تركض وزحلكت ...متت ضحك ومن ردت اكومها ماقبلت ...بيومها دخلت كلبي وحبيتها وعرفت هاي بنت عمي عباس...بديت اتقرب لها واقريها انتظر بس تخلص سادس...اقنع اهلي اخذها....بس الشغلة عويسة لان محجوزة لي اخت باسم مها...بس غير ورد ماريد مرة تصير حلالي
ورد بقيت بيت عمي ابو قاسم لحد ماطلعت النتائج ونجحت...باسم قليل اشوفه ومابينة حجي ...بس لاحظ هو مسيطر على البيت والكل تهابه....اخذ نتيجة ونجح وعمي سواله جوبي مال تخرجه ...بيومها الكل نخبص بالعشى وحركة وناس اجت تبارك وسوو جوبي يخبل ...اول مرة اشوفه...بس شنو مافتهم هالكد على الاغنية بس اشوف حركتهم وية الطبل ...اني صعدت اباوع من غرفة رؤى وية مها...شفت ولد عمي كلهم يعرفون يلعبون جوبي ...بس باسم غير شكل عيني تجي عليه...ياربي ليش هيج من اشوفه كلبي يدك ...من يهز الجفية يركص كلبي وية هزتها...كمل العشى والجوبي وكمنا نظف ...اويلي الله يساعدهم اذا كل مناسبة هيج حيلي نهد....طبعا مرت عمي ام قاسم جابتني اوكع على ام علي اني مقبلت بس رؤى توسلت ...كالت لخاطر ماتصير مشكلة بالعائلة....
امير...بحفلة تخرج باسم ردت بس اشوف ورد كل ساعة ادخل للمطبخ واشوفها تضوي بينهن...صح بنات عمي حلوات بس اغلبهن سمر وهي بيضة ثلج...اووووف يمتى تصيرين حلالي واسويلج احلى عرس وجوبي....
مها....امير يطب ويطلع علينا بس شفته يباوع لورد هواي ...كلبي خمطني ...جنت اشوفن لمى تباوعله وتحاول تتنداله بس ماخفت منها لان اعرفن زين انا محجوزة له وهي لباسم ...بس ورد غير شكل...اردن اباوع لورد اشوفنها مو يمه ...
ورد بالليل ماكدرت انام...واني افكر بمشاعري تجاه باسم...ساعة اكرهه...ساعة اخاف منه...واليوم ماشفت غيره...طلعت بالحديقة وشفته كاعد يشرب جكارة وصافن...رجلي اخذتني له...
ورد...مساء الخير...على الخير التخرج
باسم...جنت كاعد افكر ...اوووف شفكر هي خلت عقل بية صغيرة وسكنت عقلي...لا انا الكدر احبها ولا انا الي اكدر اشيلها من بالي...من اشوفها كلبي يدك...واطلع قهري بيها واقهرها ...اخافن من ضعفي جدامها ...ماحس لا صوتها باذني..جا شمالي بديت اتخايل...التفت وشفتها كبالي...شعر مفلوله جنى ليل والوجه كمر وعيون سود تحجي الاخرس والطول ...واكفة وضوى الكمر عاكس عليها...جمدت ...داشوفن حلم لو حقيقة....
ورد...شبيك باسم اكو شي
باسم...ها لا جاشكو...شمكعدج لهاي الساعة
ورد...ماكدرت انام
باسم...ليش ...شماخذ تفكيرج
ورد...زعجني بحجايته....باسم انت ليش تضوج مني
باسم....ههههه....اضوج ...جاشمالج بنت عمي ...انتي موبالي اصلا...ومن اشوفنج تصرفاتج ...انصحجن حالج حال بناتنا ...
ورد..حيل قهرني ودمعت عيني..اشكرك ابن عمي
اجيت اروح...صاح...اوكفي ...التفت تقرب علي...وانتظرت يحجي بس هو ظل يباوع علي وعينه بعيني
باسم....نقهرت عليها صحتها ...اريد افهمها وتقربت عليها بس من شفتن لمعة الدمع بعينها السودة ...حسيتن كلبي الف بدكاته وماكدرت اسولف وبقيتن صافن على عيونها....وللحكاية تكملة
